منتديات سلايل عبس | بني رشيد - خاص لشعراء سلايل عبس

منتديات سلايل عبس | بني رشيد (http://www.slayl-abs.com/vb/index.php)

- مـنـتـدى واحة شعراء سلايل عبس (http://www.slayl-abs.com/vb/forumdisplay.php?f=89)

- - خاص لشعراء سلايل عبس _^ (http://www.slayl-abs.com/vb/showthread.php?t=33231)

رد: خاص لشعراء سلايل عبس _^

مفلح الخضيري:
الطاري اللي جرح القلب تجريـح
عؤد عقب ماهو عن البال رايح

مدري عليه ردته عاصف الريح
والانـوى يسـوي عـلـوم وفضـايـح

مواطن عادي:
يلعب مع الافكار صبحن مساريح
وبين الحنايا العوج لدم سايح

وياخاطري دام القوايم مطاريح
وين السلامه وين والحض طايح

ابو شرين:
مره اقوم ومره انوح واطيح
والصدر من بعض المشاريه فايح

كني من اللي وثق السد لايبيح
واصبح وسده من عنا الوقت بايح

حبيس الاعاقة:
والدمع فوق الخدْ سيّال ويسيح
والقلب من كثرةِ الأهوال نايح

يشكي من الأحزان وزودْ التباريح
منها الحشى أضحى مثيل الرايح

حبيس الاعاقة:
أبكي على أُمّة ن فقْدتْ مصابيح
تخبط كمن ماله نُظُمْ أو لوايح

تذرف بديل الدمع دمّاً مع القيح
ومن جرحها تعبق أنتن روايح

رد: خاص لشعراء سلايل عبس _^

وهانحن نعود من جديد لنرى قصيده اكتملت من شعراء بني عبس ,,
لنضع بين ايديكم قصيده لشعراء بني عبس ..

الطاري اللي جرح القلب تجريـح
عؤد عقب ماهو عن البال رايح
مدري عليه ردته عاصف الريح
والانـوى يسـوي عـلـوم وفضـايـح
يلعب مع الافكار صبحن مساريح
وبين الحنايا العوج لدم سايح
وياخاطري دام القوايم مطاريح
وين السلامه وين والحض طايح
مره اقوم ومره انوح واطيح
والصدر من بعض المشاريه فايح
كني من اللي وثق السد لايبيح
واصبح وسده من عنا الوقت بايح
والدمع فوق الخدْ سيّال ويسيح
والقلب من كثرةِ الأهوال نايح
يشكي من الأحزان وزودْ التباريح
منها الحشى أضحى مثيل الرايح
أبكي على أُمّة ن فقْدتْ مصابيح
تخبط كمن ماله نُظُمْ أو لوايح
تذرف بديل الدمع دمّاً مع القيح
ومن جرحها تعبق أنتن روايح

شعرانا وهم ,,

مفلح الخضيري,,مواطن عادي ,,ابوشرين ,,حبيس الاعاقه,,
لاعدمتكم وننتظر قصيده جديده _*

رد: خاص لشعراء سلايل عبس _^

وينكم ياشعار بني عبسسس الهمه الهمه

رد: خاص لشعراء سلايل عبس _^

الدمعة اللي جرحت جفن باكي = عزي لها من كثر الاحزان عزاه
لون ماني للمخاليق شاكي = الجرح جرحي والمواجيع تفداه
من الوجع سكت ماني بحاكي = اخفي بروحي من جروحي معاناه
كميت جرحي لين قرب هلاكي= وفجرت دمعاً تشرب الورد من ماها
أمي فداك اسمي ودمعي فداكي= وفداك قلباً ذاق حبك وفرقاه

مفلح الخضيري

رد: خاص لشعراء سلايل عبس _^

الهم في حدب الضلوع متراكي
همآ كتبه الله على الله مشكاه
*مالي بهالدنيا ولالي بلاكي
ياسلوة المشتاق وجرحه وبلواه

مواطن عادي

رد: خاص لشعراء سلايل عبس _^

صح السانك يامواطن غير عادي

رد: خاص لشعراء سلايل عبس _^

صح بدنك ابو نايف
وسلم بوحك

عزي لها من كثر الاحزان عزاه