منتديات سلايل عبس | بني رشيد - قصه وقصيدة ل شيخ من بني رشيد ينتصرعلى سبع اعقداء

موقعـة سناف اللحم المشهـوره:

كانـت بـالقـرب من جبل صغـيرعـلى شكل تـل كان الشيخ بـداي بـن حمــد القـلادي الـرشيدي

نـازلاً في بلقرب من هاذى الجبل ومعـه عـياله وعـددهـم في ذلك الـوقــت خمسه وهـو سادسهـم وهـــم تركي

ومخـلـف وثـاري ومحمد وعـأيـد فـاتـاهـم سبعـة شيوخ من احـد القـبايل يقودون جمعـاً غـفـيـراً مـن الفـرسان

فـطـلـبـوا مـن الشيخ بداي بن حمد ان يتقـاسمـون ويـاه الابـل والخـيل دون قـتال ولكن الشيخ بداي بن حمد

عندما فاوضوه على ذلك استشارابناءه فقال ابنه الفارس محمد هل هم يريدون اخذ الخزايز(الطيبات)

من الابل والخيل فجابه الشيخ بداي نعم يامحمد النهم اتوللطيبات فقال محمدواذى حيينا بعد اليوم هل

سوف نموت ام لافقال الشيخ الموت فيك فيك لامحال سنة البشرفقال كيف نحيا ونحنا مهزومين

حنابني عبس مانرضى النقص ثم نخا اخوانه و وجدهم مستعدين لتضحيه دون حلاله ولدفاع

عن سمعتهم فقال اسدعدوبقمة الجبل الصغير وانا ابي اتيهم من الخلف فبلغ الشيخ الغزاه

بئنه لايمكن التنازل عن حلاله ورفض الموافقه على طلبهم ودارت بينهم المعــركه وانتصرفـيهــا

الـشـيخ بــداي بـن حـمــد وعــيالــه وســمـي هـــذا الـمــوقـع سـنـاف اللــحـــم

فقال الشيخ محمد بن بداي بن حمد الرشيدي

هذه القصيده يصف فيها المعركه:

اول ماقـول مبتـدن ذكــرالله =عـلام بالعـزه وخـاف الغيـب

اللي رفع سبعن وسبع ارساهـا =ونزل كتـاب الحـق بالترتيـب

ابدي بذكره قبـل مابـدا جابتـي = علـى اول الشبـه وبالمشيـب

ومن بعد ذكرالله بدينـا بالمثـل =والهرج به مخطي وفيه مصيـب

الهرج به صدقٍٍ مثل نقد الذهـب = والكذب مثل مغثـرب السريـب

نزلنا لنـا قفريتـن يـا زينهـا =سقاها من غر المزون صبيـب

سقاها من غر المراهيش نـاوه = تنهب مساييـل الدمـث تنهيـب

قمنا بهـااول قامتـن ياحلوهـا= نبت الوسامى نقطـف الرحيـب

والثا نيه جتنا جموعـن هائلـه = يبـون نهـب اذوادنـا تنهيـب

جتنا جموعـن مايعـد حسابهـا =سبع عقداء والكل منهـم ذيـب

سبع عقـداء ماتنبغـي لقوتهـم = الكـل منهـم ينطـح الحريـب

وحنـا عددنـا خمسـةٍٍ خيالـه =خمسه وسادسنا شلبـن شيـب

سادسنا ابونا يوم هـاك اللقـوه = بـداي علـى عجلـة الهذيـب

بداي بـن حمـد وحنـا عيالـه = ومعنا الله اللي حاضرن مايغيـب

وقلنا عليكم جاه ربـن معتلـي =عن نثرات ادمانا بهـا الشعيـب

عـن نثـرت ادمانـا ودماكـم = نعرف بعضنـا مانبـي تجريـب

وان كان عفيتـم وقلتـم خيـره = يالله عسى من شاربه مايخيـب

وان كان عييتـم تبـون اخذتنـا =وقلتم ماعنهم سائلـن ومجيـب

حنا نبي ننطـح وجيـه اعدانـا =والنصر عنـد الله وهـذا غيـب

ليـا بتليتونـا نطحنـا وجيهكـم =ماعـاد عنهـا صـده وتجنيـب

انتم سباعـا ماضيـات فعولهـا= وحنا ترانـا ننغـص الشريـب

قالوا نبي منكم نصايـف ذودكـم = وقلنا حشا هـذا علينـا عيـب

قالوا نصايفهـا ولكـم خياله =وسلاحكم مـن عندنـا توهيـب

قلنـا علينـا عأيبـه ياكبرهـا = الله لايــردي لـنـا نصـيـب

يبون نهـب اذوادنـا مـن بينـا = حسيبهم اللـي معتلـي حسيـب

قالـم عليكـم مانفنـد عنـكـم = قلنا نبي نهـوش عنـد النيـب

جونا وجيناهم والسعـد عنـدالله = غصبن عليهـم جنبـو تجنيـب

ننخـا وشايبنـا بعـد ينخـانـا = يقـول فكـم حلـوت الحلـيـب

اليوم بيعات العمـار ورخصهـا =وظني بكم عسـاه مـا يخيـب

قلنـا ستعنـا بواحـداً ماغيـره =ابشـر وحـزات الفـرج قريـب

متعلمـا تـن للطـراد مهارنـا =ومدربـا تـن للقـا تـدريـب

غـارم علينـا وحتنينـا دونهـا =ماحال من دون الحبيـب حبيـب

بيض العفايـف فرعـن ينخنـا =ينخن بصوتـن عاليـاً عريـب

وصحنا عليهم صيحـةٍٍ هزتهـم =منها العدو متروعـن ومريـب

منها العدومرخن مصاريع الفرس =قال اعزمتبي وهي قبـل اديـب

قال اعزمتبي يوم سمعت صوته =مالكل يرهـب صوتـه الصليـب

طاعولنا عقب العصايه وادبـروا =من قوظرب الشلـف واللهيـب

وكثرت جنايزهـم وربـي فكنـا =وعويننا اللـي معتلـي رقيـب

يومن سرد الخيل راحـن مـرجه =ذا ذبيـح وذا يجـض صويـب

كم سابقن تسحب رسنها =ممـرجعنها جدعنـا واحـداً مايهيـب

عنها جدعنا واحداًيذهب السـرب =ذيبـن لزيـزوم السبأيـا ذيـب

خلي عشا للطيروسبـاع الخـلا =والبيض عقبـه شققـن الجيـب

وسمي هاك الموقع سنافن للحم =وهو ضليعن في دكـاك شعيـب

تمت وختم القـول فـي ذكـرالله =خـلاق شمـسٍٍ تطلـع وتغيـب

وعلى النبي صلوا صلاتٍٍ دايمـه =ازكى صلات الله علـى الحبيـب

روايه عن الشيخ /حمدبن شعيب بن تركي بن بداي ال حمد القلادي الرشيدي