اليكم جديدي عسى أن يحوز على رضاكم ...النص بدون مقدمات:
قصايد على المسحوب جزلات وسمانـي=قصايد غرام وشـوق وأحـلام ورديـه
واذ جيت ابوصف من ذهب زين الأثماني=جمالٍ طبيعـي والشقـا عيـن بحريـه
عيـونٍ تهـز الشـوق تآمـر وتنهانـي=مثل مايهـز الغصـن بالـدوح قمريـه
وقل الربيع اللـي لـه سنيـن ماجانـي=يمـر الديـار اللـي شمـال السعوديـه
يسلم على ريميـة القلـب مـن شانـي=رشيدي وقلبـه عاشـقٍ لـه رشيديه
ولا يالعذول اللي علـى البعـد تحدانـي=معاليق قلبي فـي هـوى حـب نجديـه
يطير الحمام اللي تعلى عـن أغصانـي=يوصـل رسايلنـا علـى العـز منقيـه
يجوب الديار وخاطـري منـه مايعانـي=وأنـا بنتظـاره يالله ترجـعـه لـيـه
أحبـه وحبـه واصـلٍ حـد الأدمانـي=بقلبـي وأقـول أن الغـلا زايـد شويـه
هواجيس فكـري والهواجيـس تنعانـي=على اللي مكانه فـي شمـال السعوديـه
شعر : جميل مساعد الرشيدي