|
رد: اكتب اسم شاعر واللي بعدك يكتب قصيده لهذاا لشاعر.
ميلاد شعري/محمد مريبد العازمي شبيت من راس الفتيل القناديل ... وذبحت في ميلاد شعري تميمه شاعر وأمثل لابتي خير تمثيل ... شعرٍ جديده يفتخر في قديمه أبقى على حلم الليال المقابيل ... تدفعني النخوه وقو العزيمه ما أقول أنا نجيب ولا أحمد الزويل ... أهل العقول الراجحه الحكيمه لكن نحاول نرتقي جيل عن جيل ... وأكبر فخر إنّا من أمة عظيمه أيامنا ذل وهوان وغرابيل ... تهدم قيم والجهل مسرح جريمه وإعلامنا غزو عقايد وتظليل ... قناة تمثيل وصحافه عقيمه والشعر فصل حال الايام تفصيل ... وجسد معاناة الشعوب الأليمه أصدق لسان يحلل الوضع تحليل ... احساس شاعر نابعٍ من صميمه وانا اليا تغربت من غير تآويل ... برضي طموحي وافهمي يا فهيمه انا ادري انه غرك القال والقيل ... وكثرت عليك علوم راع النميمه لكن ترى ما عاد لي بالصبر حيل ... ولا عدت اطيق المهزله والظليمه صحيح اجابه صدمة الوقت وآشيل ... والصبر مفتاح الفرج والغنيمه واحاول ادور للأعذار تعليل ... وأقول ما ينسى نديمي نديمه لك بين ريضان الحنايا مداهيل ... ولك بالحشى حشمه وشيمه وقيمه خوذي كلام اللي اليا قال مايميل ... وخلي كلام اهل العقول السقيمه ياوردةٍ مالت على ضفة النيل ... يهبها ريح العبير ونسيمه أنا احتدملك وانثني واسرج الخيل ... و اعنلك واكربلك شداد ريمه ثلثين ليل وثلث باقي من الليل ... بعد القطيف وقبل مفرق رحيمه ترسل وانا ماني بيم المراسيل ... الوضع سيء والنوايا مقيمه رسايلك توحي بقطع المواصيل ... الله يبيح اللي رعاك ويديمه ماهو كذا تقفي وذودي مباهيل ... وتهل دمعك مثل دمع اليتيمه جرحتني توك وانا جرحي محيل ... وهزمتني وانا ما اعرف الهزيمه وانا من احفاد الرجال المشاكيل ... بني عطا اهل الصفات الكريمه اليا حدرنا واديٍ ضاربه سيل ... واليا تسندنا جبال مريمه والمرجله لوهي ورا الجدي وسهيل ... نسعالها سعي الغريم لغريمه فهمتني ولا تبي ندبل الكيل ؟ ... نصيحتي خل العلاقه حميمه لا تحسب ان دمعي يبل المناديل ... لا والذي منعم عليك بنعيمه إن رحت عني جعل دربك تساهيل ... وان جيتني غالي وقدر وحشيمه طبعي كذا ما اركض خلاف الاقاويل... وحسيبنا محيي العظام الرميمه مطلوب قصيده للشاعر المبدع/خلف المشعان |
رد: اكتب اسم شاعر واللي بعدك يكتب قصيده لهذاا لشاعر.
عرفة وجيه!!
ياكثرهم .. لا قلت لك .. عرفة وجيه وياقلـهـم .. لا قـلـت .. قــدر ومـعـزه : رجـلٍ .. تعـزه بعـد ماتلتـقـي .. فـيـه ورجـلٍ .. قبـل ماتلتقـي بـه .. تـعـزه : ورجـلٍ .. تـرزه بالمجـالـس مبـاديـه ورجـلٍ .. فلوسـه بالمجـالـس تــرزه : ورجلٍ .. يموت ولا يجيبـون طاريـه ورجل ٍ .. يجي طاريـه فـي كـل حـزه : ورجلٍ يهزه .. بعض موقف ويشقيه . ورجلٍ .. مهوب أيّات موقف يهـزه : ورجلٍ .. ضعيف .. ويستفزه معاديه ورجـلٍ .. كـلام اعـداه .. مايستـفـزه : ورجلٍ .. تلزه يعترف لـك .. بخافيـه ورجـلٍ .. علـى خافيـه .. محـدٍ يلـزه : ورجلٍ .. يوزونه .. ويزعـل بنيخيـه ورجلٍ .. يزعّـل مـن يحـاول ، يـوزه : ورجلٍ .. تكـزه لا زم انـك .. توصيـه ورجـلٍ .. بلـيّـا مــا توصـيـه .. كــزه : من لا فرش .. للمرجلـه .. ماتغطيـه ومن لايخز .. النـاس .. محـدٍ يخـزه : ان كنت تعرفني فهي .. عرفة وجيه مو شرط لك بالقلب قدر .. ومعـزه مطلوب قصيدة للشاعر/ رشيد الزلامي |
رد: اكتب اسم شاعر واللي بعدك يكتب قصيده لهذاا لشاعر.
يامتعب الأقدام ماشي على ويـن مع جرّة جاها العجـاج ودفنهـا ارجع وعدّ خطاك وحده وثنتيـن اكبح جماح النفس والزم رسنهـا اللي بعدي للشاعر سالم السيارلاتامن الدنيا ترى وضعها شيـن ماعاد به دنيـا صحيـح بدنهـا |
رد: اكتب اسم شاعر واللي بعدك يكتب قصيده لهذاا لشاعر.
