لوباروا اصحاب الرخاء يبقى الرشيدي مايبور

مجارات قصيده لزيد بن راجح البقمي
باربع قصايد اجمل مامر لي من شعر
زيد بن راجح البقمي

إمسك زمام الشعر واعبر به علـي كـل إتجـاه=ما قدمك الآ . الورد والريحان وانـواع الزهـور
تراك من باب الوفـاء رديـت لـه روح الحيـاه=وأضفت له شعرك وقار وهو علي الفطره وقـور
زرعت فأرض الشعر واستمطرت سحبه من سماه=وأضفت لبحور الفراهيدي مـن افكـارك بحـور
أقطف بيوتك من زهر وانحت بيوتك من صفـاه=الزهر تبقى ريحته والنحت يبقى فـي الصخـور
أشوف شعرك يختلف عن شعر غيرك في بنـاه=أحس به في داخـل الاعمـاق ويهـز الشعـور
شعرك يناديني علـي القمـه ويجذبنـى سنـاه=وبعض القصايد مظلمه والأ أنت شعرك فيه نـور
أنت القصيد إليا أنهمر منك يتبختـر فـي بهـاه=ويصير للوجـدان فـي وجهـه منافـذ للعبـور
يأ كاسيـاً وجـه القصيـده بالعفـاف وبالبـراه=ايـوّالله الأثنيـن هـم أقـوى تذاكـر للمـرور
يامـروي الضميـان لبداعـك وياقاطـع ظمـاه=انا من ابداعك . من ابداعك . من ابداعك غيور
حولتنـا مـن خانـة الشـعـار لمـجـرد رواه=لبيوتك اللي سجلت للشعر فـي غيابـه حضـور

الرد على زيد

بديت بسم اللي يعلم الغيب والخلـق وخفـاه=رافع سماه بلا عمد والارض تحت امره تـدور
الواحد اللي يخلق الانسـان ويـدور رضـاه=ماهو بحاجه لشكر ويـدور العبـد الشكـور
في ثانيه يقـدر يبيـد الكـون لونـه بغـاه=ويبدل الاحيا بمـن ماتـو وذابـو بالقبـور
شديد بعقابه غفور لمن رجعلـه فـي خطـاه=بيديه ملك الكون والارواح ولعبـده غفـور
كم من سجين بدم مئيس من رجوعه للحيـاه=ويوم القصاص الفا عليه ولارجا عقبه ظهـور
وجاته من الله قبل ضرب السيف بشوي النجاه=جاته من المبعود رب الخلـق دفـاع الشـرور
بديت بسمه قبل ماقـول القصيـد ومبتـداه=واكيد ماقلت القصيد الا عقب ثورت شعـور
لولاك انا يالشعرضاق الكون فيه مـع فضـاه=غليك مثل اهل الصقور اللي يحبون الصقـور
ماتغيب عني غير في وقت العبـاده والصـلاه=يامبدلن همي وضيقاتـي بساعـات السـرور
سـلام يابحـر الخليـج ويابحـر جـده وراه=ياللي علومك بالكرم والطيب والفزعه ابحـور
يافزعت المظيوم لا منه علـى الفزعـه نخـاه=يابن الرجال اللي تعوم الطيب من ماض العصور
رجل التواضع والمواقـف والمهابـه والوجـاه=اللي بنا للمرجله والطيب فخمـات القصـور
من رافقه لوهو دقيقـه فـي حياتـه مانسـاه=ماغيـره وقت(ن)تغيربـه قصيريـن الشبـور
زيد بن راجح عز من بالضيق والشـده نصـاه=ابن البقوم اللي لهـم تاريـخ بالعـز مخبـور

