ماهمنـي حكـي العـذل والملامـات ... بسـنـة الله والنـبـي طالبيـنـه

بسم الله الرحمن الرحيم

السلام عليكم ورحمة الله وبركاته


اسعد الله اوقااتكم بالخير واليمن والمسرات


اخوتي في الموقع

اقدم لكم

{شيخة قصيدي}

والتي اتمنى ان تنال على اعجابكم واستحسانكم

وان تكون مصافحة جميلة لقلوبكم


لا اطيل

عليكم

أليكم ماكتبت

دوم اتمشى بيـن ذيـك الغراجـات = فـي خايـعٍ جـل العـرب خابرينـه
مابين ضبع وبين ملـوي وعفـرات = أمضى الفتى ياخوك سالـف سنينـه
يامـا تدهوسنـا بذيـك المطـقـات = وفرينـه الهنـدل بكلـتـا يديـنـه
وياما خذينـه بالمقانيـص صيـدات = عسر الخبـاري بالدداسـن مشينـه
ويامـا لقينـا بالبسيطـة وناسـات = ويامـا بجلسـات الطرايـب حكينـه
هاك الليـال الماضيـات الجميـلات = مـرت ولاكنـه خذينـه وعطيـنـه
واليوم أنا قلبي يشـوف التعاسـات = من صاحبٍ ساكـن بحـد {المدينـه}
في قربه أحيا والمحاجـر عطيبـات = عن شوف مضنون الحشا صابرينـه
نذراً لدوس القلب واقطـع علاقـات = رجوى الذي خلـه حياتـي حزينه
ماهمنـي حكـي العـذل والملامـات = بسـنـة الله والنـبـي طالبيـنـه
ياعل قلـبٍ ماشكـى بعدهـم مـات = وياعـل ودٍ مـن حنابـه يجيـنـه
احبهـا كثـر الـدروب الطويـلات = وعداد مـا بالكـون مـن مسلمينـه
وعداد مارفت على القلـب ضيقـات = وعـداد مابيَّـح فـؤادي حنيـنـه
شكيتلك من ماضي الوقـت سجـات = من صاحبٍ شـاف التعاسـه بعينـه
وصل كلامـي للعيـون الوسيعـات = وقلـه ترانـا بالعـمـر ناطريـنـه
لو حالت بوصله ظروف ومسافـات = لابـد ماتمسـك يميـنـي يميـنـه
ويا { موسى } أقبل من جنابي تحيات = ياعمـي الـي بالـوفـا عارفيـنـه
من شاعراً صاغ المعاني والابيـات = واطلق لكم سرب البيـوت السجينـه

ودمتم سالمين

علماً .. ان ضبع جبل .. في حرة بني رشيد .. قرابة عماير المرير

والملوووي الوادي المعرووف .. وعفراات .. جذايب { هضاب }

والهندل .. هو الأداة المساعدة لتشغيل الماكينه .. التي تجلب المياه من باطن الأرض


وتقبلوا جل تقديري وسلامي
ذ
ي
ب
ا
ن

::