عسى ما ازعلتك البارح وزودت الجراح جراح
عسى ما مرت الدمعه على اهدابك من اسبابي جرحتك من كثر شوقي وخليت الكلام رماح ولا ادري شلون ياعمري طعنتك حيل بعتابي بدون شعور صدقني ترى كثر الغلا ذباح تعال وشوف بغيابك غلاك شلون سوابي حرام تغيب من عمري وتعطيني الفراق وشاح حرام الدمع في عيني مناديله هي اهدابي غيابك يشغل عيون الزوايا وامتلي اشباح وانا انثر صوتك بقلب المكان واشعل ابوابي تلفت للأمل دام الرجا في عمري الملواح اناديلك ولو شرهك وصولك تقطع اعصابي ابيك الجاي من عمري انا مابيك شي وراح مدامك اجمل واخر مدامك اول احبابي ابي ارتاح ياعمري انا ادري هم تبي ترتاح تعال وقبل ما افرح ترا تفرح بك ثيابي احبك احبك يابعد عمر الحزن والجرح والافراح احبك احبك كثر ما نامت عيونك داخل اهدابي اللي بعدي قصيدة للشاعر/ راجح بن سالم العجمي |
رد: اكتب اسم شاعر واللي بعدك يكتب قصيده لهذاا لشاعر.
احدن تنومس رفقته وافتخر فيه واعتز في عرف السنافي وشرواه واحدن سروري يوم اغادر حراويه ارتاح واسلى وانبسط عقب فرقاه واحدن ليا منه زعل ودي ارضيه واحدن زعله احب عندي من رضاه واحدن سوى لانيب اسبه ولا اغليه ان رضي عادي وان زعل مانشدناه والطيب يطلع في النشاما مواريه يظهر على الرجال شكله ومعناه اما شجاع والظفر في هقاويه والا كريم تفعل الجود يمناه ومن طاع ربه فاز وادرك مناويه ومن خالف امره خسر دينه ودنياه اللي بعدي قصيده للشاعر مممممم ياسر التويجري |
رد: اكتب اسم شاعر واللي بعدك يكتب قصيده لهذاا لشاعر.
مشكوووووور والله يعطيك الف عافيه
|
رد: اكتب اسم شاعر واللي بعدك يكتب قصيده لهذاا لشاعر.
يا معذبتنــي ليه هذا الجفا ليــه
__________ وأنت تضمين الثــــرى من ظلالــي وش ذا الغرور الله يّـحمد تواليـــه __________ ومن وين جالك هالكبر والتعالــي تــعالي انــتِ دام كلٍ و ماضيــه __________ الحب ماهــو بـــس حقي لحالـــي لا تذبحيني بالعتـب والمشاريــه __________ والله ما بيـدي سوى راس مالــي معزتك وايضا القصيد ومأســيـه __________ والضيف لا جاء والحطب والدلالي وعن حلفي اللي قلت طيرٍ يعشيه __________ كفه اليا بــــردت عليه الليــــالي يعني ثلاث اشياء املك من التيـه __________ الساني وقلبي وطنخة عقالــي أدعيك في كل اسمٍ يسمونكِ فيــه __________ يا أم الحسن وأم التـرف والدلالــي عودي لقلبِ صار ماعاد يـــمديــه __________ يـرقــع اللي راح يـــا هملالـــي وإذ أن قلبك وده انه انا ادعيــه __________ بإسلوبٍ افضل يرتــقي للمعالي ممكن أحاول اتــحضر واناديـــه __________ واقــول له اذا تـــحسن مقالـــي ياجمرة الوجد المسمى وطاريــه __________ وياعقد باحجار البحر واللآلــئ اليا ظهر بدرك مع الليل أسريــه __________ ولا اختفى ماعاد صبح مثالــي أساور الشك الطبيعي واناجيه __________ وارقى على رجوم الغلا في خيالي افارقك في ليه والقاك في ليه __________ واحيان احسك ما أنت داخل مجالي احيان احسك شيء واثري طاويه __________ واقسامك والقى حلالك حلالـــي اقتل خيــالك وأتحسف وابكيـــه __________ وارثيك واثرك من عيوني قبــالي وازعل واخونك واذبح القلب واسقيه __________ وازعل على نفسي وادور بـدالـــي متضاربن بيــــن الغلى والمتايــيه __________ ضايق واحس ان الزمن ماصفالــي واليا تركتيني اقول اللي ابغيـــه __________ بــقول لك انك سبايــب هبالــــي خلي فؤادك لا يـــكثــر تــــغليـــه __________ يسرع يجينــي قبل اشـــد الرحالي الخاطــر اللي ما تــوسع مفاليــــه __________ مــاهوب متــحمل على كل حالـــي لا تحسبينــي من عروقــي اغذيـــه __________ طبعي جنوبي لو غدا اصلي شمالي طرح الكريم اللي وســاعن مذاريــه __________ ما يــنتـــهض الا يشيل الثــــقالـي من عرض عصمان الشوارب تـواليــه __________ اللي اليا غارت تــدك الجبـــالـــي وانا من فروخ الصناديد " ياهيــه " __________ " اعمام والا انتخيــت بــخوالــي " ابسط نداءتي ليــا قالوا " البيــه " __________ ومن اغير القابي طويل السبـالــي مغرور فعلاً واعتـرف لك ومافيـــه __________ عيب اني افخر وأفتخر في فعالي لو قلت لك ياهيه ردي بــ " لبيـــه " __________ ولو طال بالك شر بيــطول بـالـــي كذا نـــحل المشــكله والمشاريـــه __________ و أضــمن لك انك ترديـــن الولالـي الشاعر/ خلف المشعان |
رد: اكتب اسم شاعر واللي بعدك يكتب قصيده لهذاا لشاعر.
حبيبي .. من ( ثمان سنين ) .. عدّت .. ماقدرت أنساك
أجل .. وشباقـي بعمـري ؟؟ أحـاول فيـه نسيانـك حبيبي تبّت .. عروق الخفوق .. ليابغـى ... يجفـاك عسى موتـي قبـل يـومٍ ... أفكـر فيـه هجرانـك تخيّل طول ( هالمده ) وانـا اشـرب ماقـدرت ارواك لك الله لـو بغيـت احلـف الـى هالحيـن ضميانـك تخيل طول ( هالمـده ) وانـا مثـل القصيـد اقـراك وحياتك لو بغيـت اكتـب كتبتـك باصعـب اوزانـك انـا ماهمنـي قولـة (خلـف شاعـر) كثـر مهـواك وأنا .. لولاك .. ماقالوا : نعـم .. صـح الله لسانـك أنـا كـل القصيـد اللـي كتبتـه سيـدي لـرضـاك قسم بالله . . لقطعلك يدي...... لو مـو علـى شانـك واذا هي بس على ( ذيك القصيـده ) جعلهـا تفـداك ألا يالعنبـو ( شعـرٍ )..... يشمّّـت فيـك عدوانـك حبيبـي لاتغنيـلـي ( تهـددنـي أنــا أتـحـداك ) وربـي لـو بغنيلـك ( تصـور) ضاعـت الحـانـك حبيبي رووووووووح .. لو تقدر تجافيني هنا مـأواك عسـى الله لايعافينـي إذا فكـرت نسيـااااانـك اللي بعدي للشاعر سلطان الهاجري |
رد: اكتب اسم شاعر واللي بعدك يكتب قصيده لهذاا لشاعر.
