هذة قصيدة
لخالي الشاعر // أبو شرف عويض بن عايض العرعري الرشيدي


فاكس المحبة مرسلينه علـى ويـن
عـلـي وإلا بالخـــطـــــأ خبـريـنـي

من نظرتك موتي حصل كـان تدريـن
خافي من الله مـن هـو اللـي تبينـي

تكفين قولـي لـي قبـل مـا تروحيـن
مال الصبر عنـدي مجـال ارحمينـي

كانه أنا المقصـود عاجـل وهالحيـن
مشتـاق حـيـل لشفـتـك قبليـنـي

وإن كان ما حنـا الهـدف لا تصديـن
فرصة تعـارف جـات بينـك وبينـي

قولي شروطـك واطلبـي مـا تمنيـن
مافيـه داعـي للخـجـل تستحيـنـي

والله لجـل إرضـاك لدفـع ملايـيـن
ماهمنـي بـس اصدقـي صارحينـي

قالت أنا ليـه هـدف مـا هـو اثنيـن
مانـي بغلطانـة وعـنـدي يقيـنـي

أنـت الوحيـد اللـي تمنيتـه أسنـيـن
وقلبـي لغيـرك مـا يحـن ويليـنـي

مثل الحجـر قاسـي ولا يمكـن يليـن
إلا إلـى شفـتـك حبيـبـي بعيـنـي

قلت آه ما عندي خبر كيـف ترضيـن
هـذا العـذاب أرجـوك لا تشرحينـي

الذنـب ذنبـك معتقـد لـي تلومـيـن
والله مـا عنـدي خـبـر صدقيـنـي

قالـت أحـس بداخـل القلـب ناريـن
أرجـوك طفيـهـا وقـبـل جبيـنـي

يكفـي عـذاب قلـوب بعـد المحبيـن
تعال شوف اليـوم وش صـار فينـي

قلت أبشري مـا فيـه داعـي ترجيـن
مـادام كـل شـيء أتضـح تبشريـن

عهد علـي والبعـد مـا عـاد تشكيـن
أنا معك على طول العمر والسنيني


اللي بعدي قصيدة // الشاعر مفلح الخضيري