منتديات سلايل عبس | بني رشيد - الجــــــوال -- مصافحة محبه

اقتباس:
المشاركة الأصلية كتبت بواسطة مفلح الخضيري http://www.slayl-abs.com/vb/slaaael/...s/viewpost.gif
اقتباس:
المشاركة الأصلية كتبت بواسطة مهل الرويضي http://www.slayl-abs.com/vb/slaaael/...s/viewpost.gif

السلام عليكم ورحمة الله وبركاته

عربون محبه لرواد سلايل عبس

انــا مانسـيـت وكـــل واحـــد ولـــه مـنــزال = رجـــالٍ روابـطـهـم مـعــي طـيــب ومـيـانــه
تواصلت معهـم ,, ميـر مـن كثـرة الاشغـال = انــا الـذاكـره عـنـدي عـلـى طـــول تعـبـانـه
عسـى الله يبـارك يـاهـل الـعـرف بالـجـوال = على شان ذاكـرتــه مـــن الـنــاس ملـيـانـه
يذكـرنـي الـلـي مـاذكـرتـه وانـــا رجـــال !! = لاقـمــت اتـصـفـح فـــي سـجـلـه ومـيـدانــه
الايجـاب لـه مـدهـال والسـلـب لــه مـدهـال = ولايـنـكـر الاســمــا .. ولايــعــرف خـيـانــه
ولايـعــرف الـطـيـب ! ولايـعــرف الـبـطّــال = تـسـاوت جـمـيـع الـنــاس عـنــده بمـيـزانـه
حـرام ان بعضـهـم مانسـومـه بـربـع ريــال = ولكن حفظـت اسمـه ولاهـو علـى شانـه !!
والآخــر لقـيـت اسـمــه مـسـجـل بـــآل وآل = واقـــوم اتـذكــر نـــاسٍ اسـمــه وعـنـوانــه
واروح اتصل به ,, سلم الله وكيف الحال ؟ = واقــوم اتـعـرف صـوتــه ولـهـجـة لـسـانـه
واذا اني عرفتـه قلـت خـذ لـك معـي فنجـال = هــذا كـانـه سـنـافـي .. ولـكــن اذا كـانــه ؟
أقـول آســف الظـاهـر غـلـط نـمـرة النـقـال = ابضغـط رقـم واحـد , ضغطـت اللـي وزانـه
تـعـذرت لــه والغـيـت رقـمـه بــدون جــدال = غلطنـا برقـمـه واكـثـر الـنـاس غلطـانـه !!
وأنــا كــل ماهـبـت هـبـوب الشـمـال ومــال = ظـلال الشجـر للشـرق واهـتـزت اغصـانـه
دفعهـا الهبـوب وجـا يسـوق الظـلال ظــلال = قـبــل لايـبـيٌـن بالـشـفـق غــامــق الــوانــه
دريـت انـي مقصـر ,, بحالـه مـن الاحــوال = ويمـمـت وجـهـي قبـلـه وقـلـت .. سبـحـانـه
عظيـمٍ تعيـش اجيـال بامـره وتفـنـى اجـيـال = وبــه نــاس ربحـانـه وبــه نــاس خسـرانـه
واذا جاتني فـي بعـض الاحـوال ضيقـة بـال = طـلـبـتــه كــريـــم وفــاتـــحٍ كـــــل بـيـبـانــه
هو الواحد اللـي نتصـل بـه.. بـدون ارسـال = وهـو الواحـد اللـي يقبـل العـذر .. سبحـانـه

اقف احترامأ لهذا الشاعر الفذ مهل الرويضي يشرفنا هذا النزف الشعري بان يكون في اركان موقعنا ويشرفنا تواجدك ظمن هذا الموقع الحقيقه يخونني التعبير عند ماقريت هذي الموشحه واكتفيت باني اقول لك صح لسانك مدد بلاعدد ولله درك لقد ابدعت بهذا النص العذب ولاهي غريبه عليك عسف الابداع اتمنى لك مزيد من الابداع وصح لسان وعتلا شانك تحياتي لك وتقديري واحترامآ لصاحب القصيده وتقديرأ لهذه الابيات تم التثبيت

مفلح الخضيري

وش خليت لي

كثر الله خيرك على ماتفظلت به من اطراء والله يقدرني
على تجميل مثلك وشرواك