أنا اليوم يبتاكم وصفة حق تطويل الشعر وهذه الوصفة مجربة ولكن يبيلها وحدة صبورة لأنها تاخذ وقت (( شهرين)) وبعدها راح تحسون بالفرق

أولاً: تساعد على تطويل الشعر

ثانياً: تمنع تساقط الشعر

ثالثاً: تكثف الشعر بطريقة غير معقولة

أنا راح أقول الوصفة من غير الكميات لأنها تفرق من وحدة لوحدة ثانية على حسب الطول والكثافة إنتو حطو الكمية إلي تعتقدون إنها مناسبة لشعركم .

* حنة + زيت دابرإملا + زيت برشوت(زيت جوز الهند) + روب+ زيت الجرجير+ زيت خروع
( إلي ماتبي شعرها يصير لونه أحمر من الحنة تحط قهوة أو نسكافيه مغلية مع الوصفة علشان تعطيها لون بني أو كستنائي فاتح وإلي تبي

شعرها يصير أحمر غامق تحط كركديه ( تغليه واايدعلى النار وبعدين تصفيه وتنطر لين يبرد وتحطه على الخلطة)

تخلط الجميع المقادير السابقة وتترك لمدة ساعتين ومن ثم نضعها على الشعر لمدة ( أربع ساعات) وبعدين نغسل الشعر بالماء فقط من غير الشامبو .

وفي اليوم الثاني نضع قطعة زبدة في ماء مغلي حتى تذوب وننطر لين يبرد ونحطة على الشعر ونخليه لمدة ساعة وبعدين نغسل الشعر

بالشامبو وهذه الخلطة تمنع جفاف الشعر لأنه الحنة مثل ما إ نتو عارفين تخشن الشعر .

وهذه الخلطة تستخدم كل يوم بمعنى ( اليوم تحطين حنة وبا جر وصفة الزبدة واليوم إلي بعده حنة ألخ.......ألخ .

صج هي متعبة بس نتائجها رائعة ومافي شي إيي بسهولة إلي تبي شعرها يصيرحلو وملفت لازم تتحمل وتصبر شوي ملاحظة هامة :
الحنة لازم تكون يمنية لأنها أفضل الأنواع ولازم يكون لونها أخضر أخضر مو أخضر با هت

وإنشاء الله قدرت أفيد كم بهذا الموضوع وياريت عجبكم وأنا أنتظر ردودكم حول الموضوع .

والله يوفق الجميع