أنا اشهد به ناس وقت البهاذيل

[الواقعي]

لولا المواقف ماعرفت الرجاجيل
والرجل يعرف بالشدايد والافعال


أنا اشهد به ناس وقت البهاذيل
لاجد وقت الجد تطرى على البال


من يعجبونك في جميع المداخيل
ناس ٍ تعز الطيب من كل مدخال


وما كل من قلّط وساق الفناجيل
يتبع دروب الطيب في كل الاحوال


وترى العمر ماهوب فرق المشاكيل
والهرج مايرفع من الناس دجال


بعض الرجال كبارلكن مهابيل
المرجلة ماهيب بالكبر والمال


وبعض الرجال اجسام لكن تماثيل
جسم ٍ كبير وداخله قلب تمثال


يملى عيونك بالشكل كنه الفيل
http://www.j111j.net/vb/images/smilies/tongue.gif
ولاحان وقت الجد كذبت الاشكال


ماينفعك وقت الشقا والغرابيل
ياليت تسلم من كلامه والاقوال


ومنهو يظن إن المظاهر دواليل
به ناس نقص وتلبس شماغ وعقال


والدلة اللي دون نار ومعاميل
ماتسقي الخرمان لو ربع فنجال


وبعض الرجال يكيد لك بالمحابيل
يخفي بضحكه لك من الحقد زلزال


السن ابيض لكن القلب كالليل
ماكل من يضحك معك يسعد الحال


ولولا الحسد والبغض والقال والقيل
كان العرب صارت على قلب رجال


هذا كلام الحق من غير تبديل
حبيت اقول الصدق والصدق ينقال


اقبل كلامي فيه بعض التفاصيل
شي مجرب ماخرصته من البال


ولولا المواقف ماعرفت الرجاجيل
وكان استوى بالهرج خايب ورجال0




مماراق لذوقي ال
~~~~

[ابو معاذ]

أخوي الواقعي

أحسنت الاختيار . دمت بخير

[رشيديه وافتخر]

لاهنت يالواقعي على هذا الاختيار,
يعطيك العافية خيي,

[النجمه]

والدلة اللي دون نار ومعاميل
ماتسقي الخرمان لو ربع فنجال
الله يعطيك العافيه على حسن الانتقاء*

[نايف الرشيدي]

الله يعطيك العافيه على هذا الاختيار تحياتي لك

[ناصر]

مشكوووووور والله يعطيك الف عافيه تحياتي لك ////

[عزوف]

أختييااار رائــع وانتقاااء اروووع..يعطيك العاافيه اخووي ع الاختيأإأآر

[مفلح الخضيري]

اتحفتنا يابو خالد باحتيارك الرائع بارك الله فيك

تحياتي لك

[نَآدِر وُجُودِيْ]

،
اختيار رائع اخوي ، شاكره لك . .

[فهد بركة الرشيدي]

وبعض الرجال اجسام لكن تماثيل
جسم ٍ كبير وداخله قلب تمثال

[السهم]

مشكوووووور والله يعطيك الف عافيه

[مهدي الخضيري]

لله درك يابو خالد على هذا الاختيار المميز


وصح لسان شاعرها

لك جزيل الشكرر

[ساق الجواء]

لا هنت على هذا الاختيار