 |
|
|
|
#1
09-28-2007, 02:05 PM
|
|||||||||
|
|||||||||
حباب السندي الرشيدي في سطور
نبذه عن حياة الشاعر / حباب السندي الرشيدى رحمه الله
هو حباب بن سندي بن سبيل الرشيدي. ولد في الباديه سنة 1934 م . له مشاركة في التلفزيون ومقدم فقرة ديوان الباديه بالأذاعه وعضو لجنة جمع التراث بديوانية شعراء النبط الكويتيه سابقاًًََ عضو في ديوانيه شعراءالنبط ألكويتيه. شارك في كثير من المحافل الرسميه وغير الرسميه وله مساجلات مع بعض الشعراء صدر له اربع دواوين من الشعر (1)- ديوان الاحفاد لذكر الاجداد . (2)- ديوان بن عبس بين اليوم والامس. (3)- ديوان عيد الخياري الذي قام بجمعه واعداده على نفقته الخاصه. (4)- ديوان حباب للشعر والحكم والاداب. قضى حياته رحمه الله رحمة واسعه بأعمال البر والخير طيب الخلق محمود السمعه والسيره محبوب عند الجميع له منزله عند كثير من الناس رحب القلب بشوش الوجه يقوم بتحمل حل المشاكل ، وأصلاح ذات البين بين الناس يعين بجاهه من لا جاه له ، يتجاوز عن هفوات الاقرباء والاصدقاء يساعد العاجز بحل مشاكله ، وجميع أعماله في الخير لاحدود لها ومن اعماله الطيبه في فعل الخير قام ببناء بعض المساجد في بعض الدول العربيه الشقيقه. جزاه الله عنا خير الجزاء وأدخله فسيح جناته أنه قريب مجيب الدعاء ، وقد رثاه كثير من الشعراء ذاكرين أفعاله بالخير وأعماله الطيبه. سنورد ما حصلنا عليه. وهذه مرثيه للشاعر / عايد السندي في رثاء شقيقه المرحوم حباب السندي الذي وافته المنيه في المملكه العربيه السعوديه في نواحى منطقه حايل على اثر حادث مؤلم تغمد الله الفقيد بواسع رحمته آمين . مرحوم ياللي بأرض حايل فقدنـاه عز الله انـه ضـاع منـا فقيـده ان قيل وان ما قيـل والا ريثنـاه أنا أشهد انـه راح منـه وليـده سهم القدر باقصى الغزاله تمثنـاه في حادث ٍ جعل الولي مـا يعيـده أكمل مباني مسجـد ٍ زان مبنـاه يرجي ثواب الله نظيـف العقيـده ومشى صلاة الصبح عجل ٍ بممشاه قضى المهمه وأكمل الدرب سيـده أسرع شوي وصار ما كان نخشاه ومن قوة الحـادث تناثـر حديـده مات العضيد اللي بفعلـه عرفنـاه رجل المواقف بالامـور الشديـده بكى على قبـره رجـال ٍ مسمـاه من غير صدقانه وغيـر البديـده أخوي لو يفدى بروحـي فدينـاه لكن قضى رب الورى مـا يريـده مرحوم ياللي دوم يضحـك محيـاه سمح ٍ جنابه والمواقـف حميـده فيه المروه والتواضع لمـن جـاه يعطيه ماجوبه ولو هـو ضديـده شهم وفي وافي حميـده سجايـاه يم العـلا هومـات نفسـه بعيـده كمـل دروب المجـد والحـمـدلله واليا انقضت كل البشر ما تفيـده وراح الفقيده واكثر الناس تنعـاه عبر الاثير ومـا كتـب بالجريـده يالله ياللـي طيبـات ٍ عطـايـاه يامن بديت الخلـق تقـدر تعيـده يطلبك عبد ٍ مخلص ٍ وانت رجواه ياحي ياراعـي العطايـا الحميـده ترسل على قبره عبيـر ٍ تغشـلاه غيث ٍ من الرحمه يفيض ويزيـده وأرسل على قبره سحاب ٍ نثر ماه يروي ثرى قبر ٍ سكنـه الفقيـده الله عنا باحسـن الخيـر يجـزاه وجنات عدن ٍ جعلها من رصيـده طالبك ربي جنـة الخلـد مـأوآه آمين صلى الله على اشرف عبيده وهذه مرثيه للشاعر / موسى بن عمران الرشيدي يرثى فيها حباب السندي مرحوم ياللي مات غرب الغزالـه شرق ٍ من الشعبه