فمان الله ياصدق المشاعر والقلوب شهود
فمان لله يابيض النوايا بينك وبيني

فمان الشوق لا هبت لي الفرقا سواة النود
واخذني يمك احساس القصيد اللي يسليني

ليا حرك سكونه طيفك الفاتن بلين العود
تلقاك الخفوق و جاك بألحانه يغنيني

تمخطر بالحشا لو الحشا من غيبتك ملهود
الا واشيب عيني منك لو ماشافتك عيني

حصيلي منك غاياتٍ حداها دربك المسدود
على جيش النيا يمك تسرحني وتظويني

تعبت اخيل براق الرجا واثر الرجا مجحود
على لاماك مضميني واحسبه منك مرويني

نسيت اني مع الامال اضيع عمري المحدود
غفلة بطول رجوايه وانا الايام تطويني

توكل وانقض الليل الطويل بيومك الموعود
عسى الدرب الخضر دربك وانا لاعاد ترجيني

واذا مريت في بالك وشفت اني معك موجود
على هامش حياتك كان بك مريت تلغيني