البارحه قلبي ×× مسلم البحيري

البارحه قلبي تزايد اخفـــــــوقـــه ...... والليل قزرته هواجيس واخـــــــفوق

والنوم جفني ما تطعم ابـــــــذوقه ...... مغيــــر غطــاتــن تـقـاطـيع وافـــوق

لين النهار اصبح وبانت اشروقه ...... والدمع من عيني على الخد مدفــوق

بسباب من نفسه لنفسي صـدوقه ...... الجــادل اللـــــي كامل الزين والذوق

اللي مشى وافي وكمل احقــــوقه ...... ما يلحقه مني مشــاريه وحقـــــــوق

اللي على شوفه اعيوني شفوقه ...... ما لاقلي غيره من البيض غرنـــــوق

اللي غرامي سارين في اعروقه ...... وحبـــه بــدمي خـالـط الـــدم بـعـروق

سافر وانا نفسي عليه امحروقه ...... واهو بعد مثلي من الشوق محــروق

وسافر معه عقلي وفكري وذوقه ...... آكـــل وكـنـي لأطـيـب الـزاد مـا ذوق

اتل العهد والغيم حدره وفــــــوقه ...... اقفت به اللي تسبق الطير بلحـــــوق

وعودت نفسي من عناي امخنوقه ...... من عبرتي ومفارق الشوق مخنوق

قلبي كتومن مير عيني تعـــــوقه ...... عيني عن الكتمان يا ناس لي عـــوق

العاشق المجبور عينه نطــــوقه ...... لو كان ما يبدي على الناس منطــــوق

غصبن على المشتاق بفراق شوقه ...... تكشف اعيونه ما بقلبه من الشوق

لولا ظروفي راهين في إلحــــوقه ...... ماني على خوة هوى البال مسبـــوق

لاشك قسمة خالقن بمخلــــوقه ...... الحــــي لابـــده مـــن الحــــي مــفــروق

سافر عسى ربي يسمح وفــــوقه ...... ويالله عساه بنية الخير مـــرفــــــوق

اللي بعدي قصيدة لشاعر / مـــــســـاعــد الـر شــــــــيـــــــدي