وإن بغاها باللكاعة ..باللكاعة

من روائع زعيم الشعر

جت مناديب البريد وجيت كلـي
جيت كلي يامذاخيـر الجماعـه

يابني عمي عمى عين المغلـي
يانوادي عبس يازحول الشجاعه

والنهار اللـي هماليلـه تهلـي
والنهار اللي يشيب بها الرضاعه

بالديار اللـي غلاهـا مايقلـي
كل مازاد المـدى زاد اتساعـه

يامعاتبني علـى دقـي وجلـي
البطا ماهـو جفـا والاقطاعـه

والله أنـي بالطويـل المستقلـي
رافع ٍراسي عن دروب الدناعه

مايدنـق للـردي راس امتعلـي
مايدنق للردى عقـب ارتفاعـه

علم اللي مافهمنا وعلـم اللـي
متعب نفسه على قلـة سناعـه

ان بغاها باللي احسن جيت كلي
وان بغاها باللكاعه ..باللكاعه .