هذه القصيده بلا مقدمه اليكم |
حاول قدر ماتستطيع بحياتك = انك تعيش مع البشر تذكر بخير
تبقى على طول الزمن ذكرياتك = كم ميتٍ ذكره على طيبه يسير
عش والتواضع والشيم من سماتك = العمر صيده والمنايا هي الطير
وان كان زله من قريبك جاتك = ادمح وكنه ماحصل منه تقصير
وحاذر وبعد عن مساره خطاتك = ابعد بحكمه لا تثير المعاصير
لا تناقشه وتقول : غلطه سواتك = ترى النقاش اللي يطير غطاء البير
استر خطاه وخل صمتك حكاتك = خله يبين زلته واحدٍ غير
ولا تكثر حسوفك على شي فاتك = شف وش مكاسيبك وخل المخاسير
ولا تشتكي للناس همن بذاتك = اصبر على ظروف الزمن خلك بعير
خل المعزه والصبر من صفاتك = جاحد همومك بالليال المعاسير
في صمتك الحكمه وصبرك نجاتك = شيءٍ مجرب ما يبي أي تبرير
واهم شيء احذر تفوتك صلاتك = ترى العمر مشوار ماهو مشاوير
لابد من يومٍ يذاع بوفاتك = لاتغرر لنفسك تقول انك صغير
بسمائك الحسني وعليا صفاتك = أسائلك حسن الخاتمه وذكر بخير
10-27-2009, 03:29 PM
ابعد بحكمه لاتثير المعاصير
العرض الشجري