اانا يازماني في فوادي ثـلاث اطعـون ولاهي بطعنه من سيوف اوسكاكينـي من افتح ياسمسم والا يافلم ابو كرتون امورن تغث اكبـود حتـى الوراعينـي وجمهوري الغالي يسوق الشره ويمون ونا قد شرهات العتـب مـن محبينـي يقولون ماشاركت واقول هل توحـون ابي كل واحـد يفتـح اذنـه ويوحينـي لابالله ماشاركت في شاعـر المليـون لواني على المليون تومـي شرايينـي ولكن انـا مانـي بخبـلٍ ولا مجنـون اجي وقطع ارزاق الضعوف المساكيني والامر ودهلني علي للرجـال اديـون ومليـون واحـد مايسـدد دياييـنـي الاياحمام الورق يااللي تجـر الحـون تغانم زمانك بيـن خضـر البساتينـي تراها لا ركبت كل جمره على الغليـون وراد الله انه يصفي الماء من الطينـي حشرنا الضباء بقرون والابدون اقرون اقرون الظبي تصلى على النار وتلينـي مثل ماوطى هامان والاوطى فرعـون ثياب الشـرف ماتستـر الاالشريفينـي ياالاجواد مدت للمواهب اكفوف العـون وهاذي صفاتٍ من صفـات الكريمينـي والاقزام تهدم كل ماأهل الكرم يبنـون اصروحٍ من الامجاد ماهي من الطينـي بنتها الكفوف اللي كرمها سحاب امزون ارموز البطوله نصرة الحـق والدينـي غضبهم وأنا سلطان يهتز منه الكـون وكرمهم تربع فيـه حتـى البعارينـي اجبالٍ قممها فوق والها حجا وركـون اليا مر طاريها على الـراس والعينـي بطولـه عربيـه وتاريخهـا مصيـون عـن الاستهانـه باالقيـم والقوانينـي واليامن لحقني من زماني جفا وغبون تذكرتهم ومسيـت فـي راس علينـي عساالله يهونها على الناس لين اتهون وتزين القرايه فـوق روس المجانينـي اضعاف العقول اللي تهبد على مالـون علـى كـل ملـواحٍ تهـز الجناحينـي ماتنظف يديهم لو تغسل من الصابـون كثر ماتقدمها علـى الزيـن والشينـي اللي بعدي لشاعر محمد بن فطيس |
رد: اكتب اسم شاعر واللي بعدك يكتب قصيده لهذاا لشاعر.
|
رد: اكتب اسم شاعر واللي بعدك يكتب قصيده لهذاا لشاعر.
يقول السديري بعد ما خاطره ضاق* دام الكلام اليوم ماعاد ينطاق .........................بين الولايف نبرة الشوق غرقا قال السديري عقب ماخاطره ضاق .........................بيتن يخلي ضامي القلب يشقا ياليت ربي ماخلق حب وفراق .........................والا خلق حب(ن) على غير فرقا واليوم ضاعت بالمواجيب الاخلاق .........................صار الغزل بين المواليف يرقا دارت دواليب الزمن بين الاشواق .........................يالصاحب اللي من سبايبك نشقا عنيت لك في عالي الرجم مشتاق .........................وغنيت لك مع تالي العصر طرقا عن شوف غيرك شح شوفي ولالاق .........................وسرقت ماتحت المحاديب سرقا واليوم طعت اللي بالاشوار بواق .........................واللي بقى لك بالمحاجير يبقا من عانقوا دربك قليلين الاوفاق .........................حالك تغير والبلا وين نلقا محدن يعالجني سوى شوف براق .........................واقول مابين الغنادير فرقا ياهيه يالمشتاق لاعاد تشتاق .........................ويامعدي المرقاب لاعاد ترقى آخر نصيحه واحفظه وسط الاعماق .........................خل الرجم وانزل على راس برقا المطلوب قصيده للشاعر/ سلطان الهاجري |
رد: اكتب اسم شاعر واللي بعدك يكتب قصيده لهذاا لشاعر.
الغلا والشوق يدفعني على الشرقيه
بين تيار الغرام وبين شي ثاني اتثل لي مايرد القلب عن طاريه كل ما ذعذع نسيم الورد والريحاني مثل مايضرم خلف هذال للبريه والله اني مضرم للشوق من وجداني عاشق ما يلبس ثياب الغلا عاريه ما يعشق الا عقود اللول والمرجاني الغصون الخضر حيه والمشاعر حيه غرب كورنيش الخبر شرقاً عن الظهراني اقبلت واستغفر الله كنها حوريه والشعر مثل الذهب يلعب على الامتاني إن تثنت كنها ماموره منهيه وان تمايل عودها يالله لا تبلاني جيدها فتان والفتنه تجيب السيه والبروق تلوح بين الخوخ والرماني قلت وش هاالغنج قالت كذا عفويه بنت مملوحه جميله والجمال اطغاني يضمحل الورد كود الورده المحميه لا تطلقها الريح حرك عودها الرياني عن هجير الشمس احصل فيه ظل وفيه اه يالبيه يازرعي ويا بستاني الشاعر / سعد علوش |
رد: اكتب اسم شاعر واللي بعدك يكتب قصيده لهذاا لشاعر.
زيادابن نحيت
|
رد: اكتب اسم شاعر واللي بعدك يكتب قصيده لهذاا لشاعر.