شمال أم سـلاه يوم الاحد سابع رجب من هلالـه حل القضا والقدر والاجـل وافـاه والحمد للمولى علـى كـل حالـه نصبر على ما صـار والامـر لله مرحوم يارجل ٍ اليـا جـا مجالـه قولة نعم تنقال بحضـور طريـاه رجل ٍ على الشدات ما ضاق بالـه اليا قام بالموضوع بأمر الله انهاه مواقفـه فيهـا الوفـا والجمالـه حباب عز ٍ في مقامـه وممشـاه حباب لا ركـب الرشـا بالمحالـه كم من ضعيف ٍ ساعة الضيق ناداه متجاذبه بالطيـب عمـه وخالـه عزيز جاه ومن اهل العز مجنـاه تارد على عذب المـوارد أحبالـه يشرب من الجمه ولا يقصر أرشاه وان انعقد عقد ٍ صعيـب انحلالـه حله براي ٍ راعي الفكـر يرضـاه وفي مجلسه يلقى الشرف والشكاله وسوالف ٍ عن كل عيـب ٍ منقـاه ولو اذكر اللي ماضي ٍ من افعالـه كان القلم يكتب ولا يحصي ادنـاه لو كان عنـا مقفيـات ٍ ارحالـه ارثاه في زين المثايل ولا انسـاه الله اكبـر يالـزمـان وحـوالـه امسى الضحى وياه واليوم نرثـاه مرحوم ياللي مـا يشـح بحلالـه عند اللوازم يرخص المال والجـاه وان جاه رجل ٍ من بعيـد ٍ عنالـه يضحك حجاج اللي من البعد ينصاه تعطي يمينه ما درت لـه شمالـه وما قدمت يمناه من خيـر يلقـاه ندعي لـه الرحمـن جـل جلالـه يغفر ذنوبـه ويتجـاوز خطايـاه عسى جنان الخلـد فيـه النزالـه مع الكـرام بجنـه الخلـد مـأواه بدار النعيم اللـي ظليـل ٍ ظلالـه الله يجمع بيـن الاحبـاب ويـاه راح الفقيده والبقـا فـي اعيالـه واخوانه اللي بالمهمـات شـرواه اليا غاب نجم ٍ بان الاخـر بدالـه والحر ينجب مثل وصفه وحليـاه ما هل همـال ٍ صـدوق ٍ خيالـه صلوا على اللي بالشريعه تبعنـاه وهذه قصيده رثاء للشاعر / فديغم بن خنيفر بن سبيل في رثاء حباب السندى رحمه الله البارحـه عضيـت روس البهومـي جضن صناديق الحشا جمـل وفـراد قعدت انـا ليـن ادبحـن النجومـى والعين كن الهـا عـن النـوم ذواد وأصبحت من شوف الحبيب محرومي حالن من دونـه طويـلات الالحـاد اليا جا القضا مـا ينفعـن العلومـي مـا تنطـح رادات ربـي اليـا راد أجبر عزانـا يـا منشـي الغيومـي انت الكريم اللي لـك الخلـق سجـاد تعوضنـا باللـي يسـد اللـزومـي عوق الخصيم اليا حصل غيض وعناد شوره براسه مـا يطيـع الرخومـي له عادة ٍ يلطـم خصيمـه اليـا زاد محنـك ٍ مثـل الحصـان العزومـي كريم سبـلا وان هبـا كـل حسـاد حباب غيـث ٍ للضعيـف ورحومـي يا مكثر الترحيب يـا مقلـط الـزاد يمنـاه دايـم للطراريـش تـومـي متبين ٍ طيبه علـى روس الاشهـاد معصوم عن درب الردى ومحشومـي مجناه من بيـت المـروه والاجـواد يا عل بيتـه مـا يصيـر مهدومـي ويصير مثلـه مـن شغاميـم الاولاد يالله ياللـي مـاش غيـرك يدومـي تحط لـه فـي جنـة الخلـد مقعـاد وهذه قصيده رثاء للشاعر / رشيد بن عواد الرشيدي في رثاء حباب السندي حبـاب راح وكلبـونـا فقـدنـاه راع المعرفـه والوفـا والجمالـه ما يرجعه كثر البكـا لـو بكينـاه يومه وقف وقفـا وقفـت رحالـه اليا صارت الدعوه وكبرت نصيناه وأستقبل الدعوه بهـدوء وسهالـه يحلهـا بالـراي والفكـر والجـاه وأن كانها بالمـال يسـوق مالـه اليا لبس بشت ٍ فوق الامتان تزهاه والفـرد والغتـره وزيـن عقالـه ياقف لها وقفت جمل مكـره عـداه ما يلحقه منها زمـل بـأي حالـه يفوز أبو هندي