يالعيـن والله لازم فـرق الاخـويـن=غصبن عليـك وفعـل ربـي مطاعـه
اليـوم لاونـك مـن الـدمـع تعطـيـن=جبـتـي همـيـل ولا بكـثـرة نفـاعـه
وخوي هو ريف الاهل والمساكيـن=وزبن الضعيف وريف كل الجماعه
هو مزبني عن واحد يطلـب الديـن=لطـام خشـم اللـي براسـه صعـاعـه
حا اللغب من دونـه اللبـن والطيـن=ولفـو عليـه بخامتـن طــول بـاعـه
والقـلـب عـيـا لايطـيـع المـعـزيـن=وياشين فرقى الاخوعقب اجتماعـه
ليته بقـى مـن شـان حالـي زمانيـن=ولا عـلـي قصـيـر الـعـمـر بـاعــه
وخوي من ترث الحبـاب القديميـن=اللي حفضونا حفظ راعي الوداعـه
والله مـاعــده مـضـالـه نـهـاريــن=ستيـن عامـن كنـهـن ربــع سـاعـه
واليـوم انـا مثـل كسيـر الجناحيـن=طيرن نزل بلارض عقب ارتفاعـه
يبي يطير ومجمـع الريـش قسميـن=عاب الجناح ومفختـن عـن وقاعـه
ماينجبـر لـو جـاب كـل المـداويـن=دنى الرحيل وصـب فرقـى وداعـه