يْرتاح بَاڵيْ بَـشۈفُة؛اڵنـۈق]يْطفُن ڵهْيْبَ اڵشوق ونآرهه..~*

يْرتاح بَاڵيْ بَـشۈفُة؛اڵنـۈق]يْطفُن ڵهْيْبَ اڵشوق ونآرهه..~*






الابل لها اهمية كبيرة عند{ البدو }
وهي مثل ما انعرف { سفينه الصحرا }
وهي وسيلة مهمة بالنسبة للبدو
عسب يتنقلون من مكآن لمكآني ثاني
وهي علامة من علامات البداوة إلي مستحيل أحد ينكرها
اول شي بتكلم عن حياة { النوق } ؛{ الجمال } وبعدها بترككم ويا الاصور








راح نتعرف ع مرآحل عمر الابل
اول ما تنولد يسمونها
{ السليل } سواء كانت ذكر ولا انثى


ومن عقب الولادة ولين ما يصير عمرة سته اشهور يسمونه
{ الحوار }


وعقب ما يكمل السنه ينفصل عن امة ويعتمد ع روحة يسمونه
{ فطيم }


وعقب ما يكمل حول السنتين يصير قوي البنية يسمونه
{الحق}



وفي عمر الثلاث اسنين يسمونة{ اللقي }
ويسمونه بعد بـ /{ ابن لبون } لانه يصادف هالعمر إن امه اتجيب غيره

وعقب ما يتم الاربع سنين بعدها اسنان اللبنيه ما طاحن يسمونه
{ الجذع }


وعقب ما يتم الخامسة يطحين شي من ثناياه واتي محلهن ثنايا جديده فيسمونه
{ بالثني }


وبعد ما يتم الست سنوات ويطحن شي من اسنانه يسمونه
{ بالرباع }

و يوم يكمل سبع سنين وعدد اسنان إلي طاحن ست اسنان يسمونه
{ بالسديس }


* الاسم يقولونه للذكر و الانثى




الناقة عقب ما اتجيب حول{ الخمس } مرات او اكثر وخلاص بتوقف
عن اللقاح وجسمها بدا يضعف يسمونها{ بالفاطر }


شي علامات تظهر تدل ع الشيخوخة لا ظهرت في الجمال
ها يعني إنها بلغة نص عمرها ويسمونها{ بالهرش }

ملاحظة/
وفي حال ما نبي علامات الشيخوخة تظهر ع الجمل بالعناية يتأخر ظهور هالشي
والشي المعروف إن { النوق } و{ الجمال } يعيشن حول الاربعين سنه
بس الحياة العملية المفيدة تكون من عمر {6}؛{25}سنه وعقب الخمسة وعشرين
يطيحن سنونها وتبدا تضعف



اما الحين شي مصطلحات لازم نتبه لها للي ماله دراية بالنوق
مصطلح{ الابل }/{ البعير} للذكر والانثى
اما { الناقة } فهو مصطلح بس للانثى
و { المطية } هي الانثى إلي يمتطى ع ظهرها
و { البكرة } هي الانثى الشابة
{ الخلفة } هي الناقة إلي تولد الحوار
و{ الجمل } للذكر
وشي { الفحل } هو الذكر إلي يلقح الناقة
{ القعود } هو الذكر إلي من عمر السنه حتى سن الاربع سنوات
{ العكي } وهو الابل إلي يستعمل فقط للتحميل و الركوب " وحليله"
وشي اسامي كثيرة وشي اسم ماهوب غريب علينا وهو{ الهجن }
وهي الرجاب ويسمن بالهجن لانهن رشيقات

وشي مصطلحات لمعرفة عدد { النوق } و { الجمال }


إلي يملك حول الثلاث لين العشر يقولون { الذود }
وإلي يملك ما بين العشرين لثلاثين يقولون { الصرمة }
و إذا العدد كان ما بين الخمسين لتسعين يقولن { الهجمة }
وإذا العدد وصل لحول الامية يقولون{ الهنيدة }
و لي يوصل حول الخمسمية للالف يقولون { العرج }
و لي يوصل عددهن أكثر عن الالف يقولون { الجرجور }...