غلطه قديمه وانتهت لكـن بقـا الجـرح العميـق اللـي يبـي يبقـى علـى مـر الليالـي مالتئـم آسف لاني ماقدرت اصبـر وغيـرت الطريـق وآسـف لانـي ماقـدرت افهَـم اللـي مافـهـم بركت للحمل الثقيل وطقت لـو ماكنـت اطيـق مـن شـان لاقالـوا زيـاد يقـال والله والنعـم مطلوب أبيات للشاعر حمدان المري |
رد: اكتب اسم شاعر واللي بعدك يكتب قصيده لهذاا لشاعر.
الحب الآول.....
اقول بنسى واحسب اني نسيته .............................. الحب الاول صعب نسيان راعيه عانيت في بعده كثر ماهويته .............................. لااحتلت في قربه ولاني بناسيه لو اني اقدر جيته كان جيته .............................. اللي بقولـه آآآه ويلي على أجيه بس البلا اني كل ماجيت بيته .............................. آخذ ثلاث ايام مدري شــ/انـا فيه ليل ونهار وليل واللي قفيته .............................. وانا مابين اسمه ورقمه وطاريه الله عطاني من غلاه وعطيته .............................. وغيره بغى مني ولانيب معطيه قالو هويته قلت ايه هويته .............................. قالو تركته قلت ماني مخليه له منزل في وسط روحي بنيته .............................. جدرانه ضلوعي وهو ساكن فيه دورت له بين الضلوع ولقيته .............................. خلف الضلوع يبين ماطا خطاويه واليوم لااحتجت اللقا مااحتريته .............................. حتى اثره من بين الاضلاع ماحيه ياجعل يسقى عادني لابغيته .............................. يغفى على ضلعين صدري واصحيه مافيه شخص في حياتي بكيته .............................. الا الذي قد مات مانيب راجيه لكن هو حي ومع ذا رثيته ............................. من قلبي اللي احسن الله تعازيه حملت قلبي بالهموم ورجيته ............................. كني مااعرف الا غيابه واحاتيه اقول بنسى واثرني مانسيته .............................. الحب الاول صعب نسيان راعيه "فهد مساعد" |
رد: اكتب اسم شاعر واللي بعدك يكتب قصيده لهذاا لشاعر.
فهد المساعد
.. جاء يشـوف الحـال كيفـه بعـد ماهـزه حنينـه ..::.. وقبل يسألني سألتـه : كيـف حالـك يالحبيـب ؟ قال : انا كنـي غريـب ضيـع دروب المدينـه ..::.. قلت : انا كنـي مدينـة تنتظـر رجعـة غريـب قال : اجل وش فيك تكره سيرة الحـب وسنينـه ..::..قلت : أجل وش لون ما اكره سيرته دامك تغيـب انت لا من غبت حتى مرايتـك صـارت حزينـه ..::.. كيف ما تبغاني أحزن وانت لي حظ ونصيـب !؟ الهدايـا و الرسـايـل و المكاتـيـب الثميـنـه ..::.. والليالي و القمر و الريـح و الكـون الرحيـب كل ما تبعد .. تجيـب الشعـر ليـه مـن يدينـه ..::.. و تقعد جروحـي تـودي فالطواريـق و تجيـب يا بعـد كـل القصيـد و نـزوة حـداه و انينـه ..::.. لا ذكرتك لاح بيت .. و طاح ورد .. و فاح طيب و ان نسيتك ما نساني صوتك المبحـوح لينـه ..::.. ياخذ لجرحي بثاره مـن خطايـاك و يطيـب و بعد هذا جـاي ترمـي ذنبـك بوجـه المدينـه ..::.. مـا دريـت ان المدينـه كلهـا شمعـة غريـب مطلوب أبيات للشاعر عبدالله السياري |
رد: اكتب اسم شاعر واللي بعدك يكتب قصيده لهذاا لشاعر.
ياغافل عن ظلمة اللحد والضنك نومتك طالت والمنايا مغاوير غافل ومندوب القدر ماغفل عنك والخيل تحذا لك عليهـآ مشاهير إعمل ترى الدنيا للأعمال كالبنك ماحاشته يمناك تلقـآه توفير دامك نشيط فكل حين إيعاينك وإن طحت فالمضمى وطتك المضاهير المال ليشان العمل مايزينك يامن قضى عمره بجمع الدنانير اللي بعدي للشاعر ياسر التويجري |
رد: اكتب اسم شاعر واللي بعدك يكتب قصيده لهذاا لشاعر.
ياسر التويجري ...,’
الشعر ماهو وفاء والمدح ماهو كثير يالي بفعلك تجاوزت الصور والصفات ان قلت مثل البشر وشلون مالك نظير وان قلت منت بنبي وشلون لك معجزات يشوفك المجد في عين الرفيق الخشير ويشوفك الناس بعيون وغلا وامنيات ماصرت الاول ولاصرت بعطاك الاخير لان مالله خلق قبلك وبعدك حيات ياصعب من الدين في عين الفقير الستير واسهل من البطش بعيون الملوك الطغات والعب من السيف في كف الشجاع المغير واثبت من طويق وابان الحمر والسرات والذ من صافي العذب القراح الغدير وامر من علقم الايام والمقبلات ياراس مالي اليا ضاقت وقل الكثير اي والله تعيش يا مال الظفر والغنات يالي لك بقلب مغليك المكان الوثير طهارتك خلق والباقي عليك الصلات صلي بحنياه واشفع له وخلك قرير قلبً يا لو لا مواقيفك معه كان مات ليت الغلا بالذمم ماهو بقلب وضمير كان احلف انك على اغلى من الغاليات وليت الوفاء معك وقفات تحدد مصير وليت العطى منك بسمات تلملم شفات وليت السفر معك لا خر مايجي بالمسير وليت الحكي معك لابعد من حكيا الروات يجذبني لكل طيبن فيك سلك الحرير ويغريني لمدحك لشعري كلام الوشات ايه اكبر بفعلك الي في عيونك صغير وايه اصغر لكل دمعه من عيون البنات يالفارس الي عطاك الله سيفً شطير وكرمت نفسك عن مطاعن عيال الرعات في كل كفر خلى لك روض مزهر وبير وفي كل حلق حسدون لك عظم أو حصات تذبح لك هجوسنا في كل طاري بعير وتشرب لك اقلامنا في كل ليله دوات تعطي عطى الي مع الايام عمره قصير وغير الدعاء ماخذيت الا قلوب الثغات يالنادر الي قطعة السبق قبل الجرير مكانك الغيم لا ضاقت بك النايفات البارحه جاب لي طاريك ريح العبير وهب الهواء في مقاديمك من اربع جهات حت تصوفت بطيافك وقلت استخير ابي اكسب الذات واخسر بك عيال الذوات جيتك وانا الشاعر الي ماقراه الغرير ولاتنكس على ابياته وهز العصات جيتك وانا الشاعر الي من عسيب الحصير وصل من المجد ماله تاصل الناطحات ايه انت وهبي يانفس الذليل الحقير ايه انت والا فلا للجود بعدك سمات للي بعدي ....الــبــــــدر....., |
رد: اكتب اسم شاعر واللي بعدك يكتب قصيده لهذاا لشاعر.
