رجم الوفاء

[علي بن عياد القلادي]

بسم الله الرحمن الرحيم
اسعد الله اوقاتكم بكل خير -كل شاعر يتاثر باحد عملاقة الشعر سوا من قبيلته او من خارج القبيله وباالنسبه لي فقد تاثرة بالشاعر الكبير عيد بن عوض بن مربح الرشيدي وتعلمت من هذه المدرسه العبسيه التاريخيه الكثير فااهديته هذه الابيات ونالت اعجابه وهذا انا اهديها لكم واتمنى ان تنال اعجابكم@
بديت رجم ن ماكر الطير عاليه
ماكر وحوش الجو حزة عشاها
تجذبني الخطوه وعيني تراعيه
عيني على راس الطويل ونباها
رجم ن تعلئ متعب ن رجل راقيه
شرفت به والنفس فيها بلاها
هنا وقفة وخاطري فيه مافيه
لعل نفسي ماتبين خفاها
من لايشره لايجيب المشاريه
لايخدع النفس الدنيه رداها
ومن لايودك لاتبين خوافيه
بعض النفوس علاجها في جفاها
ومن عاشرك بالطيب طيبه يبديه
وخلك على هقواته الي هقاها
النفس طير ن غايته في مشاهيه
ونفسي على الوقفات دايم تباها
من مدرسة عيدابن مربح وناديه
حصلت لنفس العليله دواها
حكمه وعزة نفس تندى مباديه
موج ن صفق فوق الجبال وطماها
يشدى لسور الصين عند امتذريه
حصن ن حصين لعبس يردع اعداها
عامين وانا فاالجالس مواليه
قريحتي مما يردد بناها
شاعر وشيخ وماقفه مايخليه
لامن وقف يروي الكبود وضماها
شاعر قبيلة عبس تشكر مساعيه
ابيات شعره كيف نلحق مداها
الله يمده بالعوافي ويحييه
رجل ن وقف لطايلات وشراها
وانا ليا من عاود القلب طاريه
اخذت من وقتي لنفسي امناها
وشرفت بالرجم المسمى وواديه
ومن هيض ولاا غيض تسمع صداها


"وسلامتكم"

[ابن حوقان]

صح لسانك واعتلا شانك يا ابن عياد على هذه الأبيات

[عادل المقبل]

صح لسان الشاعر مشكور على النقل

[النجمه]

صح لسانك واعتلا شانك
استمتعت بقراءه هذه القصيده المميزه واعجبني هذا البيت
ومن لايودك لاتبين خوافيه
بعض النفوس علاجها في جفاها
تقديري لك وللشاعرالكبير عيد بن عوض بن مربح*

[عبدالمجيد الهرسان]

صح لسانك ياابو عياد على القصيده الجزله والرائعه
ويستاهل ابن مربح هذا الاطراء
تحياتي لك

[نسمه فجر]

ماشاااااءالله روووعه ياعلي القلادي
صح لسانك
يستااااااااهل عيد بن مربح
صراااااحه القصيده ماااشاءالله كلها اعجبتني
ننتظرررررر جديدك

[علي بن عياد القلادي]

اشكر كل من عطر متصفحي بمروره والابداع هو الوصول الى ذاءقتكم يعطيكم العافيه جميعا

[رمسيس]

صح لسانك شاعريه فذة