( غيمة الميعاد )

[فوازمريزيق]

أسعد الله صباحكم جميعا , أعود لكم ب ( غيمة الميعاد )


ياغيمة الميعاد هلّي وامطري=كم لي ونا كلي يسولف في مطرك ؟
ليلي وما خطّ قلمي في دفتري=واكثر ونا اكثر واحد فيهم ذكرك
بستاني المهجور يابس بزهري=يكفي غياب اليوم ماني بعذرك
أهلا هلا ياجمل مقادير قدري=ياما ظميتك شوق واعياني سفرك
صمتي على موعد لقانا وافطري=الشمس ماغابت تجلّت من نحرك
هيلي,,, وميلي ,,, واستميلي ,,, وانشري=ريح عبق بالريح من طيحة شعرك
وقفي على جدب الحنايا ونثري=غيث الوصال وتثمر اغصاني بثرك
ليله معك ,,, بالعمر كلّه تنشري=الله على مسامرك ومنادم حورك
لو انتي حكاية غموض وتنقري=قريتها والناس ماجابت خبرك
ولو ليلتك ليل ( اليل ) ماينسري=سريتها بالخطوه اللي تختصرك
ولو تزهميني في مدار المشتري=لبيت لك بغضون لمحه من بصرك
كلك سلام وخير يالوجه البري=الا عيونك ( موج ) يغرق في بحرك
مثل البحر كلك غنايم يابحري=عابرك مايتعبك , يتعب من عبرك
مثل القمر لكنك اكمل ياقمري=لأن القمر يأفل ولا يأفل قمرك
كل الجمال الأحمري والأسمري=مرّك واخذ منك شوي ولا شكرك
وش قلت ياسماعيل بعد البحتري ؟ =جبرني اللي عند باب أسماء جبرك
ان كنت واقف ظرف ساعه تحتري=انا إلى هالحين واقف من خبرك !!!




http://www.youtube.com/watch?v=HmRGeso8pHw

[ابن حوقان]

ماشاء الله أبيات في غاية العذوبة يا أبا أيوب تلألأت على جبين الشعر ،

فسلم بوحك على سبكها وحبكها بهذه الروعة .

[النجمه]

مثـل البحـر كلـك غنـايـم يابـحـري
عابرك مايتعبـك , يتعـب مـن عبـرك
مثـل القمـر لكنـك اكـمـل ياقـمـري
لأن القمـر يـأفـل ولا يـأفـل قـمـرك
صح لسانك ولا هنت ع الابيات العذبه
تقديري واحترامي لك*

[نايف الرشيدي]

ابيااات رائعه مشكور ولله يعطيك العافيه

تحيااااااتي لك

[ساهراليل]

أهـــــــلا هـــــــلا يــاجـــمـــل مــقـــاديـــر قــــــــدري
يــامـــا ظـمـيـتــك شـــــوق واعـيــانــي ســفـــرك
صــمــتــي عـــلـــى مـــوعـــد لــقــانــا وافـــطــــري
الـشــمــس مـاغــابــت تـجــلّــت مـــــن نــحـــرك

صح لسانك ابو ايوب شاعر غني عن التعريف

لك كل التقدير والاحترام
تحيات ساهر

[عبدالمجيد الهرسان]

هيلي,,, وميلي ,,, واستميلي ,,, وانشري
ريـــح عـبــق بـالـريـح مــــن طـيـحــة شــعــرك
وقـــفـــي عـــلـــى جــــــدب الـحــنــايــا ونـــثــــري
غـيــث الــوصــال وتـثـمــر اغـصـانــي بــثــرك



صح لسانك ياابا ايوب على هذه القصيده الاكثر من رائعه .
وابيات تستحق التثبيت

[مهدي الخضيري]

بيض الله وجهك على المؤشحه الرائعه والمميزه

وهذا ما أعتدناه منك بارك الله فيك

تحياتي لك

[مفلح الخضيري]

ابو ايوب اقف احتراماً لهذا النزف الشعري ليس غريب عليك ولكن يستجد العطاء والابداع
بكل ماتصنع من مواهب شعرية لايجيدها سواء مهندسي الحروف سجل اعجابي
ومتابع لك ولكل جديدك تحياتي لك

[عادل المقبل]

ابيات جميلة الله يعطيك العا فية

[ابن جعيمير]

نزف شعري رائع صح الله لسانكـ

[عويض الذيابي]

صح لسانك ابو ايوب واعتلاء شانك قصيده جزله من راس شاعر جزل
لك مني كل التقدير والاحترام ولي قصائدك الرائعـــــــــه

[فهد الفالح]

ما أروعك ... نعم غيمة ماطرة وريحها لاقحـــة ونسائمها ســـاحرة ...

دمت متألقاً في سماء التجديد كعادتك ..


شكــــــــــــــراً من القلـــــــــــب ..

[ابوباسم الذيابي]

صح لسانك وعتلا شانك ولا هنت على الابيات الرائعه وجميله
تقديري وتقديري لك

[السنافي]

قصيدة تستحق الاستماع للأمانة صح السانك يافواز مزيداً من الأبداع

[ابو لمارا]

ياغيمـة الميـعـاد هـلّـي وامـطـري
كم لي ونا كلـي يسولـف فـي مطـرك ؟
ليلـي ومـا خـطّ قلمـي فـي دفـتـري
واكثر ونـا اكثـر واحـد فيهـم ذكـرك

يعطيك العافيه ع هالابيات الرائعه والجزله

[مشوح القعبوبي]

الله يجيب الخيرويكثرالامطار
صح لسانك رائع واكثرمن ائع

[عبسيه وافتخر]

مشكوووووور والله يعطيك الف عافيه