الا ياحبيبي كان مرّيت هد شوي
دخيلك ترى روحي لشوفتك ملهوفه
لك ايام تمشي حولنا مانظرنا شي
تعدي بسرعه والمخاليق مشغوفه
وانا لانظرتك قلت ياحي زوله حي
ياحي الوصوف اللي بها الروح مكلوفه
واذا جيت صوبي صرت في وصف حاتم طي
ارحب تراحيبه اذا واجه ضيوفه
واذا رحت مني عشت في الشمس عقب الفي
واعضّ الاصابع كلها غبن وحسوفه
هويتك هوى العطشان لاشاف نبع المي
يبي رشفة من بير ماهي بمرشوفه
والامن طلبتك غيرها ياوليفي عي
ولاغير هذي غير حاجات معيوفه
ترى النار تكوي ظامري ياوليفي كي
تبصّر بحال الشوق مادامك تشوفه
م/ن