الهرش
04-08-2009, 11:57 PM
مساكم الله بالخير العنوان اللي فوق حلم أبليس بالجنه مير الفزعه ياالشعار وياهل الراي أنا قصتي قصه وش الحيله الهرش أنمرض.
القصة تعرفت على رجال شرواكم واغلينا بعض ومره من المرات سمعت أن عندهم ... قلت ماتناسبون الهرش قال لعلها ابرك الساعات والله اني اعين وعاون واللي مثلك ينشرا قلت انا مستعد باللي تبونه قال خلني ارتب الموضوع مع ابوي وأرد لك خبر و بعد يومين اتصل علي و قال تر الاهل موافقين وحياك الله متى تشرفنا قلت اليوم قال خلها بكره بعد صلاة العصر ويوم جاء موعدنا رحت وخطبت البنت قال ابوها أخوها مزكيك وحنا نتشرف قلت العرس العطله هذي قال خيرأن شاء الله أنت شفها الحين إذا حبيت تشوفها (النظره الشرعيه ) والباقي يهون امره أول الأمروالله تلخبطت بعدين قلت بنفسي العطله باقي عليها ثلاث أشهور وش أنت خسران خلني أشوفها وازرع بقلبها الغلا وانا الهرش قلت مافيه مانع وارسل أخوها للبنت المهم دخلت علينا لابسه حجابها وكاشفه وجهها ماشاء الله ماصدقت اللي شفته الله لا يضرها الله لا يضرها المهم طارت عيوني فيها وهي على الباب قبل تدخل أبنزل أرقبتي مالي قدره عجزت ويوم طاحت عينها على صاحت بصوت عالي قالت دخيلك أنا بوجهك يايبه لالالالالا هذا مابيه لالا هذا يكسرني ثم صاحت باعلى ماعندها ورجعت مثل مثل المجنونه بسرعه الصراحه اني انصدمت وبوقتها المهم اثنيت على أبوها وشكرته قال مالله قسم رحت و ذيك الليله ماجاني النوم أنذبحت وحسيت اني انمرضت منها والغلا ماهو عيب العيب اللي ياطا العيب.... رحت لخوها الصباح بالدوام حسب الميانه اللي بينا قلت انا مستعد باللي تبي هي واللي تبون انتم والجسم لا يهمها العشق مايخلي فيه لحمه ترى الذيب بالقليب قال يا الهرش والله انك سويت فينا شي مايسوى ابوي وامي من البارح يلعنوني وكل علم شين قالوه لي البنت كل مانامت فزت من النوم وهي تصيح أنت سببت لها حاله نفسيه بس اقطع علاقتك بالموضوع ولا نبي محاولات مره والصراحه والله مالومها انت ياخي من يتحملك قال لي بالحرف الواحد صدقني البنت يوم دخلت تحسب انك واقف منت جالس شف لك حل بروحك لو الله إن هذا اللي أنا متحصل تدرون وش السبب (النظره الشرعيه) وإلا ماحصل اللي حصل. المهم من هذا ورايح تراني خوي الشباب يالشباب وين معاهد اللياقه ربعي ياهلي تراني مستعد أتمرن واتعلم القرايه والكتابه وادرس انترنت وكمبيوتر وحتى اللي بذنيه سماعات تراني متصاحبين خلاص نبي نخربها وأنا الهرش
================================================== =
وهذه القصيده:
وآعذابي كل ماهب الهواء عصريه= وأنحنى للريح عودٍ لادنات أغصونه
ينحني قلبي على الضلع الحدب حنيه =ويتسلى في خيال العشق لولاء طعونه
آه ياجرحي وأنا اللي صار في وفيه = ما برى بالصدر جرح الخنجر المسنونه
ويش اسوي في قروح الذبحه الصدريه= وينها أطباء الجراحه ليش ما يداوونه
ول لعوّد صباح النظره الشرعيه = أختلف ميزان قلبي وأختلف قانونه
