ودق أنفاس
05-11-2008, 10:15 AM
قصيدة ملتها الادراج فقررت ان ابعثر كلماتها هنا
.
.
الليل طول والجفن عايف النوم=والفكر شارد والسهر صار عاده
والنفس منهاره والاحساس مكلوم=وجمر الهوى بالقلب صاير رماده
والبسمة انتحرت بوجدان مسموم=واحلام وردية تبدل نكاده
واشواق مندثرة ووفا شبه معدوم=وخوف (ن) يهز الليل والصمت ساده
وجرح (ن) بقلبي مانسيته ولا يوم=بأسباب غالي ماقوينا بعاده
راح وترك لي جرح واحزان وهموم=اعيش انا معها بليا إراده
ابدع بجرحي وان شكيته بدى اللوم=ولو كان له قدرة جرحني زياده
حد الخفوق يبوح في سر مكتوم=سر(ن) يدين الصمت لحظة عناده
صار الرفيق اللي على دربي يهوم=وصرت العليل اللي نفته العياده
صرت الشجاع اللي من الذل مهزوم=همي رسى بالقلب واحكم شداده
واصبحت في دنيا المتاهات مظلوم=وسنين عمري فارقتها السعاده
رفيق دربي صار لي جرح مرسوم=جرح(ن) عطيب(ن) والخيانه مداده
اشعار/
المغرم اليائس
محمد بن حميد الذيابي
.
.
الليل طول والجفن عايف النوم=والفكر شارد والسهر صار عاده
والنفس منهاره والاحساس مكلوم=وجمر الهوى بالقلب صاير رماده
والبسمة انتحرت بوجدان مسموم=واحلام وردية تبدل نكاده
واشواق مندثرة ووفا شبه معدوم=وخوف (ن) يهز الليل والصمت ساده
وجرح (ن) بقلبي مانسيته ولا يوم=بأسباب غالي ماقوينا بعاده
راح وترك لي جرح واحزان وهموم=اعيش انا معها بليا إراده
ابدع بجرحي وان شكيته بدى اللوم=ولو كان له قدرة جرحني زياده
حد الخفوق يبوح في سر مكتوم=سر(ن) يدين الصمت لحظة عناده
صار الرفيق اللي على دربي يهوم=وصرت العليل اللي نفته العياده
صرت الشجاع اللي من الذل مهزوم=همي رسى بالقلب واحكم شداده
واصبحت في دنيا المتاهات مظلوم=وسنين عمري فارقتها السعاده
رفيق دربي صار لي جرح مرسوم=جرح(ن) عطيب(ن) والخيانه مداده
اشعار/
المغرم اليائس
محمد بن حميد الذيابي