بسم الله الرحمن الرحيم

السلام عليكم ورحمة الله وبركاته

هذي قصيده عن بنت كانت تناظر شاب وهو مع اصحابه ,,في مكان


ومانزلت عينها منه وطلع هالشاب شاعر,,, اترككم مع الابيااااااات



هيه انتي من جلستي وانتـي فينـي تحدقيـن!!
كن ما به ناس غيري بهالكراسـي يجلسـون
.
لو سمحتي عاد اسمعي وحتى لو ما تسمحيـن
المهـم اللـي بقولـه تسمعينـه ويسمعـون
.
ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون
.
الركادة عاد زينة والحياء فـي البنـت زيـن
وفيـك اجزم لا ركـادة ولا حيـاءٍ يـذكـرون
.
تعرفينـي؟ أعرفـك؟ مذكـر إنــا ملتقـيـن!
لا أعرفك من تكوني ولا تعرفي مـن أكـون
.
وإطمأني أن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون
.
مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون
.
وإن كان قصدك شي ثاني عاد قولي وش تبين
خايف إنا نصير فرجة وإلي ماشتروا يتفرجـون
.
وإذا ع البال عاجبتنـي لا يحوشـك تحلميـن
صدق ربعي من جمالك فيـك صـارو يمدحـون
.
بس وشلي في حلاتك دام فيهـا ترخصيـن
حشمة البنـت وحياهـا والكرامـة يلفتـون
.
ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون
.
وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون
.
إنتـي خرسـا أسألـك ولا مانـك تسمعيـن
قالوا ربعي ذي كفيفـة قلـت لا لا تمزحـون
.
لين شفتك يوم رحتـي يمسكونـك من اليديـن
ما دريت إلا عيونـي أربـع أربـع ينزفـون
.
آه ياني منه مشهـد يـوم شفتـك ترحليـن
جيت اشوف عيون ربعي لقيت كـل يدمعـون
.
قلت سنّـة هالحيـاة وحـنا ترانـا مؤمنيـن
الله اللـي مسيّرنّـا بيـن كاف وبيـن نــون
.
وكل أبونا نختلف مع إننا مـن أصـل طيـن
سبحان اللي مصورنا ولله في خلقـه شـؤون
.
يعني حنا كل أبونـا عـاد إسمنـا بني ادميـن
وليا قضى ربك أمر وقـال لـه كـن فيكـون
.
فينـا يلـي رازقه خيـر رب العالمـيـن
وفينا يلي هو لعطفه بحاجة القلـب الحنـون
.
وفينا يلي مـا شكـى مـن علـةٍ كالآخريـن
صـمٌ وبكـمٌ وعمـيٌ فـهـم لا يفقـهـون
.
بس قليل عـاد فينـا للنعـم هـم شاكريـن
والله يرزق هالخلايق من حيث هم لا يعلمون
.
وتدري عادك يالكفيفة حنا تراى متشابهيـن
وإن ما عمت أبصارنا لقلوب هـم إلي يعتمـون
.
يالكفيفة يالعفيفـة إن قلـت آسـف تقبليـن
يغفر الله ذنوب عبده ليا خطا وهـل تغفـرون


العبره من ذالك ,,ياليت نترك اساءه الظن باالناس على كل حركه اونظره او كلمه,,

يبد الشيطان ينفخ وينفث ويهمز واحنا نصدقه على طول نفسر كل شيء على هوانا وهوى

الشيطان ,,واحسنوا الظن باالناااس

تغافلوا وتغاضوا واشتغلوا باصلاح انفسكم



اتمنى نالت اعجابكم

مع امنياتي لكم بالسعاده