زيد بن راجح البقمي

هب القصيـد ولاح برّاقـه وداعبنـي هـواه=وانا اتحرى الدره اللي تبتهج منها الصـدور
اسقي منابتها عنايـه ليـن تخضـرّ النـوّاه=واستصلح من ارض القصيده بالعنايه كل بور
ارقي لها قمة طويق وقمـة جبـال السـراه=واتعب لها تعب هوّاة الشرد واسراب الطيور
حتي يصير إلها بعيـن اللـي يقيّمهـا حـلاه=والآّ يذعذع ريحها لا قدمـت مثـل العطـور
لعلهـا تكبـر بعيـن اللـي مشرفنـي ثنـاه=النادر اللي له مع أهل الطيب والوقفـات دور
سليل عبس أهل المرؤه والصناديـد الدهـاه=أهل السيوف اللي تشيل الرؤس وتفج النحور
فيما مضى يوم الزمن قاسي يضدون القسـاه=واليوم تحت الرأيه الخضراء يحرسون الثغور
وأفين فالخوه وفي الجيره وأهل نخوه وجـاه=لوباروا اصحاب الرخاء يبقى الرشيدي مايبور
ياخليف راع الطيب يلقى مثل ماقـدم جـزاه=ونمد للطيـب يمانينـا لجـل طيبـه جسـور
وبيوتك اللي عطرها الفوّاح صافحنـي شـذاه=وش لون أحصل مهرها اللي مايشابه للمهور
نقيتها من وسط روض ٍ ماحد ٍ يدخـل حمـاه=ورسمتها في لوحة الابداع بأفكـارك سطـور
هداج تيما لو نحـاول ماحـد ٍ يلحـق مـداه=ترده طروش البدو وتصدر وهو جمه يفـور
واسلم ودم ماذعذعت في نجد واطرافه صبّـاه=والعذر يانسل الكرام ان كان جاء فيها قصور

الرتحيب بزيد

مرحبابك مرحبابك عد مـن كبـر وصـلا=يابحور الشعر وبحـور المراجـل والكرامـه
والله ان الضيق والهاجوس مـن ردك تجـلا=جعل من عقبك يالمطنوخ للجنـه عضامـه
والله ان خليف كنه ياولـد راجـح تـولا=كل مال الخلق يوم انه لبس شعرك وسامـه
من يلوم شعر في مدحك مـن قرابـه تبـلا=بالجفا اللي يحرم عيونه مـن همومـه منامـه
ولويقال ستغفر الله قلـت ومـن الله يـذلا=ومن يلوم خليف في مدحك تلبس بالملامـه
مادرن الطيب واصلني منك فـي وقـت زلا=يحسبن خليف مدحه فيك تخميـن بكلامـه
عل ربي يسعـدك بالعمـر ويعيونـي تحـلا=باعث الارواح عقب الموت في يوم القيامـه
والله ان الشعرفي مدحك يطـول ولا يمـلا=لويمل بغيرك انت يزيدبـك عـز وفخامـه
وجعل من مثلك بافعل الطيب والسمعه تعلا=جعل دربه سمح بالدنيا ولا يشوف الندامـه
ياخوي العز تدري بالوصايـف وش تحـلا=في شروق الشمس لاطلت على الليل وظلامه

الرد من زيد

مرحبا ثم مرحبا من خاطر ٍ رحـب وهـلا=مرحبا من ساحل الخفجي الي ساحل تهامـه
بالرفيق وبالبيوت اللي لها البـال اسفهـلا=قمت للقادم من الفرحه وطشيـت العمامـه
جت تهادى بالوفاء والطيب والشهد المحـلا=شيخة ٍ فيها شموخ أهل المرؤه والشهامـه
درة ٍ قامت خلاخيـل الذهـب منهـا تـدلا=كل مالديت فيهـا شفتهـا نبـل وّ سامـه
تو ما ناضت بروق الشعر والوبل استهـلا=وانجلت من خاطر المشتاق لعلومك غمامـه
قمت ادور بعدها الجـزلات والجزلـه تغـلا=ماتجي بمـدارق الحيـلات والآ بالقرامـه
قلت احايلها وأصايد نفسهـا ليـت والعـلا=لجل مايرضي غروري في القصيد الآ سنامه
وين أحصل دوحة ٍ في ظلها اجلس واستظلا=وأترقب ملهم الابداع يرسـل لـي الهامـه
ماكتبت الشعر للوافين مـن بـاب اتسـلا=اكتبه للي يعرف الشعر ويعـرف احترامـه
ياخليف الله يديـم الـود ياعـون المخـلا=عشت يانبع الوفاء والمرجله مرفوع هامـه

وسلامتكم

ووسام يابو راجح منك لخليف