النايف
07-23-2011, 12:03 AM
البارحه مع شقت الفجر سويت = فنجال بنّ ِ بالدلال النظافي
فنجال بنّ ِ جاء على ماتمنيت = الماء قراح ِ وأشقر البن صافي
أخذت باليمنى الصغيّر وصبيت = فنجال ما أحلا شفته بالاشافي
أغدى عماس الراس من حين شفيت = لاشك مايغدي جروح ِ خوافي
تبّيحت من يوم يانجر دنيت = وأسند عليك اليوم يانجر قافي
يانجر يانجر الكرم وأهل الصيت = عقب الكرم تذرى عليك السوافي
مع التراث امخزن البيت حطيت = مالك مقام ِ بالحضاره ايشافي
اليا خوي الشيخ في رفة البيت = شيخ ِ كريم بالمواجيب وافي
شيخ ِ يقول الهاتش الليل حييت = يفرح ليا جوه النشاما ملافي
قلّط عليك المطحنه وأنت خلّيت = خلّيت ياراع الجمايل إخلافي
خليت ماتبكي زمانك ولا ابكيت = أقفى زمانك مع زماني وطافي
يانجر فارقت البداوه وخلّيت = اهل البيوت مشيّدين الرفافي
يامابصوتك للمعازيب دليت = يوم إن بعض الناس بالنوم غافي
على دنينك تالي الليل حلّيت = قنيب ذيب ِ بالسنين العجافي
جر العوى عقب القوى والحتاحيت = بارض خلا غير السباع الهجافي
ذيب ِ فضاه الصبح بارض ِ سباريت = فات العشاء ماشاف وايّس وعافي
أعوى عواه ومثله اليوم جرّيت = صوت ِ مثل صوته ليا ادلج وحافي
على زمان ِ فات يانجر لجيت = لولاي أدله خاطري باالقوافي
يانجر أنا وياك ياماتخاويت = والليل جلبابه على الناس ضافي
حطيت لي حزمة حطب ثم شبّيت = نار ِ سناها ليلة البرد دافي
وأركيت للبيض الثلاث وتقهويت = مرتاح بالي ما على الله خافي
هاك الليالي حلوهن ماتناسيت = بالخير مذكورات لوهن مقافي
مايرجع اللي فات لو قلت ياليت = ياليت مهما قلت ماهو بكافي
أقفا زمان ِ عشت فيه وتهنيت = أقفاي صيد ِ مع وساع الفيافي
وأقبل زمان ِ شتت الفكر تشتيت = لو كثر فيه الخير مامن عوافي
يارب هالوقت منه أستخفيت = اليوم من كثر الفتن قمت أخافي
أشوف شيّ ِ فاضحن لو تغاضيت = حتى المذاهب صار فيها أختلافي
عزاه يالحيين مرحوم الميت = مرحوم ياللي مات ماادرك وشافي
ياللي على سنة نبيّك توفيت = ماجاك عنها صدة ِ وانحرافي
واوصيك ياللي بالشريعه تمشّيت = أصبر وعش دنياك عيشة كفافي
مثل الغريب اللي يبي حجة البيت = غريب دار ِ جا على الرجل حافي
يارب ثبتني على الحق تثبيت = ياعلم ِ حالي وشافي وكافي
وعلى محمد صفوة الخلق صليت = أشرف بشر صلّى امكه وطافي
الشاعر / خالد بن عمرآن بن جعيمير الرشـــيدي
فنجال بنّ ِ جاء على ماتمنيت = الماء قراح ِ وأشقر البن صافي
أخذت باليمنى الصغيّر وصبيت = فنجال ما أحلا شفته بالاشافي
أغدى عماس الراس من حين شفيت = لاشك مايغدي جروح ِ خوافي
تبّيحت من يوم يانجر دنيت = وأسند عليك اليوم يانجر قافي
يانجر يانجر الكرم وأهل الصيت = عقب الكرم تذرى عليك السوافي
مع التراث امخزن البيت حطيت = مالك مقام ِ بالحضاره ايشافي
اليا خوي الشيخ في رفة البيت = شيخ ِ كريم بالمواجيب وافي
شيخ ِ يقول الهاتش الليل حييت = يفرح ليا جوه النشاما ملافي
قلّط عليك المطحنه وأنت خلّيت = خلّيت ياراع الجمايل إخلافي
خليت ماتبكي زمانك ولا ابكيت = أقفى زمانك مع زماني وطافي
يانجر فارقت البداوه وخلّيت = اهل البيوت مشيّدين الرفافي
يامابصوتك للمعازيب دليت = يوم إن بعض الناس بالنوم غافي
على دنينك تالي الليل حلّيت = قنيب ذيب ِ بالسنين العجافي
جر العوى عقب القوى والحتاحيت = بارض خلا غير السباع الهجافي
ذيب ِ فضاه الصبح بارض ِ سباريت = فات العشاء ماشاف وايّس وعافي
أعوى عواه ومثله اليوم جرّيت = صوت ِ مثل صوته ليا ادلج وحافي
على زمان ِ فات يانجر لجيت = لولاي أدله خاطري باالقوافي
يانجر أنا وياك ياماتخاويت = والليل جلبابه على الناس ضافي
حطيت لي حزمة حطب ثم شبّيت = نار ِ سناها ليلة البرد دافي
وأركيت للبيض الثلاث وتقهويت = مرتاح بالي ما على الله خافي
هاك الليالي حلوهن ماتناسيت = بالخير مذكورات لوهن مقافي
مايرجع اللي فات لو قلت ياليت = ياليت مهما قلت ماهو بكافي
أقفا زمان ِ عشت فيه وتهنيت = أقفاي صيد ِ مع وساع الفيافي
وأقبل زمان ِ شتت الفكر تشتيت = لو كثر فيه الخير مامن عوافي
يارب هالوقت منه أستخفيت = اليوم من كثر الفتن قمت أخافي
أشوف شيّ ِ فاضحن لو تغاضيت = حتى المذاهب صار فيها أختلافي
عزاه يالحيين مرحوم الميت = مرحوم ياللي مات ماادرك وشافي
ياللي على سنة نبيّك توفيت = ماجاك عنها صدة ِ وانحرافي
واوصيك ياللي بالشريعه تمشّيت = أصبر وعش دنياك عيشة كفافي
مثل الغريب اللي يبي حجة البيت = غريب دار ِ جا على الرجل حافي
يارب ثبتني على الحق تثبيت = ياعلم ِ حالي وشافي وكافي
وعلى محمد صفوة الخلق صليت = أشرف بشر صلّى امكه وطافي
الشاعر / خالد بن عمرآن بن جعيمير الرشـــيدي