|
مـنـتـدى واحة شعراء سلايل عبس
(http://www.slayl-abs.com/vb/forumdisplay.php?f=89)
صبري جمر
السلام عليكم ورحمة الله وبركاته مدخل عندما تطعن من الخلف لن يدمل الجرح مهما قدمت لك من أسباب واعذار .... في بعض الأحيان يلبس الثعلب ثوب العفة ويتصيد فريسته في الخفاء ولكن ...يضل ثعلب والمكر من صفاته عندما يتكلم الصمت
عجزت لألقى لحلمي العـام تفسيـر=أرويه وأهل العلـم مـا يفسرونـه وصايـر مقابيـل الليالـي مدابيـر=ويبين لأهل العلـم مـا يجهلونـه علي مـن وقتـي ورود ومصاديـر=تعـل صبـر يابـسـات شنـونـه أركض ومركاضي خلاف الأساطيـر=لعيـون نـاس واقعـي ينكرونـه يا مصور وقت الضحى لعيني عصير=ماني بمن يرضى حيـاة المهونـة شوفي حقاق ولأنخدع بالتصاويـر=أقـدي الأعمـى لعميـت عيـونـه صفيت لي شرد الطـواري طوابيـر=وكدن على بالـي وجنـت جنونـه وأدركتنـي بمعجـزات التفاكـيـر=وبالي بروجتهـن تخالـف ظنونـه وردت لك دلو الروى جمـة البيـر=يوم إن طاوين الرشـى يقصرونـه ومن مأحتسى لوقت الشدايد مذاخير=لا طاح صدقـان الرخـى يتركونـه كم عـز مضيـوم بظـل المناعيـر=وكم مـن عزيـز لابتـه يخذلونـه وصبري جمر ومكابرك نافخ الكيـر=يـا نافـخ جلاسـه يسامـرونـه ما باق لنفسي على الوضع تصبيـر=وصياحي الطرشان مـا يسمعونـه أكثر من اللي صار وش باقي يصير=كسرت خاطر مـن فدنـك عيونـه ولو للخطأ معذر وللجـرح تبريـر=ما سقت لي سود الخطايـا معونـة بعض الخطايا ما تغفرها المعاذيـر=وراع الخطأ يلقـى مـن يعدلونـه لأخطيت في حقك ولا جاك تقصيـر=والواجب إن اللي يصونك تصونـه عيب علـي أتعـب وراك المداويـر=لأقفيت راضي والنفـوس مغبونـه الله يجمعنـا علـى البـر والخيـر=وألا يفرقنـا بستـر ومصـونـة. |
يعطيك العافيه اخوي على الموضوع الرائع
تحياتي لك |
ابو خالد صح السانك مدد بلاعدد ابيات تعبر عن واقعي حاصل التعلم من
كقاح الزمن مدرسة لاينكرها الا بليد فأنت جمعت بين الابداع وتحدي الصعاب اشكرك على هذا النزف الرائع تحياتي لك وتقديري |
أركض ومركاضي خلاف الأساطيـر لعيـون نـاس واقعـي ينكرونـه يا مصور وقت الضحى لعيني عصير ماني بمن يرضى حيـاة المهونـة لله درك على هذا النظم الشعري الفريد من نوعه هالني قوة التصوير والتركيب في هذه القصيدة الشامخة كم وكم من تلبس بثوب ليس بثوبه ..وأهل المكر والخديعة سيقع يوماً ما بشر أعماله والأيام وحدها كفيلة بفضحه مهما بلغ من التلون والتمظهر الحسن... الأخ مسند العويمري لأول مرة أقرأ لك قصيدة وقد يكون السبب هو بعدك عن الساحة الإعلامية حقاً إنك شاعر كبير يفتخر بك الشعر |
لاهنت خيي ربي يعطيك العافيه
ع الطرح الراقي |
صح لسانك واعتلاء شانك يامسند 0 قصيدة من أجمل ماقريت من الشعر
بيض الله وجهك مدد بلا عدد 00سجل اعجابي بكل ماتطرح ولا تحرمنا من جديدك 0000000000تحياتي وتقديري لك |
صح لسانك واعتلاء شانك يامسند 0 قصيدة من أجمل ماقريت من الشعر
بيض الله وجهك مدد بلا عدد 00سجل اعجابي بكل ماتطرح ولا تحرمنا |
صح السانك صح السانك
|
0 قصيدة من أجمل ماقريت من الشعر
|
ولو للخطأ معذر وللجـرح تبريـر ما سقت لي سود الخطايـا معونـة صح لساانك واعتلى شاانك .. لله درك.. على جزالة المعنى..والذائقة الشعرية الرائعه.. تحيتي.. |
من اروع ما قرأت
تحياتي لك يامسند |
جميله جميله يعطيك الف عافيه
|
لا هنت أخي مسند على هذه الرائعة ..............
