كربــاج قصيده

شوف شعر كلام ميه ميه

ياسعود لاتنشد ترى ماني مجيب=‏خل الذي خافي له شهور خافي ..!!
إن شفتني مغتاظ لي حق ومصيب=ياسعود مزعلني جديد إكتشافي.
الغالي اللي كان من قلبي قريب=‏بيني وبينه صار مثل التجافي.
إن قلت زله...مثلنا زلته عيب=‏من قال لك شمس الضحى ماتشافي.
إن قلت هقوه...يمكن تصيب وتخيب=كم لي سنة ماشفت فيه إختلافي.
وإن صار في نفسه بعض شكه وريب=‏حتى البحر ماهو على طول صافي.
صرنا من الصده سوات المصاويب=‏كلن نقل جرحه وقال : امتعافي.
أصعب فراق...فراق عكف الأشانيب=‏ماهو مفارق...لابسات الغدافي.
والذيب لامنه عوى جاوبه ذيب=والعلم حامض..بس وين الأشافي
ودامه لقاله غير قلبي معازيب=‏الله يسمح درب هاك السنافي.
يروح...لايرجي رسول ومكاتيب=‏هو خابر إني...ماأتلفت خلافي.
واللي تعلى فوق روس المراقيب=‏أكيد ماتسفي عليه السوافي.
رح بشر اللي "شال شلفا" تريحيب=‏قله...تراها كلبوها عوافي.
اليوم نفسي طابت وباكر يطيب=جرحي لو أنه من يدين المشافي.!!

شعر / متعب التركي المطيري

تسلم يمينك اخوي كرباج

لاهنت وصح لسان الشاعر متعب التركي

تحياتي لك ابو الكرابيج

صح لسان شاعرها


لاهنت اخي كرباج على نقل القصيدة الرائعة


تحياتي

تسلم يمينك كرباج

لاهنت وصح لسان الشاعر متعب التركي

صح لسان قائلها وتسلم يمين ناقلها

كرباااااااااااااااج ميه ميه

مشكور ابو الكرابيج

لاهنت اخوي

كلوا نفر انا يشكر هو