على مـن تحـداه بالحق ماهو فـي طريـق البطالـه مثل النـداوي والنـداوي حلايـاه حبـاب شيـال الحمـول الثقالـه اشهد شهادة حق ما هي مضاهـاه ان أبو هندي مـا نحصـل بدالـه أقولهـا بجهـار ماهـي منـاجـاه واللي زعل يشرب من الماء حثاله راع المزايـا الطيبـه مانسيـنـاه يذكر علينا كـل مـا جـا مجالـه عسـاه بالجنـه محلـه ومـثـواه وعسى العوض عقبه بحضرة عياله عساه يطلع واحـد ٍ مثـل شـرواه والا علـى حـده بكـل المقـالـه من لابـة ٍ مثـل الذهبـه مصفـاه وأساسهم مثل الذهب عـن ريالـه ربعه حمول الخيـل يـوم الملاقـاه ولاخير باللـي مـا لقولـه دلالـه فكاكـة الخلفـات يـوم المثـاراه اليا طار ستر أممشطـات البلالـه وهذه قصيده رثاء في حباب السندي للشاعر / شامان عمر الرشيدي يا ورق أباجاوب نياحك بنوحـي لو ما يفيد النوح بفـراق غالـي مما دها يا نايح الـورق روحـي أصبحت معـزول جـو ٍ الحالـي يلوحني حـر التفاريـق لوحـي والكبد يصلاها من الحزن صالي على الذي لو صحت ماهو بيوحي فقده سطـا بالحـال واعزتالـي صديقي اللي حاسبه ضمن روحي حبـاب عنـا بعدتـه الليـالـي ماني على مثله بنوحي شحوحي لاواه من فرقـا كريـم السبالـي يالعين فوحي بأزرق الدمع فوحي خليه فـوق الوجنتيـن متتالـي لو أن دمعك ما يداوي جروحـي الامر للـي والـي ٍ كـل والـي ما ينطح سيف المنايـا نطوحـي لا حل بأمر ٍ من عزيز الجلالـي مرحوم ياللي للمعالـي طموحـي ذرب اليمين اللي طلـع للمعالـي ماهو بحزات الشدايـد لحوحـي يعجبك كأنه صك جـال ٍ لجالـي عن ربعته صعب المشاكل يزوحي براي ٍ يحـل معقـدات الحبالـي أقفا وحنا مع طريقـه نروحـي درب ٍ معه كلن يشـد الرحالـي يالله يامجري السفينـه بنوحـي تحطله في ظل عرشـك ظلالـي يامن لراع الحوت تسمع وتوحي يا خالق ٍ خلـق ٍ وراه الزوالـي ياواحد ٍ لخطا عبيـدك تبوحـي تغفـر ذنوبـه دقهـا وجلالـي وهذه قصيدة رثاء للشاعر / ناصر خنيفر الرشيدي في رثاء حباب السندي علم ٍ لفـا يـا عـل مـا الله يعيـده علم ٍ تفاجـوا فيـه مـن يسمعونـه قلـت الخبـر قالـوا توفـى وليـده حبـاب عنكـم مقفيـات ٍ ضعـونـه وشبة بصـدري مثـل نـار ٍ وقيـده نـار ٍ حطبهـا بالغضـا يشعلـونـه قلت أنتهـت والله فعـل مـا يريـده أمانـتـه والله خبـيـر بـشـونـه جاه الذي لو طـال عمـره يصيـده المـوت ديـان ٍ يـطـارد أديـونـه ولا فيـه مخلـوق ٍ حياتـه مـديـده مابـه مخلـد بالبـشـر يذكـرونـه مهمـا ضحكنـا بالليـال السعـيـده الادمـي ملـزوم سلمـى تخـونـه أمـا تجـي بـأول شبابـه نكـيـده والا بتـال العمـر شـاف المهونـه وموتـت حبـاب أكيـد والله فقيـده عنـد القبيلـه والــذي يعرفـونـه ملزوم يفقـد مـن صفاتـه حميـده على الخوي والجـار نفسـه حنونـه وعـز ٍ للربعـه بالليـال الشـديـده واليـا تخالـف رايهـم ينحـرونـه له راي يحسب ضمن الاريا السديـده طلـق ٍ حجاجـه بالقسـا والمرونـه من جاه يبغي الشـور علمـه يفيـده ومن جاه يبغي العون يبشـر بعونـه واللـي يعرفونـه مـن أيـا بديـده اليـا حـل ذكـره كلهـم يشكرونـه ويا الله يـا محيـي عظـام ٍ هميـده يا مـن عبـادك رحمتـك يرتجونـه تمحـا ذنوبـه والحسانـي تـزيـده وفي رحمتك وسط اللحـد ترحمونـه بالخيـر والحسنـات زود رصـيـده واعلـى