تسجيل الدخول

مشاهدة النسخة كاملة : الـلـجـه

حمد سليمان
03-23-2008, 05:06 AM
السلام عليكم ورحمت الله وبركاته

لـجــه...

ان جيت في لجه واذا رحت لـجـه

همي عليها داخل القلب لجـلـج

تسري معي من بعد ركده لـعــجـه

واعجهـا وتـعجني وانـتـعـجـعـج

في حبهـا مـاخـذت راحـه وسـجـه

همـن يزح شـوي وهـمـن تـولـج

سبـب غـلاهـا داخـل القـلـب رجـه

لـطـريـتـهـا كـني مـريـضـن مـبـنـج

وفكري معاها دايم الـدوم وجـه

وقـلـبـي عليهـا فـي فـريـزر مـثـلــج

اشتاق في شوفه وهمسه وهرجه

وودي مـعـاهـا بـالـغـرام انـتـهـــرج

لاكن حالي مـن عـنـى الـوقـت دجـه

دربن مـشــيـتـه صـح لاكـن تــعــوج

امشي على فالي والاوضاع حرجه

واشـوف حـالـي بـكـل يـوم ايـتـدرج

وانا ادري الاقدام مـاهـي بـعـرجـه

لاكــن دربـي فـي مـيــول وتـعــرج

الحـب سـبـب لـلـمـخـالـيـق ضـجـه

وانا غرامي من عـيـونـه تـنـضـج

انـا عـلى لـجـه واهـي مـسـتـلـجـه

وكلن على الثاني بشوقه تلجـلـج

وانهيتـهـا فـي قـاف اج اج واجـه

وكلـن بشـعـره فـي حـبـيـبـه تـولـج


الشاعر : احمد سليمان الرشيدي
2008
مفلح الخضيري
03-23-2008, 12:09 PM
صح لساك ابداع رائع الله يعطيك العافيه


تحياتي لك وتقديري
عبدالله المظهور
03-23-2008, 01:38 PM
صح لساااااااااااااااااااااانك

قافيه موسيقيه جميله ومفردات اجمل .

تقبل تحياتي .
عبدالمجيد الرشيدي
03-23-2008, 08:42 PM
حمد سليمان صح لسانك مليون ولايكفي

لاهنت على نزف هذه الرائعه

يعطيك العافيه

لك احترامي
ابو جاسم
03-23-2008, 09:00 PM
صح لسانك مبدع اخي سليمان ودمت بحفض الله
عالجوني
03-25-2008, 05:23 AM
في حبهـا مـاخـذت راحـه وسـجـه

همـن يزح شـوي وهـمـن تـولـج

سبـب غـلاهـا داخـل القـلـب رجـه

لـطـريـتـهـا كـني مـريـضـن مـبـنـج


مفردات رائعه وبصراحه مشاء الله .. سلايل شعار ...الله يوفقكم

ولاتحرمناا من نشر قصايدك انت واخوانك

ننتظر جديد بوحك....

تحياااااتي
عويض الذيابي
03-25-2008, 07:30 PM
صح لساك ابداع رائع الله يعطيك العافيه

جزله من راس شاعر جزل 0 سجل اعجابي

تحياتي وتقديري لك
منصورعيد
05-08-2008, 03:35 AM
صح لسانك على القصيده الرائعه