( قـلـبـاً و قـالـب )

[بدر بن صقر العجالين]

بسم الله الرحمن الرحيم

السلام عليكم ورحمة الله وبركاته

يسعدني ويشرفني وكما عودتكم ان اقدم لكم هذه القصيده الغزليه

من جديدي وهي بعنوان ( قـلـبـاً و قـالـب ) ..

وأتمنى أن تحوز على رضاكم وتنال اعجابكم ...


لو غبت عني والظروف أبعدتنا=أنا معك يازين قلباً وقالب
وإن طال بعدك أعترف ماسكتنا=دايم على ماقيل فيكم نطالب
دام المحبه والغرام اجمعتنا=صرنا أنا وياك موجب وسالب
نجذب بعض مير الحيا فرقتنا=والحظ الأقشر كل الأوقات غالب
وان قلت لي عادك على سالفتنا=الكل يعرفني كثير المقالب
لولا التفاؤل يابن الأجواد متنا=وإن كانت الدنيا علينا تكالب
وجهك ياوجه الخير دونه ثبتنا=لأنك ترا يازين للخير جالب
وفقه من الله ثم حبك كستنا=نجحت أنا من بعد ماكنت طالب
ولا الليالي قبلكم ناشبتنا=كني فريسه والليالي مخالب
من يوم حبك شفتها هملتنا=ماعاد ترجع لي ولا بي تطالب
وأبياتنا من حبكم طاوعتنا=لعيونكم قفت على قاف آلب
لو هيروشيما* عن غرامك حدتنا=ببقى معك يازين (قلباً وقالب)

وسلامة الجميع..

*هيروشيما : هي قنبلة ذريه نوويه تحتوي اليورانيوم تزن أكثر من 4.5 طن وأخذت اسما هو "ليتيل بوي" على مدينة هيروشيما في اليابان في السادس من أغسطس سنة 1945.
.( الله يكافيكم شرها :) )..

وتقبلوا تحياتي،،

محبكم
( بدر بن صقر العجالين )

[ابوباسم الذيابي]

صح السانك وعتلاء شانك قصيده رائعه وجميله

تحياتي وتقديري لك

[مهره]

قصيده رائعه...

بـــــــــــــــدر..

http://www.almlf.com/get-12-2008-t8y0m5w2.gif (http://www.almlf.com/)

ربي يعطيك العافيهـ ..

وعسـآك ع آلقوهـ..


تحيـآتي..

[عويض الذيابي]

صح لسانك واعتلاء شانك قصيدة رائعه

من راس شاعر جزل بيض الله وجهك علي

النزف الشعري الرائع 00 سجل اعجابي

ولا تحرمنا من جديدك 00 تحياتي وتقديري لك

[مفلح الخضيري]

صح السانك ابيات جميله تستحق القراه والمتابعه تقبل مروري

تحياتي لك وتقديري

[نَآدِر وُجُودِيْ]

\\

\\

صح لسآنك
وصح احسآسك اخوي
ابيات روعه
//

//
تحيتي

[حب عادي]

صح لسااانك يالدوسري قصيده رائعه كروعة حظوووورك