قصيدة بعنوان ( حسن الخلق ) للشاعر معيبد بن ضيف الله بن حنية المظيبري

القصيده

تنافس عباد الله بجمع الذهب والمال = تبا جمعها لو جمعها مايخلدها
كنوز الذهب لو طال فيها الاجل تنزال = وتفنى الرجال اللي للاجيال ترصدها
ولكن تلقى الناس في زودها تختال = غبا بالعقول اللي هوى النفس جمدها
انا شفت بعض الناس ياللاسف جهال = تناسوا سبب عز الرجال وتمجدها
تناسوا كنوز (ن) خلدة بالزمان أرجال = ولو بادوا اهل الارض محدن يبيدها
كنوز (ن) عسى ماحضها بيننا الاهمال = وعسانا نلبّس تاجها مع قلايدها
تفاخر بها اهل العرف والعالم العقال = وتنافس بها ناس (ن) صحيحة عقايدها
تحت فيء حسن الخلق للطيبين ضلال = سموا في عروش (ن) حسن الاخلاق شيدها
يعيش الكريم معان في معظم الاحوال = ويعيش الصدوق وحجته تطلع بيدها
ولباس التواضع يلبس الرجل ثوب اجلال = وهل الحلم تفرض ودها في توددها
وترى الابتسامة كنها صادق الهمال = يطفى بها غيض القلوب و وقايدها
ولو تصلح النيات ماتفسد الاعمال = واهال المكايد واقعه في مكايدها
عزاز النفوس تشوم عن قول قيل وقال = وهل الصبر تزرع والفرج في حصايدها
اهل عالي الاخلاق في عالي المنزال = وقرّب الهي من نبيه مقاعدها
كنوز الثرى الاخلاق ماهي ذهب وريال = وفقير البشر من عاش دنياه فاقدها

وسلامتكم

وانت سالم وغانم وصح السان الشاعر معيبد

وسلمت يمناك على الاختيار الرائع يابو هباش

لاهنت أبا هباش على نقل هذه القصيدة المعبرة

صح لسان الشاعر معيبد المظيبري على القصيدهـ الرائعه
وسلمت يمينك ياابو هباش على نقلها هنا.
تحياتي لك.

صح السان الشاعر معيبد ...,
وسلمت يمناك على الاختيار الرائع ...ننتظر جديدك ....$