الشاعر .. تركي العليّط _ قصيدة .. قال الذي ،

[حبيب المساري]

( قال الذي )

قال الذي قوله ولا قيل قبله
ولابعد قد قيل بعده من أقوال
الآدمي عثرات وقته تذله
والله يعين الحال في كل الأحوال
ترى الرجل لاصار مادن حجله
ماهوب لازم ياتي لعداه رجال
وترى الحيا من وجهك انراح عله
تصير متوهق مع الهم غربال
وسوق المرابح سوق واسع ودله
تجارة الرحمن جلابة المال
ارفع اعلومك لايجي الهرج زله
تصير مابين المخاليق مدهال
بعض المكارم تستر العيب والله
لو مدت أيدينك جزيلات وطوال
واحفظ لسانك حفظ بنً بدله
لجل تقهواها حظارات وجيال
واسرارك ادفنها بدقه وجله
الى القريب ان عزة الحال محتال
ولا تحسف على العطايا المهله
الطيب يبقى طيب لو خسر الحال
قال الذي قوله ولا قيل قبله
ولا بعد قد قيل بعده من أقوال
الشاعر
تركي العليّط
.
لسماع القصيدة.
اضغط الرابط ،
https://youtube.com/shorts/4s1iynFJa9M?feature=share

[مفلح الخضيري]

صح الله السانك وسلم بوحك