قصيدة انا الجفا - بدر بن عبدالمحسن
عن كل نجم ظهر بسدل أجفاني |
رد: اكتب اسم شاعر واللي بعدك يكتب قصيده لهذاا لشاعر.
حامد زيد
بـوقـت مــن الـبطا،وبليل تـترقص شـياطينه" "بـعد شـفت الـضيا يـنزع مـن ثياب المسا ثلثين تـحـايلت الـمـنام الـلي مـثل بـيتك تـمرينه " "وانـا الـلي مـن تـفارقنا وأنـا ماغمضت لي عين غـريـبة!!كل حـلـم يـمـر بـرقادي تـزورينه" "والاغـرب..كيف أحـلم الحلم،وارجع واحلمه بعدين؟ قـبـل يـومين،شفتك بـالمنام..وقمت مـن حـينه!" "ونـمت أمـس،ورجع نـفس الـمنام اللي قبل يومين أنـا الـلي قـبل اسـافر شـلت قـلبي من شرايينه" "تـركـته فــي يــدك الأمـانه،واحفظيها زيـن تــرى حـفـظ الأمـانه ديـن..مجبورة تـردينه" " أجـل ، مـافيه أحـد قال لك((حفظ الأمانة دين))؟! مــرد الـمـقفي بـيـلفي..ويستوفي ،وتـوفـينه" "بـعـدلـيـلـه،ثـلاثـه،أربعه،عشره،شهر،شهرين إذا انـتـي ،مـاانتي بـقد الـكلام الـلي تـقولينه" "حـرام...استامنك حـاجة،وإذا جـيت اطلبك تنسين تـخونين،وتبين أرضـى!..واحد يـرضى تخونينه!" "أنـا لاجـيت أخـونك،مع حبيبة ثانيه،((ترضين))! مـن أول مـارجعت مـن الـسفر ماشفت لك بينه؟" "وأنا اللي كنت أحسبك قبل ادوس ارض المطار..تجين تـكونين أنـتي أول شـخص عـيني تحتضن عينه" "وكـنت أتـخيلك مـن زود فـرحة رجـعتي..تبكين وأشـوف بـدمعتك حـكيك..وأعرفه قـبل تـحكينه" "واجـيب أحـلى مـن الـلي بتحكينه،وأتركك تحكين تـقـولـيـن:الوطن نـور..وأقـول:بـنورمضوينه" "تـقولي لـي:غديت أحـلى،وأقول:عيونك الـحلوين كـــلام نــام بـشـفاهك..وخفتي لاتـصـحينه" "ذخـرتـيه لـغـرام لـلي يـنام...ويترك تـصحين تـغـانمتي غـيـابي..لين رجـحـتي مـوازيـنه" "تـعلم مـن يـدك لـمس الـكفوف وعـلمك تجفين ولـيـتك لاقـيـه بــه شـي...فيني مـاتلاقينه!" "مـهو بـغرور..لكن خـابرك مـالك أمـل تـلقين تـغـافلك بـغلا..والإ الـحلا مـهو بـمن زيـنه!!" "تزينه الصور ..بس الصحيح ابن الحلال((زوين))!! وأنــا مـاني بـنقاص عـنه يـوم أنـك تـبدينه" "نـصيبي..هو نـصيبي لـو يـسددها من الصوبين قـنـوع بـمـظهري،والسم مـايـذبح ثـعـابينه " "عـلى قـول الـمثل((ماني حلو..لكني ماني شين))! إذا أهــداك الـزهر مـره،فأنا اهـديتك بـساتينه" " وإذا ألـهاك بـفرح لـيله، فـانا تـهت لبكاك سنين وإذا اسـتـضعفتك أمـلاكـه...وشتتك مـلايـينه " " أنـا حـتى فـتات الـخبزة أقـسمها مـعك نصين طـموحي ،بـس أجـي وأظـفر بـشي تـستحقينه" "تـديـنـتـه،تـسلفته،سرقته،مومهم مــنــيـن؟ كـأني مـن كـثر مـاارضى بـكل الـلي تـمنينه " " لـو انـك تـطلبين الله ..يـعنيني، بـقول آمـين أنـا مـاالعب عـلى الـحبلين،وقت الطيش وسنينه" "تـبين الـحين يـوم أني كبرت العب على الحبلين؟! تـرى عـند الـبدو بـالذات((عيب اللي تسوينه))!!" "حـلاتـك لاعـشـقتي..تعشقيني لـيـوم الـديـن غـرامٍ نـسكن ضـلوعه...حشيمه مـن مـجانينه " "جـفـا،يجمع مـعـزتنا...ولاعشق يــذل أثـنين كـثـار الـلـي تـحـدوني وقـالـولي :تـحبينه" "امـانـه..لاتخليني صـغـير بـعينهم ((تـكفين))!! لانـــي كــل مـاقـالوا((تخون))..اقول:مسكينه" "عـلـيك الله وأمـانـه..علميهم مـنـهو الـمسكين أنــا خـايف((لياطاح الـجمل تـكثر سـكاكينه))" "وأنـا مـاعاد بـضلوعي مـكان لـطعنة الـسكين مـثل مـاقالوا(المكتوب واضـح مـن عـناوينه))" "لـو ارحـل مـنك للغربه..بسافر من ظلامك وين؟! كـفـايه..كل حـلـم يـمـر بـرقـادي تـزورينه" "كـفاية...من تـفارقنا..وأنا مـاغمضت لـي عـين قـبل يـومين شـفتك بـالمنام وقـمت مـن حـينه" "ونـمت أمـس،ورجع نـفس الـمنام اللي قبل يومين مطلوب قصيدة للشاعر محمد بن فطيس |
رد: اكتب اسم شاعر واللي بعدك يكتب قصيده لهذاا لشاعر.
