ياهاجسي ماهمني بعـض الأشكـال=أسمع كلامي وأقصر الصوت بشويش
موكب عظيم وصافي الوقت غربـال=والجرح وقعه مثل وقـع المناقيـش
الظرف سري والمواني علـى جـال=آمن ولكـن رحلـة التيـه والطيـش
الغش والحيلات من طبـع الأنـذال=والمصلحه قانونها يرخـص العيـش
يرضى من اللي لاهرج هرجته طال=نفسـه رفيعـه مانظـر للعراميـش
روحه وجيه والمعانـي علـى فـال=واللـي يعاندنـا يبشًـر بتهمـيـش
ماكل صـدرٍ يحتمـل ضيقـة البـال=ولاكل علـمٍ يحتمـل كـل تغشيـش
السيف الأجرد موقفـي لاذن بـلال=راسٍ يقصـه مايعـوًد ولايعـيـش
بفراقهم تسلـم مـن القيـل والقـال=رحله طويلـه لا لفتـك المطاريـش
طبـع ابـدويٍ ماحسبهـا بالأمـوال=حرٍ عن الزلات يكفـخ بـلا ريـش
ماقد تنـازل عـن سلومـه ولامـال=باقي على عـادات ربـعٍ نواحيـش
تشتاقله رووس الطويـلات بالحـال=شوق الهـواوي للعيـون المراييش
واللي حصل كله على شـان مايقـال=شاعر وحاصله من الشعر بخشيـش
يوم المراجل جالهـا اليـوم رجـال=يمـزح معانـا يحسبًنـا دراويــش
وأفنيت عمري ماشكيتـك يالأحـوال=صابـر وقـدري معتليبـي ولانيـش
وخصيت منهو يستحقـون الاجـلال=وأغضيت طرفي عن كلام الهلابيـش
فنجال يجذبنـي اليـا قيـل فنجـال=يعسف قصيد بجـو مافيـه تشويـش
أنهيتهـا والآن يـابـث الأرســال=أستاذنك واللعب قفلـه علـى ايش