قصة وقصيدة لــ( عجوز السوء) أدهى عقل كيد عظيم والحكاية ممتعة تعالوا شوفوا

كان فيه واحد رجل فاسق وثري و يحب زوجة جارهم تاجر القماش وهذه الزوجة ما تدري عنه أصلا ً الرجل الفاسق راح لعجوز السوء قال أنا ودي تسوين مشكلة لزوجة جارنا عشان يطلقها وأنا بتزوجها وأعطيك اللي تبين





قالت العجوز خلاص أعطني أجري وطلبت مبلغ كبير فأعطاها أجرها وقال إذا نجحتي بالموضوع بعطيك مثله ومثله



العجوز طمعت وخططت وراحت لتاجر القماش واختارت أغلى قماش يوم جات تحاسب التاجر اعطته 10 % من المبلغ قال ما يكفي قالت والله ما معاي غيرهن قال طيب اختاري قماش أرخص على قد قروشك قالت افزع لي تكفى ياابني أنا كبر أمك قال خير وش فيه قالت العجوز ولدي اللي واقف هناك وأشرت على ولدها حاب مرأة ودها تطلق من زوجها ما تحبه و قالت مهري عليك قماش غالي بس ببيع البيت من شان يشري القماش للمرأة



قال التاجر لا حول ولا قوة إلا بالله خلاص القماش حلال عليك وأجري على الله

أخذت العجوز القماش الغالي و راحت لبيت التاجر وطرقت الباب ففتحت زوجته الباب قالت العجوز أنا عجوز ودخت بالطريق وأبي يابنيتي ماء اسقيني قامت الزوجه الطيبة وأسقتها وأكرمتها فشكرتها العجوز وتركت القماش عندها متعمدة وذهبت.



الزوجه المسكينة يوم شافت القماش عرفت إنه غالي جدا جدا قالت يا حول هذي نست قماشها أكيد بترجع تسأل عنه فأخذت القماش ووضعته بالدولاب.



جاء التاجر وتغدا ونام يوم جاء العصر بدل ملابسه من الدولاب فوقعت عينه على القماش الثمين وعرفه وعرف القصة وشكت في زوجته قال ما فيه شك ويش جاب القماش هذا لعندها المهم قال لزوجته يا الله أركبي معاي قالت وين قال بنروح مشوار وهي ماتدري عن السالفه المهم أخذها على بيت أبوها يوم وصل قال أنتي طالق طالق طالق فأخذت تصيح ما تدري ليش.





الخطوة الأولى نجحت فيها العجوز قالت للشاب شفت طلقتها



المهم سألت عن بيت المطلقة وقالت تعالي عندي للبيت وأنا بحل الموضوع ما صدقت المطلقة وجات لعندها فأرسلت العجوز للشاب وقالت المرأة عندنا في البيت تعال جاء الشاب فوجد المرأة قال أنا أحبك وحاب أخطبك وانا ثري أغنى من زوجك فأخذت المرأة تصيح فسمعوها الجيران واستنجدوا بالشيخ فخافت العجوز قالت أحنا تورطنا الحين بس ما عليكم انتم خلوها علي فنادت لأبنها وقالت خلك أنت اللي عند المرأة وقالت للشاب أصعد للسطح أنت أما هي خرجت للشارع وتقول فيه مرأة ورجال في بيتي فكلم الشيخ على الشرطة وجاءت الشرطة وأخذت ابن العجوز والمرأة للسجن المهم المرأة ماتدري كيف تزين



يوم جات الزيارة زارت العجوز المرأة في السجن حتى انتهت الزيارة قالت خلاص أنا بطلعك من الموضوع بس تتزوجين الشاب وإلا بتنفضحين قالت موافقه بس خلصيني من اللي أنا فيه فنزلت ملابسها وأعطتها للمرأة وأخذت ملابس المرأة قالت خلاص أطلعي الحين وهذا كرت الزيارة وأنا اللي بصير بالسجن المهم طلعت الزوجة يوم جاء يوم المحاكمة طلب القاضي القضية والمرأة والشاب فأخذتهم الشرطة للقاضي قال القاضي أنتم متهمين في خلوة غير شرعية



قالت العجوز يا سبحان الله حتى أنت ياشيخ تقول كذا

أنا أمه وهذا أولدي وجالسين في بيتنا وجات الشرطة وقبضوا علينا وهذي مستنداتنا فأرسل القاضي لرئيس الحي فلما حضر قال تعرف ذولاء قال أيه عندنا بالحي قال ويش يقربون لبعض قال قال هذي أمه وهو ولدها قال بارك الله فيك بس حبينا نستفسر.



فنادا القاضي على الشرطه ووبخهم قال تقبضون على عجوز وولدها وهم في بيتهم وتجيبونهم على السجن فكافا القاضي العجوز وأخرجها هي وولدها من السجن.





فذهبت العجوز وقالت للشاب أعطني المبلغ اللي واعدتني فلما أعطاها المبلغ ذهبت للمرأة قالت أنا أقدر أرجعك الحين لزوجك بس تعطيني كذا قالت خلاص ومن ثم ذهبت للتاجر وقالت يا ابني أنا سمعت إنك طلقت زوجتك الطيبة وترى أنا الي جيتها ونسيت عندها القماش لأنوه كنت حاسه بدوخه وياليت لحقت أقرب بيت ومن تعاسة الحظ كان بيتكم فصدقها وراجع زوجته قام الشاب وذهب للعجوز مرة أخرى قال أرجعت لزوجها قالت العجوز وأنا مالي طلقتها منه وهذا اللي اتفقنا عليه عاد ترجع ماترجع مو بشغلي.



وأخذت ترقص وتقول قصيدة :-



أنا العجوز أم البلاوي -- أجرح وأداوي --- أنا العجوز أم البلاوي



أهم شي أرضي ضميري وضر غيري---- أنا العجوز أم البلاوي.

أنا أنا أم الدواهي ياكبر جاهي---- وأنا العجوز أم البلاوي











شفتوا كيف كيد العجائز قديما ً





إن شاء الله بتعجبكم قصص إبتسااااام