الجنـان العاليـه تدخلونـه وعسى العوض بأحمد وهندي عضيده عسى سلـوم العـود مـا يخلفونـه والموت قبله شـال نـاس ٍ عديـده واللـي بعدهـم دربهـم يضربونـه سنـه مـن الله سنهـا فـي عبيـده وله التصـرف فـي عبـاده وكونـه وهذه قصيده رثاء للشاعر / عيد نفاع الرشيدي في رثاء حباب السندي مات أبو هندي والفعل حي مـا مـات دب الليـالـي باقـيـات ٍ أفعـالـه غايب رحل وليـا نظـرت الكتابـات ما غاب مجده حافظـه عـن زوالـه مرحوم ياللي لـه مواقـف مهمـات تاج وفخـر بالطيـب تـارد حبالـه مرحـوم يـاراع السخـا والمـروات مضـت حياتـه بالكـرم والجمـالـه لاهـو بـزراي ٍٍ ولا هـو بشمـات من شبته مـا عـد عنـه الفسالـه ما صك بابـه دون وجـه القرابـات والضيف والعانـي شريـك بحلالـه يبكونه اقصى الناس وأدنى الرويضات موتى العرب واجـد وموتـه الحالـه مرحوم يـا شيـخ ٍ يحـل الشكـلات قـوام بالواجـب ونـطـاح قـالـه فكـاك نشبـات ٍ وفعـال خـيـرات يمـد باليمنـى وتعـطـي شمـالـه ينعـاه مـن قلـت عليـه الحيـالات بالسجـن ممنـوع ٍ عليـه الكفالـه عوين من حـده مطاليـب وأديـات اليا أنثنـى عاجـز تحيـزم وشالـه حبـاب شيـال الحمـول الثقـيـلات مال الضعيـف ان قـل بيديـه مالـه تغمـده ربـي برحـمـه وجـنـات وأكـرم نزولـه واستظلـه ظـلالـه مالـوم قلبـي لـو يجـر التنهـات ويفز مـن حلـو الكـرى لا طرالـه هاذي هي الدنيا مصايـب ولوعـات مات أبو هندي والبقـا فـي عيالـه وهذه قصيده للشاعر موسى ابن عمران الرشيدي عندما مر في رجم المرحوم حباب السندي الذي بناه في ايام شبابه حيث جدد بناه قبل وفاته رحمه الله سلام يارجـم ٍ علـى راس مرقـاب يا اعز مرقـاب ٍ واعـز الرجومـي اعز المرقاب مـن عـز الاصحـاب وقلبي على مرقـاه دايـم يهومـي المرقـب اللـي للمحبيـن جــذاب والرجم كانه يـم الاصحـاب يومـي أرقبت به مشتاق من زود الاعجاب أبا الوناسـه ميـر زادت اهمومـي والقلب من مما شافت العين منصاب وقامت طيور البين فوقـي تحومـي أشوف بالمرقاب رجم ٍ لـه أسبـاب عليه من جرد السنيـن الرسومـي بناه بن سندي بعصره وهـو شـاب أيام عصره فات مـا هـو اليومـي بناه فيه يمناه يـوم الهـوى هـاب هبت له الغربـي تسـوق الغيومـي يوم الزمان اللي ضحوك ٍ بالانيـاب يضحك ضحكات الدهر مـا تدومـي واليوم غاب وحال من دونه تـراب ومن مرقب المرقاب صرت محرومي بقيت يارجمه على اسمه وهو غاب عساه بجـوار الغفـور الرحومـي قلته وعيني تـذرف الدمـع سكـاب ومن ذاق فرقا صاحبه مـا يلومـي يا عل عين ٍ ما بكت فرقا الاحبـاب يقصر نظرها ما تشوف الحزومـي يارجم ياللي بين وديـان وهضـاب هلـت عليـك مبكـرات الوسومـي وأخضر ترابك أزهرت حولك أعشاب ونـزل بقربـك طيبيـن السلومـي هذا وأنا من مرقبك خاطـري طـاب حولت من مرقـاك مالـي لزومـي 
|
|
10-02-2007, 06:51 PM
|
#4 | |
سلايل عبس
|
لاهنت اخوي ماجد على هذا النقل المميز
ورحم الله حباب السندي تحياتي لك وتقديري |
|
     لانجاح الا بالتعاون والاصرار على المواصلة يشرفنا أن تقوم بالتسجيل بالضغط هنا إذا رغبت بالمشاركة في المنتدى،
|
 |
| مواقع النشر (المفضلة) |
| الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
 |
 |
)()()()()><><><><><><>
العرض العادي
