أنا مليت

إلى الدكتور العقيد:
عبدالهادي بن عقيل بن هادي القلادي الرشيدي





ياخال العز ياعز الملز اليا وزت بالعين
.......دموع اللي دموعه في ذرى العزة موزّيها


ألا ياخال ياخال السعد يامعرّب الجدين
...........يابن هادي ياعبدالهادي إن هابت ضواريها


أنا مليت أكابر وأظهر إني ماعليّه زين
...........وأنا أكذب والله إن الروح حال الحال طاويها


تعبت أجامل أيام العنا وأطأ على التحزين
...........تعبت أضحك على روحي وأمنيها وأمنيها

أبي وقفتك شف لي حل يالمصقول أبو حدين
...........ياسيف ٍ ذاخره وإن باحت النفس بخوافيها


وأنا لوماني بمرهي وأعرفك يالمجرب زين
...........ما والله تنطق بيوت القصيده بك وأغنيها


أناعارفك ويعرفك نقيٍ ماجهل بالدين
...........ويعد الطيّبه رجلٍ حقوق الله يراعيها


وأنا أبقى الشامخ اللي تعرفه ياعزوتي مايلين
...........لو إن الحمل كاد رجال نفسي مايوطيها


ولد حرٍ حليمٍ ماتهمه كلمة المسكين
...........رقى بالنفس يوم إن المشوفـح مد أياديها

وتراني عاذر الطيب ولي قدرٍ على الغالين
...........لا صار الغالي الطيب ياشرهة روح غاليها


وأنا شاعر وهمي عود فيه له ثمان سنين
...........عيوني ما أقدر أضحكها وعيب إني أبكّيها

مغاير