منتديات سلايل عبس | بني رشيد - محاوره بين اشاعرالكبير عبدلله لاشرم واشاعرمبارك الفعم الرشيدي

مبارك الفعم
ياسلام لله سلامن يزيد النور نور= بعدجينا ربعنا الى طوال ايمانها
صاحبك يابو عمر في صحيبه مايبور= وانت مثل الحيه الي تمد لسانها
عبدلله لاشرم
مرحبابك مثلها وانت شاعر ومخبور= ومن زرع له قنبله ونسدح بوزانها
انت خلك محترم لا تلف ولاتدور= والحيايا جاك ديبان من ديبانها
مبارك الفعم
انت لو يفوح صدرك مثل فوح القدور= صار علمك مع شيوخ العرب واعيانها
الصبر ميزتك يالي على الدنيا صبور= والسفينه فالبحر قادها ربانها
عبدلله الاشرم
انت صدرك وسعه مع وسيعين الصدور= وشجرة الرمان تعطيك من رمانها
مجلس العطار بين العطاره والعطور= ومسكنه في غرفتن يدهر دخانها
مبارك الفعم
انت لو اتزل بين العرب منت امعذور= مير مالك صفحتن ينقرا عنوانها
لو عبرنا قال الاشرم ترا مامن عبور= السوالف مختلف شكلها والوانها
عبدلله الاشرم
ولله اني يامبارك ملمن بالامور= صفحتي فوق الكواكب رفيعن شانها
الطيور انواع وانته وش انت من الطيور= تختلف بفعالها تشتبه جنحانها
مبارك الفعم
اخذلك من صادق القاف يارجال دور= لاتضيق النفس وقرا على شيطانها
ولله اني من رجالن يفجون النحور= انت خابر فالمعارك وفي فرسانها
عبدلله الاشرم
كنت عايش بالهنا والسعاده والسرور= مير شر اعريبيا صار من جيرانها
الرجال الي تقولون مافيها قصور= والعيال الطيبه من فعل جدانها