كيك وعسل ,,
محمد بن فطيس ,, بعض العرب حبه يوردك الجنون ولا يوصف له غلاه حكاك له مايقنعه وصف الغلا لو وش يكون لو كل حرف بالحرير يحاك له الموت جاك وهو تقلبه الظنون ولا لك الا الصبر وش وداك له ان قلت ضايق قال هونها تهون يدري ان ضيقتك له وبكاك له تقعد تحبه وانت ساكت ومغبون كن بيوم يقال له مااوفاك له وكانك مشكك هو يمون او ما يمون تخيل ان عفت الصبر فرقاك له غلاه وهو فوق الغلا ماهوب دون وحكاه سمعك يجبرك بارخاك له ودك تحطه في العيون من العيون وتبسط على رمضا الثرى يمناك له وتظله من الشمس في ظل الجفون ولا يمر اذنه سوى لباك له وتسج من غيره لو انهم يذكرون ومنين ماسجت القدم ممشاك له غرو يميله الترف ميل الغصون غصن ليان ومكرمه باسقاك له جديله الى اقفى ستر منه المتون كني بريحه لاألتفت لأدعاك له كيك وعسل لكن ماهو في صحون ودعا ك من عين الحسود غطاك له الله لايعطيه ناس ينضلون ويستر علية من النحل لا ياكله الوصف والتعبير في وصفه يخون غير اطلب الله يستجيب دعاك له وعذال قلبك في محبته يهبون سكينهم عن قطع حبله حاكله ناس عن اعراض العرب مايعرضون ودايم على نفس الشكل والشاكله اللي من لحوم الاوادم ياكلون وحلوقهم دفع البلا متواكله في سلمهم اولى بالاكل الاقربون واطيبهم اللي صيدته شكواك له عازمهم الشيطان للذنب ويجون هذا يقطع له وذاك يواكله ياجعلهم فدوة ثرا الغض الفتون اللي على الدرب الطويل خطاك له طيفه الى نام البشر زارك بهون وطيفك الى نام البشر سراك له حبه دفان ومقبرة خضر الطعون بين العظام العوج كنك ناكله اللي كذا.. حبه لو تموت مغبون ولا لك الا الصبر وش وداك له مساعد الرشيدي,, |
رد: اكتب اسم شاعر واللي بعدك يكتب قصيده لهذاا لشاعر.
ولع رماد الشوق يامعذبي نار
!!من كان يحلم باشتعال الرمادي ؟ ماكنت احسب انه يكون اللقا حار لين التقينا واشبكتنا الايادي وقامت لنا الذكري تغني على الطار تنساب باسماعي نغم حب هادي حسيت شي لفني مثل الاعصار واستيقظت نشوة غلاك بفؤادي اخذت لي سجه وانا شبه منهار بين الخيال وبين علمٍ وكادي وفزيت يوم انى تنبهت وش صار مثل الذى توه صحي من رقادي تغير الموقف بلا سابق انذار وغير المشاعر جت مشاعر جدادي رديت لك عقب التجافي والانكار وطويت صفحات الزعل والعنادي وتبددت ذيك المبادي والافكار ايه جنون افكار وايه مبادي تراي انا مليتها لعبه النار ما احد لعبها قبلنا واستفادي من رد للجنه عقب صالى النار حتى السموم يصير عنده برادي اللي بعدي مطلوب قصيدة لمفلح الخضيري..... |
رد: اكتب اسم شاعر واللي بعدك يكتب قصيده لهذاا لشاعر.
يـاويـلـي قـلـبـي ليـتـنـي مـــن خــوالــك..اقــدر اشـوفـك بــاي الاوقــات واجـيــك
والامـســك وانــشــدك عــــن حــوالــك..وداعـبــك فـــي قبـلـتـن بــيــن عـيـنـيـك وجـلـس مـعـك عـــادي لـونــك لـحـالـك..مـافـيـه شـكــه كـــل مـاجـيــت انــاديــك يـالـيـت لـــو يـالـيـت تــقــرب وصــالــك..أن كــان احــط ايــدي بمصـافـح ايـديـك ودلـــلـــك وادلـــعـــك فــــــي دلالـــــــك..وقــول لــك قلـبـي فــدى مـنــك وإلـيــك وان شـفـت رقـمـك او لقـيـت اتـصـالـك..فزيـت لـك فــي صــوت عـالـي هلابـيـك ان كـــان يمـديـنـي بـحـضـرت جــلالــك..عـــزالله انـــي صـادقــاً مـغـرمـا فــيــك نــفــس الـشـعــور ابــادلــك مـابــدالــك..واحساسـك بشوقـي هـو الـلـي محلـيـك كـــان الـقـصـيـد وصـاحـبــه مـاوفـالــك..ارم الـقـصـيــد وصـاحــبــه للـمـهـالـيـك لــكــان مـاعـنــدي جــــواب لـســوالــك..الالـيـانــديــتــنــي قـــــلـــــت لـــبـــيــــك يمكـن عشقتـك والسبـب مــن خصـالـك..ويمكن فقدت اشياء على شاني ارضيك ولـونــي اعـلــم ويـــش يـخـطـر لـبـالـك..كـان اختصـرت السالـفـه لـجـل مـوذيـك اطلب قصيده لشاعر الامير خالد الفيصل ,,,, |
رد: اكتب اسم شاعر واللي بعدك يكتب قصيده لهذاا لشاعر.
