على صطفاف الصبح ضايق وولهان=مشتاق لطلعه نهار الخميسي
مشتاق للوالد ولمي والاخوان=والكل منى فالملاقى ونيسي
سلم على سلك الحرس وين ما كان=سلم على ضباطهم والرئيسي
سلم سلامة حق من قلب انسان=أخلص لهم وسط المعسكر حبيسي
جالس من الضيقه وفي وسط ميدان=بأول شروق الشمس مالي جليسي
ناقف ونثبت للمدرب كعمدان=عمدان فالميدان صم(ن) خريسي
لامن لقيت الاهل زالت الاحزان=وتبدلت حال الحزين اليئيسي
يالله تفرجها علينا على شان=نفرح بيوم(ن) للتخرج عريسي