وجه وَ وجه...يوسف بن شلاح و باجد عبدالرحمن

نشوة الثملة

أنت يالشاعر اللي كل مأسمع نباك=أنتشي نشوة الثملة وأفك البكيت
أسعد الله مسائك...أسعد الله مساك=وأسعد الله مساء شعر الهجاء بيت بيت
صابني ليلة البارح مريد سواك=كنه يقسم الأوتار لا من حديت
حد بأسي عليك...وحد شوفي سماك=بنظرةٍ تهتك ستار الدجى لا سريت
لو قريت الطلاسم قبل مأقرى دعاك=ما عليكم قريت...لما عليكم قريت
بإسم ربٍ تسبح له وجيه شبهاك=لا تعالوا عليه...ولا عليه إعتليت
رافع السبع..خافض سبع..عالم خفاك=مجري الدم بأعضائك ولو ما دريت
بإسم ربي على قلبك..وربي علاك=كل ما زاغ قلبك بعد مأنت إهتديت
وكل مأمزج بشمبانيتك فودكاك=معك يعقل مسيحيٍ يُجن إن قريت
ولا قريت الكلام اللي تخطه يداك=أتعلم منه مأعلمك لا صحيت
يا ربيعٍ يسر العين خضرة وطاك=لو فرح من يجيك أنا لخضارك ما جيت
جنتك فانية ويديك شحت بماك=كم لي أرجيك حتى من رجاك إنتهيت
مثل مأسمك سقط عمداً وقلبي نساك=مثل ما كنت أول كاتبه مانشيت
أطلبك تعتق من العقدة لسان فاك=وأوعدك جنة النسيان لو ما نسيت.

يوسف سالم شلاح

.
.
.

فض إشتباك

جيت أبا أرد شعر وثم منك إستحيت=عل وجه الحياء وجهك وعلي إفداك
كنك الغيث وأنا من مطرك إرتويت=رحت عني هناك..ورحت يمك هناك
أنت يومي فديتك شفني من إفتديت=غير ذاك الذي يعلن مبادي هذاك
شعر والشعرفيض أبي أشغله لا فضيت=قلت للشعر لا تنفض بريشك هواك
قال أنا نهر أغسل أسوى ثرى لا جريت=قلت لله درك..لين تلقى جزاك
يحتويني مداك..وهمت معك وسليت=لا نزل مستواي..ولأرتفع مستواك
أعتلي ويتسامى الشعر حتى إستويت=فوق سطحٍ من المريخ وأسبل وحاك
من قميص المعاني ما لبست وكسيت=ألحفتني ردونه..ما لفحني إرداك
يطلع لخنجرك من حدة البأس صيت=كيف تشبك رموز؟ بدون فض إشتباك!
الهجاء شعر..وحروف الهجاء مأبتديت=ليتني قلت لك يا مقيط دونك رشاك
كل ما قمت أنادي..من على الشعر جيت=ما تطوع يجيب الذكر عني سواك
مير عقب العشاء يوم أنت قمت وسريت=كيف حالك يإبن سالم وحال أخوياك؟
لا تّحكم ولد شريا..وتلعب سبيت=كيف عندي منه مية وتفرش سراك؟
إعتبرها عليك مسجلة كمبليت=لا ندور زعلك ولا ندور رضاك.

باجد عبدالرحمن

صح لسانك شاعر كبير ومبدع

أتمنى لك التوفيق من القلب

متابعه جميله سلمت يداك...

عوده الماضي


صح لسانك واعتلى شانك وبيض الله وجهك على هذه البدايه الرائعه جداً


وصح لسان ابو عبدالرحمن على التأمل بالرد الفريد جداً


لكما جميعاً فائق الشكر والتقدير

صح لسانك واعتلى شانك وبيض الله وجهك


وصح لسان ابو عبدالرحمن على التأمل بالرد الفريد جداً

صح لسانك
ولا هنت
تقبل تحياتي

صــح السـآنك .

والله يعطيك العآفيه

بنتظآر جديدك

مشكوووووور والله يعطيك الف عافيه على النقل