مرتاح أحبّك ولا علّمت
****** حتى انت عيّيت أبين لك والبارحة يوم أنا سلّمت ****** شكّيت لو عيني تدلك برقٍ لمع بالعيون وخفت ****** مواجع القلب توصل لك عساك في ناظري ما شفت ****** كيف المعاليق يومن لك من خوفتي لا احترق جنّبت ****** هربت من شمسك لظلك أخشى عليك الهوى لو طحت ****** ما تلني يمّك يتلّك أبي قليلك ولا حصّلت ****** بعضك تركني مع كلّك ما ادري صواب أو خطا ما قلت ****** إنّك حبيبي وأنا خلّك قصيدة ,, حمد البريدي _^ |
رد: اكتب اسم شاعر واللي بعدك يكتب قصيده لهذاا لشاعر.
::
. ، ما انتَ بعلىَ خبريَ .. تغيرتَ يا هيهِ بردَ المساءَ ما عادَ عانـقَ حضــوركَ .. ما عادكَ أنتَ إياهَ .. ولا أعرف ليهِ ولا عـآد ذا شوقكَ .. ولا ذآ بشعوركَ .. عنيتـنيَ لدربَ العذابَ .. ومساريهَ وإنـآ أتعنـى فيَ رضاكَ / وسروركَ لا تسومنيَ دمعَ الوفاءَ .. صعبَ تشريهَ بآيدكَ هدمتَ البيتَ والسورَ سوركَ .. أنا هديتكَ خافقيَ .. وأنـتَ تهديهِ ! للحزنَ / والليلَ العتيـمَ / .. وغروركَ .. ترىَ الهديهِ عيبَ تهدىَ .. وتنويه : [ إن ما أحترمتَ العهدَ شيكونَ دورك ] كنتَ أشتهيَ صوتكِ وأحبهِ وأداريهِ والحينَ ما ادانيَ السواليفَ طوركَ .. شبيتَ ضويَ في رجآ الغنجَ والتيهِ وتشبَ ضوَ البعدِ .. يا شينَ جوركَ .. [ الفيَ عليكِ بشوقَ وتقولَ " ما فيهِ " ودكِ بوصليَ بسَ يا كبرَ أمورك ] الليَ بقلبيَ من غلآ .. خذتَ باقيهِ رده عليَ تكفىَ .. أو إكفهِ شروركِ .. لاَ وآخسارهِ .. يا فديتكِ ولبيــهِ نهيتنيَ يا قلبَ .. ما طعتِ شوركَ .. يا مجرمَ جروحَ الغيابَ .. بتماديهِ وقعَ علىَ صكَ الوادعِ .. بحضوركَ .. أهديتكِ الدنياِ / وقلبيَ / وما فيــه ولا إنـت تهدينيَ خـطآك .. وزهورك .. وسلمتـكَ .. زمـآم الهوىَ والمشاريهِ وأنـت تحفرَ لجروحِ صـَدكِ .. قـبوركَ .. أحيـَهِ منَ جمرَ انتظـاريَ ويا أحيـهِ لا ذكرتنيَ بالمحبهِ .. عطـــوركَ ! يسقيكِ يآ ذاكَ الغـرآمَ .. ولياليــهِ وأبكيَ غرامـيَ فيكَ وأبـكيَ شعـوركَ .. تضحكَ مع إقفاكِ .. لكنَ معا ليــهِ أصبـرَ علىَ الايـآم ويجيكَ .. دوركَ .. :: . ، لـ الشآعر حمد البريدي...|$ مطلوووب قصيده لشاعرة نجد......,’ |
رد: اكتب اسم شاعر واللي بعدك يكتب قصيده لهذاا لشاعر.
القلب الشغوف كلما. ذعذع من الشـرق... نسنـاس الهبـوب ذكّر..اقليب..المـعـنّـاة دار... أحـبـابـهـا وإن بغيت أسْلى!..حكى القلب.! قال أنتي كذوب! جاملـي!! والا الحقـايـق تــراي أدرابـهـا لامتى..بيعيـش خاطْرْكْ..يابنت..امغـصـوب؟ إلحقي عمـرك تـرى الـدار تبغـى اصحابهـا واطْربي.!.. والعمر بيديـن مولاه..امحسـوب والقمر..مابـه..ولا..دار.. غيـر أضوابـهـا قلت..نـاري تشتعل..لاتـزوّدهـا.. شـبـوب والستـيـره مطلـبـي... علّني..أحضابـهـا لاتبـحّـث..فـي خفاياي..وتْبين..الـعـيـوب والــصــدور المغلقه..لاتشـرّع..بـابـهـا والله إني...صرت..مَطْلب..لْعفنيـن القـلـوب يالله إنـك..عــن طريقي..تردّ..اركـابـهـا نـاس عيّـت عـن تتبّـاع خلـق الله تتـوب ودهـا تنقـد وهـي مـا تَحَسْب..احسابـهـا أشهد انها صدفـة(ن) عقبها..قامت..احـروب ياعذابي..ويـن جتنـي؟ وربــي ..جابـهـا عزتـي للعين..ياوشْ..عليـهـا مـن.ذْنـوب كسّـرالـدمـع المهلهل..اصْفوف..أهـدابـهـا لاتثـيـر الـجـرح..بالله يالقلب..الشـغـوب وكـل نفس(ن)...راتعه..فـي ربيع..اعجابهـا صرت أنا وجْرووح..قلبي مثل سيـل الجـذوب يوم..جاهم..مادروا..بهْ..وشـلّ..اطـنـابـهـا مطلوب لشاعر ياسر التويجري _^ |
رد: اكتب اسم شاعر واللي بعدك يكتب قصيده لهذاا لشاعر.
