قصيدة كلك غلا
للشاعر/مساعد الرشيدي
كلك تعالي غلا والا أرجعي كلك
بعض الغلا منك مايستاهل الجيه
طالت وانا في رجا ليتك وياعلك
اوراق بالذاكره واوراق منسيه
مابل ثوبك مطر شوقي ولابلك
لوعلتك من سحاب الروح وسميه
ليه امشي الدرب دامه مايوصلك
تخاف رمضا الضياع اقدام رجليه
يابنت تو الهوى ماصرت انا خلك
للحين مازالت الصوره رماديه
ومازال بعض الغموض الشره يحتلك
وشلون انا اعشقك واحبك على النيه
اشوفك هناك قدامي ولا ادلك
صعب الكتابه لاصار الورق ميه
ان كان شمسك تساومني على ضلك
ماعاد ابي منك لاشمس ولافيه
إما تعالي لقلب فز لك كلك
والا اتركيني ما ابي لك بالهوى جيه
الطلوب/ الشاعر فهد عافت