يقولون القصيد شعور والشاعر بـدون شعـور ...}

[رشيديه وافتخر]

مساء المحپه ♡*
محمـد السهـلي
وقصيده لامستني كثيراً ..


.

.

.


تدور الارض وتدور السوالـف والسنيـن تـدور/
وانا لو أعرف اللي راح ماني عارف الباقـي ..

يقولون القصيد شعور والشاعر بـدون شعـور/
واقـول الله يعاقبنـي اذا ماهـو مـن اعماقـي ..

انا لو اكذب بشعري وقف نبض ويبـس حنجـور/
وقادر اخسـر الدنيـا عاجـز اخسـر اخلاقـي ..

ولــ اجل عنق المها والصوت الادفى والعيون الحور/
وقف عمري ولا ادري ويش انا من وقفته لاقـي ..

قسـم بالله ماقبلـك غيـاب ولا بعـدك حظـور/
لكـن ودي بفرقـاك لـو مــاودك فـراقـي ..

تعاتبنا بما فيـه الكفايـه مـن ثمـان شهـور/
وسالت دمعتين وطاح قلـب وماتـت اشواقـي ..

تعدتـك المشاريـه وجفـاك اللـوم والمستـور/
اذا ما يكشفه صوتـي كشفـه الحبـر باوراقـي ..

تعبت اضحك على نفسي وابرر لك واعيش الدور/
وتعبت اجامل ظروفك واصـدق كذبـك الراقـي ..

انا يكفي اغيب وخافقـي ماجـاك منـه قصـور/
ويكفيـك اتذكـر كـل ليلـة لهفـة اعنـاقـي ..

تذكر يـوم اخليـك اتباههـا كبريـاء وغـرور/
يوم اني اتحـدى بـك واخيـب هقـوة الهاقـي ..

وتذكر يوم اعذرك وانـت لاصـادق ولا معـذور/
ادور لـك عـذر واصدقـه واكـذب احـداقـي ..

وتذكر يوم جيت من الحزن متضايـق ومكسـور/
فرشت لك الضلوع وقلت لـك ياسيـد عشاقـي ..

خذ ضلوعي وابن فيها يسار الصدر بيت وسـور /
ترى مافيه قبلك من سكـن صـدري وخفاقـي ..

وبعد هذا رحلـت ولا بقـى الا بيتـك المهجـور /
ولا ياكبرها لامن رحلت ومنزلـك باقـي*

... ~

http://www.lakii.com/vb/smile/1_105.gif...}

[النجمه]

رشوووووو رائعة بلا حدود
اجمل الورود لك*

[ابونافع العايضي]

ختيار ووذووق رائع تحيا تى لك

[بنت ابوها]

اختيار بمنتهى الجمال
يسلمووو رشو

[مجرد ألم]

تعاتبنا بما فيـه الكفايـه مـن ثمـان شهـور/
وسالت دمعتين وطاح قلـب وماتـت اشواقـي ..

تعدتـك المشاريـه وجفـاك اللـوم والمستـور/
اذا ما يكشفه صوتـي كشفـه الحبـر باوراقـي ..

أبيات تكفي فـ ليس هناك رداً يعانق جمالها

جميل من مبدعه

[مفلح الخضيري]

رااائعه يارشرش

[مواطن عادي]

جميل ما اخترت صح الله لسان شاعرها

[رشيديه وافتخر]

النجمه/ابو نافع ..،
كل الشكروالتقديرلكماع المتابعه...

[رشيديه وافتخر]

الذين يشاهدون محتوى الموضوع الآن : 24 ( الأعضاء 1 والزوار 23)
‏
منورين الزوار بتواجدكم ....

[رشيديه وافتخر]

بنت ابووها / مجردالم ..
كل الشكروالتقديرلكماع المتابعه...