ابن عمك لا ازعلك شره عليـه = يقنعـك بالحـق والا تقنـعـه
انشده وش جاه والا ويش فيه = انشـده ولا تقاطعـه اسمعـه
حتى لو انه المخطـي ماعليـه = مشها مادامهـا تمشـي معـه
وكانك المخطي وهو رايه وجيه = اصبر ولو يوجعـك لا توجعـه
وكان قصر وانت عادك ترتجيه = لاتقصر فيـه لا جـاك انفعـه
ساسه الطيب على الطيب يحديه = ياصلك حتى لو انـك تقطعـه
وان بلاك الله بابن عمن سفيـه = روح فاسناعك وخلـه فسنعـه
صد من وجهه علشان الوجيه = من ضياق الجهل الى عقل السعه