ريع الندم

[صلاح مطلق]

بسم الله الرحمن الرحيم

شوف عيني في سحابه من المنشا نشت !!! ماتلوح ابروقها والرعد مامن رعد

كل وديانن على دربها سرعه مشت !!! وبلها حقاق ومصاحبه جملة برد

توها ياراعي العرف لديارك غشت !!! من عرفها صاح واللي جهل فيها رقد

يوم تجار النمايم بسلعتها وشت !!! من تسمع للوشايه غشى عينه رمد

اهل الحيلات لصدور خلق الله حشت !!! حشوة ٍ ماعمر اسنين في لحظه تهد

الله اكبر كيف لقصى المعاليق انبشت !!! وانته استاذ المعرفه وتزرع وتحصد

السيوف اللي عليها العناكب عشعشت !!! طيع شوري طيعني ردها وسط الغمد

دام وقت مبارز الخصم حتى مخدشت !!! وش تفيدك بالرخاء لولها تسعين حد

الليالي فوق صم الصخر تو انقشت !!! سيرة اللي جوف ريع الندم بدري قعد

خايل امزونن بعيده من المنشا نشت !!! لا تعود مثل من بصبعه عينه يسد


الشاعر/ صلاح مطلق بن بدوي

[مفلح الخضيري]

صح السانك يابو مطلق ابيات رااائعه

تحياتي لك

[ابن حوقان]

صح لسانك واعتلا شانك ياأبا مطلق

[بنت ابوها]

صح لساانك
ابياات جميله
الله يعطيك العاافيه

[جنتل مان]

صح لسانك

تحياتى

[مهدي الخضيري]

صح لسانك على هذه الدرر النابعه من شاعر فريد ومتميز بأختيار المفردات


ولكن يشدني ذلك لإنتظار الجديد لشاعرنا القدير

تقبل تحياتي وتقديري