اسامه
 

السلام عليكم ورحمة الله وبركاته
بعض المواقف تحّتم عليك الكتابة
اترككم مع هالمتواضعة




زلزلي يا هجوسي واتركيـه الغـرام
اسرديهـا مثايـل نَعْشَـقْ افنونـهـا
منت ابكفو للمراجل يافريخ الحمـام
وانا صعوط المجنـن وانـت مجنونهـا
خفّاش مستصقرٍ قومه طيور الظـلام
والبوم ياكبر عين البـوم واجفونهـا
والله ماودي اغلط مير عندي كـلام
ابكشف السالفة وابليـس ملعونهـا
لاشفتلي صايعٍ يبشر بحـد الحُسَـام
يقّص روسٍ يطّيرهـا عـن امتونهـا
العلم علم وكلام الجهل جعله حُطَـام
وانت الجهل والعلوم اتعيش مغبونهـا
كذوب ماتنتصدق هذا طبـع اللئـام
مثل الفقاعة هروجك وسط صابونهـا
ياعاشقين المهونـه وضعكـم مايَـرَام
انفوسكم عندكـم ياقـوم ياهونهـا
الذل والعار فيكم وايضـاً الانهـزام
صفاتكم ياقلـوبٍ سـاءت اظنونهـا
حليم بس احذر إليا من غضب ياغُلام
والعافيـه ياسفيـه النـاس يشرونهـا
انا ليا من سردت العلم عندي زُمَـام
وّلا انت تجهل علومٍ طاب مضمونهـا
وانا احمد الله على درب المراجل هُمام
ماهوب ناسٍ دروب الميـل يمشونهـا
وانا احمد الله عزيز ومن سلايل حشام
وّلانت معروف دارك ويش مقطونهـا
انا حفيد الرجال اللي لهم ذكـر دام
امجادهم فالجزيـرة موثـق اركونهـا
امجاد صدقٍ وماهي كذب وّ لا حلام
امسّجلة في صحاري نجـد ديدونهـا
اهل مواقف شريفة فالسجايـا كـرام
وحقوق جيرانهـم دايـم يِحَفْظُونهـا
والضيف لامن لفاهم شاف طيب المقام
ذبّاحـة الحايـل الضيفـان يَدْعُونهـا
المحترم ينتجـازى عندهـم باحتـرام
والكلمـة الطيّبـة للقـرم يِبْدُونهـا
والعايل إليـا تعويـل رده الالتطـام
لطّامة العايـل اجـدادي يِسَمُّونهـا
احدٍ بجنبه يداحم وقت فيـه الزحـام
ماهوب جثة نهار الزحـف ياطونهـا
وحدٍ يجي ثانياً واحـدٍ بطيبـه أمـام
والناس ماهي سـوا كـلٍ وقانونهـا
وحدٍ بطيب الذكر صيته خلد واستدام
وّلا الرخوم العـوارف دوم يَنْسُونهـا
المجد يبغـى عيـونٍ ساهـرة ماتنـام
ترا المراجل ماكـلٍ جـاب عربونهـا
ودنياك منته عليهـا يافتـى بالـدوام
مادامـت إلـزاهـدٍ وّلا لمفتونـهـا
كلٍ يبا يرحل ويسكن قبـورٍ جهـام
قبـورٍ الله عليـم ابحـال مدفونهـا
احدٍ بوسط القبر يلقى بـراد وسـلام
روضة وخيرٍ يعيشه جـوف مبطونهـا
وحدٍ بقبره يلافح نـار مالـه رحـام
عارف مصيره قبـل داره يِحَفْرُونهـا
هذي مشاعر وماتكتب قصيدة غـرام
من شاعرٍ شالهـا وازدانـت إلحونهـا
واعيدها ياكثير الهرج عنـدي كـلام
منت ابكفو للمراجـل ياصغيرونهـا


مع تحياتي لكم وتقديري

تحياتي كثير كثير من ابو الكرابيج بس لازم يكتب اسم مين شاعر



مانيب من يسرق ابيوت الشعر ياغلام

يكفي شهادة رجالـن دوم يقرونهـا


شاعر واجيب المثل واضح كبدر التمام


فاهم بحور الشعر واجيد انا اوزونهـا


شكريا شكريا شكريا

صح لسانك واعتلى شانك بل رائعه وغير متواضعه

بارك الله فيك



تقبل تحيااااااااااااااااتي

مشكور.. على هذه الرائعة

صـــــــــــــح لسانك واعتلاء شانك

رائعه من شاعرا رائع بارك الله فيك

تحياتي وتقديري لك

مشكورينــــــــــــــــــــــــــــــــــــــ
اخوانـــــــــــــــــــــــــــــــــــــــــــــ ـي عــــــــــــــــــــــ مروركم
مع تحياتي لكم

اولاً:~مشكوووور على القصيده الرائعه جدا جدا..

ثانياَ:~اخي بارك الله فيك اذا جيت تكتب قصيده منقوله اكتب انها منقوله....
وياليت تكتب اسم الشاعر ...بارك الله فيك,,..,,


واخيرا:~ لاتحرمنا جديد المواضيع