|
شكرا لكم وشكرا على حضوركم المشرف
شعر بلا جمهور لا يكون شعر شعر بلا متذوقي شعر لا نكهه له |
يعتبر الشاعر الكبير عيد بن مربح الرشيدي الملقب ((بشاعر بني عبس )) من شعراء الجزيرة العمالقة سواء في شعر النظم او المحاوره فهو يجيد كل انواع الشعر وبحوره ،وقد سجل التاريخ له العديد من القصائد الخالدة ، فهذا الشاعر استطاع ان يحفر اسمه في قلوب عشاق الشعر الأصيل ، بفضل الأسلوب الجميل والمعنى الراقي ، وهذه بعض من قصائد
الشاعر الكبير عيد بن مربح الرشيدي : *علاوي نجد : ياعلاوي نجـد عليـك مراديـم السحـابديـرةٍ فيهـا تربيـت يـوم انـي صغيـر ياطبيـب النفـس وشـو عـلاج الأكتئـابأعطني وصفة علاجه ترى وضعي خطيـر عشت في غربة حقايق وفي وضع اغتـرابوالتجارب عرفتنـي علـى الشـي الكثيـر شفت ناسٍ ترسم الورده على صدر الغرابوالغراب أليا بغيت ألمـس الـورده يطيـر أستفدت من الذيابـه ومـن نبـح الكـلابوأستفدت من الرغا وأستفدت مـن الهديـر ولاكسبـت إلا معرفـة عزيزيـن الجنـابولاخسرت إلا معرفـة عديميـن الضميـر أقترب لامقتـرب شيـن بعـض الأقتـرابأبتعـد لامبتعـد شيـئ فـي حقـي كبيـر ياسؤالي كـل ماطرحـك ماألقالـك جـوابمالي إلا الصبر وأهل الصبر توعـد بخيـر وصف خبلان الرخا مثل ضحضاح السرابيفرح العطشان شوفه يحسـب انـه غديـر للردي لو هو ولد عم لاتحسب لـه حسـابكم عزيـزٍ ذلـه الوقـت بضيافـة حقيـر الـدروس أنـواع تطبيـق والا أنتـسـاببس أنا اللي طبـق الـدرس قـدام المديـر يا (غريب )أن مت شلني اليا هاك الهضابحط قبري بين عنتر وأبـن عمـه زهيـر حطني في مقبرة (( عبس)) مروين الحرابحطني بأعلى علم (( عبس)) مروين الشطير وان عسرك الوقت نطلع ونرجـع للتـرابويــارث الأرواح الألاه الأول والأخـيـر اول الدنيا طـرب وأوسـط الدنيـا عـذابوأخرتها الموت والقبـر وحسـابٍ عسيـر ياجزيـل الملـك ياكافـل رزق النـيـابياإلاهي مـن عذابـك برحمتـك أستجيـر ياعلاوي نجـد عليـك مراديـم السحـاب ديـرةٍ فيهـا تربيـت يـوم انـي صغيـر ياطبيـب النفـس وشـو عـلاج الأكتئـاب أعطني وصفة علاجه ترى وضعي خطيـر عشت في غربة حقايق وفي وضع اغتراب والتجارب عرفتنـي علـى الشـي الكثيـر شفت ناسٍ ترسم الورده على صدر الغراب والغراب أليا بغيت ألمـس الـورده يطيـر أستفدت من الذيابـه ومـن نبـح الكـلاب وأستفدت من الرغا وأستفدت مـن الهديـر ولاكسبـت إلا معرفـة عزيزيـن الجنـاب ولاخسرت إلا معرفـة عديميـن الضميـر أقترب لامقترب شيـن بعـض الأقتـراب أبتعـد لامبتعـد شيـئ فـي حقـي كبيـر ياسؤالي كل ماطرحـك ماألقالـك جـواب مالي إلا الصبر وأهل الصبر توعد بخيـر وصف خبلان الرخا مثل ضحضاح السراب يفرح العطشان شوفه يحسـب انـه غديـر للردي لو هو ولد عم لاتحسب له حسـاب كم عزيـزٍ ذلـه الوقـت بضيافـة حقيـر الـدروس أنـواع تطبيـق والا أنتـسـاب بس أنا اللي طبـق الـدرس قـدام المديـر يا (غريب )أن مت شلني اليا هاك الهضاب حط قبري بين عنتـر وأبـن عمـه زهيـر حطني في مقبرة (( عبس)) مروين الحراب حطني بأعلى علم (( عبس)) مروين الشطير وان عسرك الوقت نطلع ونرجـع للتـراب ويـارث الأرواح الألاه الأول والأخـيـر اول الدنيا طـرب وأوسـط الدنيـا عـذاب وأخرتها الموت والقبـر وحسـابٍ عسيـر ياجزيـل الملـك ياكافـل رزق النـيـاب ياإلاهي مـن عذابـك برحمتـك أستجيـر |
| الساعة الآن 07:14 PM |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.
جميع ما يكتب في المنتدى لايمثل الاراي كاتبه