صحيح احبك من زمان الطفوله ــــ يوم الشقاء عن قرب الاطفال تايب

صحيح احبك من زمـان الطفولـه
يوم الشقا عن قرب الاطفال تايـب

حتى المحبـة يـوم جتنـا خجولـه
مستغربة؟ طفلين صـاروا حبابـب

نضحك نسولف كل خافـي نقولـه
والحب مخفينـه ..نخـاف القرايـب

وكل"نشد غاليه وش هـي ميولـه
وقلنا سوى..نخشى زمان العجايـب

رعيـان نفـرح بالربيـع بْحلولـه
لاقفى الدهر من جيّة الوسم هايـب

نفرح بساعات المطـر فـي هطولـه
وانضيق اذا مافـي سمانـا سحايـب

وكان الفراق الليل لاعلن وصولـه
ويروح ليلي بـس افكـر بغايـب

والصبح كـل" كيـد ولـم ذلولـه
وكل" على الثاني من الشوق ذايـب

احيانا اركـب والذلـول معقولـه
عجلان ..ماظنه عشـان الركايـب

مع الفرح مـرت سنينـي عجولـه
وكل" مشى في درب مثل الذهايـب

لاصوت لاصورة ولاشفـت زولـه
مدفون حي بدون قبـر ونصايـب

والعنك ياشـي" يجـي بالسهولـه
مصيـرك تواجـه وراه الصعايـب

شفني؟ربحت الكاس قبـل البطولـه
وشفني خسرت الكاس يوم الكسايب

ماكـل شـي" لابغيـتـه تنـولـه
تمشي وترجع باخر الوقـت خايـب

اخذت لي في نعمـة الحـب جولـه
وتغيـر الواقـع بليـا سبـايـب

واصبحت اعرف الحب عرضه وطوله
وعرفت وش معنى الجروح العطايب

حب الطفوله يوم وصـل الرجولـه
تبدلت حالـه وشفـت المصايـب

بس انت حاول قدر الامكان تولـه
لوني على مركاي والـراس شايـب

انت بخفوقي لـك ربـوع وحمولـه
وابشـر بعـزك لوتهـب الهبايـب

حاول معي بالحب لو شفت ضولـه
ولا طيع شيطانك لعيـن الصلايـب

انا انتظـر؟ لـو اليديـن مغسولـه
وسلم على رمشك عطيب الضرايب

وعزالله انـي لاذكـرت الطفولـه
ودي اعود طفل لو صرت شايـب

وسلامتكم