سببت لي خوف لو الخوف ماهو ليه= سوت اللي أطلق الشجعان ما يسوونه
يوم جتني تقصر الخطوه شوي شويه= من خجلها مشيها بشويش ما يوحونه
كاشفه ومحجبه بااللفة البنيه= والعباه منزله مره لحد متونه
خدها براق مزن ٍ ساقته وسميه = من تحت مردوم ليل قرونها المقرونه
كن لون الشهب فوق الشفه الجمريه= والبرد كن يتكسر في بياض سنونه
أذكر إني منغمس بحلامي الورديه = و أتخيل يتبعون( الهرش) ويزفونه
كني أسمع صوت رقص الدبك والغنيّه = ومرة ٍ مثل الحمامه وانتي الزيتونه
لين صحتيٍ واستقر الصوت وسط أذنيه = عقب خفتي من كتوف الهرش مدري عيونه
يضطرب مثل مريض الحاله النفسيه = قلبك اللي يوم جننته وأنا مجنونه
أشهد إنك من بعارين العرب منقيه= بكرة ٍ ما جابها الشراي في مليونه
وآعذاب الهرش من حبك لعادت جيه= مادريت أنك بهذا السن يا صغيرونه
لا تعذب نفس ماماتت ولاهي حيه = جتك في لهفه و شوق وروحت مفتونه
ليش تتركني لحالي بين شمس وفيه= ما تخاف الله تسوي هيك يا دلعونه
والله إني باللياقه ناوي ٍ لي نيه= أقمحي يالحية ٍ غبراء ماهي مدهونه
مستعد أمتر أخطوط البلد رجليه= وأشترك في أالنادي اللي فيه نوع خشونه
لو برنامج تمارينه على الفجريه= جيته أركض لو من الضغط آتمدد دونه
حتى أخلي الوزن ينزل لين ياصل ميه= يمكن يغوض كروش الهرش وإلا بطونه
ومستعد ادرس ثقافة فيتاغورس وزيه= مثل ( أرسطو كليس) و سقراط و فلاطونه
المهم أرضيك لو منك جروحي نيه= وفي أمان الله وحفظه يا حلاوة كونه
وكثر مانحاحت على الغصن الخضر قمريه= لك سلام عد مازج الحمام لحونه
شعر المغرم : الهرش
القصة تعرفت على رجال شرواكم واغلينا بعض ومره من المرات سمعت أن عندهم ... قلت ماتناسبون الهرش قال لعلها ابرك الساعات والله اني اعين وعاون واللي مثلك ينشرا قلت انا مستعد باللي تبونه قال خلني ارتب الموضوع مع ابوي وأرد لك خبر و بعد يومين اتصل علي و قال تر الاهل موافقين وحياك الله متى تشرفنا قلت اليوم قال خلها بكره بعد صلاة العصر ويوم جاء موعدنا رحت وخطبت البنت قال ابوها أخوها مزكيك وحنا نتشرف قلت العرس العطله هذي قال خيرأن شاء الله أنت شفها الحين إذا حبيت تشوفها (النظره الشرعيه ) والباقي يهون امره أول الأمروالله تلخبطت بعدين قلت بنفسي العطله باقي عليها ثلاث أشهور وش أنت خسران خلني أشوفها وازرع بقلبها الغلا وانا الهرش قلت مافيه مانع وارسل أخوها للبنت المهم دخلت علينا لابسه حجابها وكاشفه وجهها ماشاء الله ماصدقت اللي شفته الله لا يضرها الله لا يضرها المهم طارت عيوني فيها وهي على الباب قبل تدخل أبنزل أرقبتي مالي قدره عجزت ويوم طاحت عينها على صاحت بصوت عالي قالت دخيلك أنا بوجهك يايبه لالالالالا هذا مابيه لالا هذا يكسرني ثم صاحت باعلى ماعندها ورجعت مثل مثل المجنونه بسرعه الصراحه اني انصدمت وبوقتها المهم اثنيت على أبوها وشكرته قال مالله قسم رحت و ذيك الليله ماجاني النوم أنذبحت وحسيت اني انمرضت منها والغلا ماهو عيب العيب اللي ياطا العيب.... رحت