جيت اشارك حفل منهو على حفله دعاني = شاعرا واعرف مكاني اليا مني دعيت
في حفل بشير ابن عيد له قدر ومكاني = الخضيري راعي الطيب لامنك نصيت
من شيوخ يوم دور المشوك والاماني = فعلهم معروف بالحرب لامنك غزيت
من مضابرة لهم فعل في ماض الزماني = راجع التاريخ عنهم اليامنك قريت
صالو وجالو من حدود طيبه لااباني = وردوهن للمعارك كما ورد اللهيت
فعل ربعي واضح مايبيله ترجماني = هم بني رشيد ربعي اليا مني حديت
ناسبو شيخ له الطيب سجله بياني = بالكرم والطيب والفعل لامنك لفيت
بالوصايف مثل هداج تيماء من زماني = هو صغير راعي الطيب كانك مادريت
ابن مبارك راسي مثل ماترس المواني = سيف مجرب بالافعال لامنك بليت
شاعرا واقدح من افكار شعري ماكفاني = ولاانثني من دون ظهر الكحيله لاعتليت
امدح اللي تاج فعله مسجله ضماني = والو ابا احصي مد جوده لربعه ماقويت
شامخ عزه ابيته كما سهيل اليماني = بالحفر مدهال ربعه وله بالطيب صيت
واختمها بذكر رب سجد سبع طماني = ورافع سبع وعن طاعته ماقد سهيت

الشاعر/ حامد سعود الحنيفان