فوازمريزيق
02-09-2008, 07:38 PM
السلام عليكم ورحمة الله وبركاته وطابت أوقاتكم جميعا بالمسرات
والمعذره على الإنقطاع
أشكر كل من تفاعل مع نصوصي الشعريه وكل من سأل عني
فنحن إخوة وليس بمستغرب على ابناء هذه القبيله التلاحم والإخاء
وبيض الله وجوهكم جميعا........................................... ولتكون عودتي بهذا النص
برد لاهب الكنه وهب البراد عصير=وترك راعي الأدباش عده ومقياله
رحل مايشده غير علم الحيا والخير=عيونه تخيل البرق ويجدد آماله
زهى الحسن فوق القاع بالعشب والنوير=على غب هملول تحدر من خياله
ونا لو بغيت اسج رجلي مداها قصير=مثل من عليه الباب مقفول باقفاله
احاول ولي مده ونا مشغل التفكير=واشوف آخر الأيام تنتابني حاله
اقدم قدم رجلي امامي ابيه يسير=على يمته واستلطفه واتحلواله
لكن القدم عن يمته ينثني ويحير=ماهي سالفة ماللحمل غير حماله
اعرف ان حلم الليل له بالضحى تفسير=ولا تضر بالمؤمن حلوم تهياله
ماهو لازم انه دايم يخونك التعبير=ولا كل عاقل يذكر اللي على باله
ونا داخلي ذيب يعوي ويعدي ويغير=يبي فرصته بس اني موثق احباله
حضرته وهو بامس حاجه الى التحرير=انا عارف ان الحضر لو طول اشواله
لجل شيء يرخص شيء والحق يعرف مير=ظروف الحياة تغرر الرجل بافعاله
سقى الله تراب ظمني يوم كنت صغير=كبرت وكبر في داخل القلب منزاله
مضالي ياغالي بين ياطب وبين دوير=ليالي وذكرى عمر واقفاي واقباله
يقولون جده غير واقول حايل غير=بحضره وبدوه وبنفوده وبجباله
والمعذره على الإنقطاع
أشكر كل من تفاعل مع نصوصي الشعريه وكل من سأل عني
فنحن إخوة وليس بمستغرب على ابناء هذه القبيله التلاحم والإخاء
وبيض الله وجوهكم جميعا........................................... ولتكون عودتي بهذا النص
برد لاهب الكنه وهب البراد عصير=وترك راعي الأدباش عده ومقياله
رحل مايشده غير علم الحيا والخير=عيونه تخيل البرق ويجدد آماله
زهى الحسن فوق القاع بالعشب والنوير=على غب هملول تحدر من خياله
ونا لو بغيت اسج رجلي مداها قصير=مثل من عليه الباب مقفول باقفاله
احاول ولي مده ونا مشغل التفكير=واشوف آخر الأيام تنتابني حاله
اقدم قدم رجلي امامي ابيه يسير=على يمته واستلطفه واتحلواله
لكن القدم عن يمته ينثني ويحير=ماهي سالفة ماللحمل غير حماله
اعرف ان حلم الليل له بالضحى تفسير=ولا تضر بالمؤمن حلوم تهياله
ماهو لازم انه دايم يخونك التعبير=ولا كل عاقل يذكر اللي على باله
ونا داخلي ذيب يعوي ويعدي ويغير=يبي فرصته بس اني موثق احباله
حضرته وهو بامس حاجه الى التحرير=انا عارف ان الحضر لو طول اشواله
لجل شيء يرخص شيء والحق يعرف مير=ظروف الحياة تغرر الرجل بافعاله
سقى الله تراب ظمني يوم كنت صغير=كبرت وكبر في داخل القلب منزاله
مضالي ياغالي بين ياطب وبين دوير=ليالي وذكرى عمر واقفاي واقباله
يقولون جده غير واقول حايل غير=بحضره وبدوه وبنفوده وبجباله