لخوها الصباح بالدوام حسب الميانه اللي بينا قلت انا مستعد باللي تبي هي واللي تبون انتم والجسم لا يهمها العشق مايخلي فيه لحمه ترى الذيب بالقليب قال يا الهرش والله انك سويت فينا شي مايسوى ابوي وامي من البارح يلعنوني وكل علم شين قالوه لي البنت كل مانامت فزت من النوم وهي تصيح أنت سببت لها حاله نفسيه بس اقطع علاقتك بالموضوع ولا نبي محاولات مره والصراحه والله مالومها انت ياخي من يتحملك قال لي بالحرف الواحد صدقني البنت يوم دخلت تحسب انك واقف منت جالس شف لك حل بروحك لو الله إن هذا اللي أنا متحصل تدرون وش السبب (النظره الشرعيه) وإلا ماحصل اللي حصل. المهم من هذا ورايح تراني خوي الشباب يالشباب وين معاهد اللياقه ربعي ياهلي تراني مستعد أتمرن واتعلم القرايه والكتابه وادرس انترنت وكمبيوتر وحتى اللي بذنيه سماعات تراني متصاحبين خلاص نبي نخربها وأنا الهرش
================================================== =
وهذه القصيده:
وآعذابي كل ماهب الهواء عصريه= وأنحنى للريح عودٍ لادنات أغصونه
ينحني قلبي على الضلع الحدب حنيه =ويتسلى في خيال العشق لولاء طعونه
آه ياجرحي وأنا اللي صار في وفيه = ما برى بالصدر جرح الخنجر المسنونه
ويش اسوي في قروح الذبحه الصدريه= وينها أطباء الجراحه ليش ما يداوونه
ول لعوّد صباح النظره الشرعيه = أختلف ميزان قلبي وأختلف قانونه
سببت لي خوف لو الخوف ماهو ليه= سوت اللي أطلق الشجعان ما يسوونه
يوم جتني تقصر الخطوه شوي شويه= من خجلها مشيها بشويش ما يوحونه
كاشفه ومحجبه بااللفة البنيه= والعباه منزله مره لحد متونه
خدها براق مزن ٍ ساقته وسميه = من تحت مردوم ليل قرونها المقرونه
كن لون الشهب فوق الشفه الجمريه= والبرد كن يتكسر في بياض سنونه
أذكر إني منغمس بحلامي الورديه = و أتخيل يتبعون( الهرش) ويزفونه
كني أسمع صوت رقص الدبك والغنيّه = ومرة ٍ مثل الحمامه وانتي الزيتونه
لين صحتيٍ واستقر الصوت وسط أذنيه = عقب خفتي من كتوف الهرش مدري عيونه
يضطرب مثل مريض الحاله النفسيه = قلبك اللي يوم جننته وأنا مجنونه
أشهد إنك من بعارين العرب منقيه= بكرة ٍ ما جابها الشراي في مليونه
وآعذاب الهرش من حبك لعادت جيه= مادريت أنك بهذا السن يا صغيرونه
لا تعذب نفس ماماتت ولاهي حيه = جتك في لهفه و شوق وروحت مفتونه
ليش تتركني لحالي بين شمس وفيه= ما تخاف الله تسوي هيك يا دلعونه
والله إني باللياقه ناوي ٍ لي نيه= أقمحي يالحية ٍ غبراء ماهي مدهونه
مستعد أمتر أخطوط البلد رجليه= وأشترك في أالنادي اللي فيه نوع خشونه
لو برنامج تمارينه على الفجريه= جيته أركض لو من الضغط آتمدد دونه
حتى أخلي الوزن ينزل لين ياصل ميه= يمكن يغوض كروش الهرش وإلا بطونه
ومستعد ادرس ثقافة فيتاغورس وزيه= مثل ( أرسطو كليس) و سقراط و فلاطونه
المهم أرضيك لو منك جروحي نيه= وفي أمان الله وحفظه يا حلاوة كونه
وكثر مانحاحت على الغصن الخضر قمريه= لك سلام عد مازج الحمام لحونه
شعر المغرم : الهرش