حـمـتــك يالله تــرحــم ضـعـفـنــا
يوم غـم الجـو واخفيـت الجـدي يــوم هـمـي فـــوق مـتـنـي مـتّـنـا والسلام عصـوف ريـحٍ ترعـدي والضـروف أكبـر مـن اللـي ودنــا والفراق الحـل .. والحـل الـردي لاحـيـاة .. ولامـمــات .. ولاهـنــا فـي حنايـا الضيـم ألقـى مقعـدي إن سهـرت الليـل مــس ومسكـنـا وإن غفيت افلام رعـبٍ تحشـدي صـايـرٍ مابـيـن مـظـلـومٍ .. وأنـــا أختلفـت وودي أعـرف مولـدي؟ والـكــرم لـلـيـأس كــــأسٍ مــدنــا نشـربـه لـوهـو عليـنـا يجـهـدي وش نــســوي دام هــــذا حـظـنــا والـحـواجـز مـاتـعـدى بـالـعـدي مـيـر صـبــرك يالحبـيـبـه بالـعـنـا أصبـري يـاروح روحـي وبعـدي لايـهــمــك دن دنـــــات ودنــدنـــا وبلبة حساد .. وأغضي وأرقدي دام أنـــا وأنـتــي تــلاقــى جــدنــا نلتـقـي لـوهـب ريـــح جـلـمـدي ... قصيدة. ،،، لشاعر ،، محمد. مريبد. |
رد: اكتب اسم شاعر واللي بعدك يكتب قصيده لهذاا لشاعر.
محمد مريبد العمر فرصة العمر فرصة والحيـاة ايـام والدنيـا iiظـروف والمشتبه بالأمر ما بين الحـرام مـن iiالحـلال الشعر ديوان العرب وأنـا بشعـري iiفيلسـوف اترك اهزال الشعر وانقا مـن معانيـه iiالجـلال البارحه صدر الجنوب يضيق واشوف iiالحسوف وين انت يا صدر الشمال احتجت للفزعه تعـال وردت مجاهيم الليال احيام ورياحـي iiشعـوف من يوم وقفني بدرب العشـق يسألنـي iiسـؤال واقوله بيني وبينه يـا عسـا الحـب iiمخلـوف ان مارجع ربحه علـي والله لا أرده راس مـال كم لي وانا تكويني الدنيا علـى روس الكتـوف واشيل ما لا اطيق من شانك واحملهـا iiالجبـال ومديت لك ريحانة الاشواق في بيض iiالكفـوف قبل يجف العطـر والاشـواق تدفنهـا iiالرمـال وقفتني في الشارع الضيّق وممنـوع iiالوقـوف مسار واحـد والمصيبـه لا يميـن ولا iiشمـال تقول طوّفها معـي واقـول عيـت لا iiتطـوف اجيبهـا منـا تجـي منـا و لا فيهـا iiمجـال والحب ما ينفع معه فزعـه ولا واو iiمعطـوف والحب لو زالت جبال الارض ذكـره لا iiيـزال يرقا على رجم الغرام ويصدمه نبض iiالحـروف اشوي من نسج الغلا واشوي من نسـج iiالخيـال وش عاد لو غنيت طاروقك وصفيت iiالصفـوف صفٍ يبا ياقف معي وصفٍ اليا من رحت iiشال والله لتبطي ما وصلت ادنى مواصيل iiالهنـوف الجادل اللي دمعهـا لارحـت والاجيـت iiسـال الجادل اللي طيفهـا عنـدي ولا كـل الطيـوف ا م الحـلا ام الـغـلا ام الـدلـع ام الــدلال اللي هداياهـا ملـت كـل الزوايـا iiوالرفـوف ويطلع ابطلتها بـدر ويغيـب لاغابـت iiهـلال وانـا اقدرهـا مثـل تقديـر حاتـم للضيـوف واطرب على فيّة غلاها كل مـا مـال iiالظـلال اعيشها عيشة عمر مابين امـن وبيـن iiخـوف ازرع لها شعري وهي تسقيه من غيث iiالوصال حتى خذتني عشق وانا اخذتهـا رغـم iiالانـوف واسكنتها روحٍ عن اهروج البشر منفى iiاعتقـال والا انت قربك ما يشجعني وفرقـاك امعـروف اقلط على نزف الشعـر والفـال يقفـاه iiالعقـال حتى لو انت الذ مـن تمـر المدينـه iiوالهفـوف ارحل ترى ايامك خضر لكن ترى اسنينك اهزال وفر ادموعك دام دمعك مر والـدرب محفـوف جعلك فدا من هلـت ادموعـة علشـان iiابتهـال ضيدان بن قضعان |
رد: اكتب اسم شاعر واللي بعدك يكتب قصيده لهذاا لشاعر.
فمان الله ياول من سكن بين الضلوع العوج
عسى دربك سفير وعسى الله مايخلني توكل لاتوادع عسى درب الجفأ المسهوج يصادف درب فرقى عقب هامة تلمحك عيني سمحت من الهوى ومن القصيد ومن زراق الموج رميت اغلا مجاديف الغرام وجيت بإيدني ابغرق في عذابك لارحلت يصبح المنتوج قصيد في حياتي سلوتي وإن مت يرثيني وإذا هبن بنات الريح للذكرى بدون سروج ابسرج مهرةالنسيان وابرحل من عنوايني وابنسى الين اسج وابرسل الونات فوجوفوج وابنسى دمع عيني الي ينتثر وانساك من حيني صبور ايه والله اني ماثنيت العزم قبل ادوج برضاني الجفا ورمال وصلك لين تسقيني شجاع ايه والله اني ماعرفت الذل قبل اسوج قدم رجلي على درب لبيت اهلك يدوديني كريم ايه والله اني ماعرفت الشح قبل تروج دموعي في عيوني ثم اشح بحسرتي فيني احبك حسبي الله ليت مالك في سمائي بروج ولالك في البسيطه كود شئ بينك وبيني دخيلك لاتفلت رح بفالك واترك المرجوج ترى انا مابقى لك الا انا ماعاد يمديني فمان الله سق ركبك على درب السنين العوج لكن طالبك بيت عمي لا تخليه امممممممممممممم للزعيم مساعد الرشيدي _^ |
| الساعة الآن 12:52 PM |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.
جميع ما يكتب في المنتدى لايمثل الاراي كاتبه