منتديات سلايل عبس | بني رشيد - عرض مشاركة واحدة

12-03-2008, 04:04 PM

لاعدت يا يوم ٍ جرى لي ماهو زيـن
حول الرقـب مـع سهلـه جرهديـة
جاني خفيف المشي يركض من يمين
قال التفت ووقـف ياراعـي المطيـة
وقفت لـه يـوم العـرب بالقوانيـن
نشفق على الماشي بطيـب وحميـة
وعطاني اللي روّع القلـب وٍالعيـن
قلص وبـه روس الرجـال القويـة
وركب وخاواني مع الـدرب ماشيـن
نقطـع رهاريـه الـديـار الخلـيـة
وغابت علينا الشمسي من بين ضلعين
وكل ٍ نوى في ساعـة الخيـر نيـة
وقـال يارجـل نبغـي العشـا ويـن
قلت العلـم نأتيـه عقـب عشويـة
وشفت الخوي عند العشا خاطره شين
صار الخوي ناوي على أكلـة خويـة
سعر ٍ هريف به وصـوف المجانيـن
فـي ليـلـه لاعــود الله مجـيـه
قال الحطب عليـك ياعلـي هالحيـن
وأنـا بأخلـي النـار بالليـل حيـة
عرفت مقصوده وحضـرت غمريـن
وشفت الـذي بيـن امـوراً خفيـة
حفرة بطول القبـر بالطـول باعيـن
يبـي يحـط الرجـل مثـل الشويـة
واحترت بالماقف على شان وجهيـن
لاسـيـف بـيـديـه ولابنـدقـيـة
قلت الرجل يصبر على العسر والليـن
وسريت أنـا فـي ليلـة خرمسيـة
ووافقتلي ركب مـع الخـد مقفيـن
وخبرتهـم فـي قصتـي بالسـويـة
وعطوني البندق وسيف ابـو حديـن
ورجعـت للطالـب بنفـس رضيـة
وعطيته اللي يودع الصـدر قسميـن
وعقب السطر صارت عزومه رديـة
يا السعر ما حنا على أمرك مطيعيـن
يامضحي بالنـاس صـرت الضحيـة

الله الله

لاهنت يابو انور قصه وقصيده مشهود لها

لقد احسنت الاختيار الله يعطيك العافيه تقبل تحياتي وتقديري