فاطري حنّت

جديد الشاعر/ عيد عوض بن مربح الرشيدي



راعي النّخوة وقايد فريق المصلحين
فيصليّن ساق كل المراجل في عصاه
وجدّه أبن شريم ناطح وجيه العايلين
شمريّن مايدنّق أليا أوحى من نخاه
المخايل خيّلت والرعود الها دنين
وأسأل الرحمن يحفظ بلادي ويحماه
في قيادة رمز الاسلام شيخ اسد العرين
*قائدٍ في صدور شعبة رفيع مستواه
خصّي أهل الذنب بأذنوبهم لا تعمّمين
من عمل مثقال ذرة يبي يلقى جزاه
وأسكتي يا فاطري طالبك *لاتكمّلين
الحوار الليّ يقولون ماهو هالسّواه
وأنظري يافاطري في ظروف المسلمين*
بإنحدارٍ يعلم الله نهاية منتهاه
من عصر قابيل وأنتم بشر متخالفين
من قدر ياطا على صابر الثّاني وطاه
ماتت ملوكٌ دواهي ورسلٌ مرسلين
هكذا يالله لك الحمد تصريف الحياه
وأرجعي يا دمعة الحزن في جفن الحزين
إن بكى وإن ما بكى وش يحصّل من بكاه
إصبري مثل مايصبر على السّجن السّجين
السّجين اللي تورّط وغرّوة أصدقاه
*ماتت أُميّ قبل أُبوية وربعٍ طيّبين
كل مالم الزّمن لو خذا مدّة خذاه
قلت والله ما ذبحتة ولا بعتة سمين
حاشيٍ ياكل من الرّعي لين الموت جاه
إصبري والله على كربة الدّنيا يعين
كل كائن يرجي الله ما يخيّب رجاه
فاطري حنّت وأنا أقشر لا أشوف أسم الحنين
الحنين إليا سمعته رمع قلبي بلاه
قلت تكفين أنطقي وأخبريني وش تبين
قالت أبكيلي حوارٍماداج مع أُخوياه










ً