الذيب
01-15-2012, 06:38 PM
هذة القصيدة موجهها الشاعر خالد الى الأصدقاء ( حمود ومفرح وعامر )
عند رحلتهم الى الصين للعلاج ويعودون علينا سالمين
يامسافرين والسفر ديرة الصين
ماهو طلب دنيا ولاهي سياحه
مطلب أعلاج ِ عند ناسِ ِ بعيدين
والبعد ما رد اولد عن مراحه
طرد السبب مطلوب وأنتم فهيمين
وأنتم سفركم بالامور المباحه
يوم أستويتم فوق بيضا جناحين
طيارة ِ تطوي بعيد المساحه
شلعبها السايق والمراويح ثنتين
تفوت شوف البصر بالمتاحه
حفظكم اللي نقط الشوف بالعين
مغشي ظلام الليل فالق صباحه
اوداعة الله يالرجال العزيزين
أعزاز النفوس أهل الصخا والسماحه
حمود ومفرح وعامر المسمًين
أهل العلوم الطيبه والنصاحه
نعم الرجال الطيبين الوفيين
أقول كلمة حق صدق وصرآحه
الله يبدل همكم بالهون الحين
ويكتب لكم خير العلاج ونجاحه
زرع الكلا ماهي زراعة بساتين
ولاهي مثل غرس النخل والفلاحه
عند الأطَبا غرسها والله أيعين
اليا تقرر من طبيب الجراحه
واللي تبرع لو تساق الملايين
عطوه مع زود الهديه أفراحه
نعمة مادام الحل يلقا باليدين
ندفع بطبيب أنفوس ماهي الحاحه
يالطيبين اللي على الطيب ضارين
ميزانكم بالطيب ياخذ رجاحه
عدتم علينا سالمين امتعافين
وطير الفرح معكم يرفرف جناحه
تنسون غربتكم وماصار من شين
وعقب التعب شفتم مسرَه وراحه
هذي هي الدنيا تقلب أم وجهين
اتلا تواليها تعود قباحه
ماتستقر أبحال وأنتم فهيمين
والصبر عز لمن يتسلح أسلاحه
الصبر فيه أفراج بالعسر والين
تلقون بالصبر الجميل أستراحه
وحنا على ما كتب الله راضين
ومن طاع ربه بشره في فلاحه
الشاعر / خالد بن عمران زبن الرشيدي
عند رحلتهم الى الصين للعلاج ويعودون علينا سالمين
يامسافرين والسفر ديرة الصين
ماهو طلب دنيا ولاهي سياحه
مطلب أعلاج ِ عند ناسِ ِ بعيدين
والبعد ما رد اولد عن مراحه
طرد السبب مطلوب وأنتم فهيمين
وأنتم سفركم بالامور المباحه
يوم أستويتم فوق بيضا جناحين
طيارة ِ تطوي بعيد المساحه
شلعبها السايق والمراويح ثنتين
تفوت شوف البصر بالمتاحه
حفظكم اللي نقط الشوف بالعين
مغشي ظلام الليل فالق صباحه
اوداعة الله يالرجال العزيزين
أعزاز النفوس أهل الصخا والسماحه
حمود ومفرح وعامر المسمًين
أهل العلوم الطيبه والنصاحه
نعم الرجال الطيبين الوفيين
أقول كلمة حق صدق وصرآحه
الله يبدل همكم بالهون الحين
ويكتب لكم خير العلاج ونجاحه
زرع الكلا ماهي زراعة بساتين
ولاهي مثل غرس النخل والفلاحه
عند الأطَبا غرسها والله أيعين
اليا تقرر من طبيب الجراحه
واللي تبرع لو تساق الملايين
عطوه مع زود الهديه أفراحه
نعمة مادام الحل يلقا باليدين
ندفع بطبيب أنفوس ماهي الحاحه
يالطيبين اللي على الطيب ضارين
ميزانكم بالطيب ياخذ رجاحه
عدتم علينا سالمين امتعافين
وطير الفرح معكم يرفرف جناحه
تنسون غربتكم وماصار من شين
وعقب التعب شفتم مسرَه وراحه
هذي هي الدنيا تقلب أم وجهين
اتلا تواليها تعود قباحه
ماتستقر أبحال وأنتم فهيمين
والصبر عز لمن يتسلح أسلاحه
الصبر فيه أفراج بالعسر والين
تلقون بالصبر الجميل أستراحه
وحنا على ما كتب الله راضين
ومن طاع ربه بشره في فلاحه
الشاعر / خالد بن عمران زبن الرشيدي