الابداع
01-23-2011, 12:42 AM
السلآم عليكـم .
*
يحيا العزيز بعزته شامخ الراس
والا الذليل يموت في عز ذله
ومن عاش شاف في دنيته كل الأجناس
من كل جنس وكل مذهب ومله
ومن عاند الدنيا توريه الأتعاس
يلقى القهر ويموت في وسط غله
راع الوفا ممشاه مع خيرة الناس
وراع الردى راع الردى صاحب له
ومال الردي في مجلس العز مجلاس
اصلآ ولا حتى يجيله ويوصله
بعض الرجال اغلى من كنوز الألماس
سيف ليا جات اللوازم تسله
له فزعة تضهر ليا صرت محتاس
ودرب الوفا ما كل رجلٍ يدله
وبعض العرب من تحت الاقدام ينداس
وبعض العرب من فوق راسك محله
وبعض العرب صداقته دوم نوماس
وبعض العرب صداقته لك مذله
وبعض العرب لامات تجزع له الناس
وبعض العرب لو مات محدن فطن له
لاباس يا قلب يبي المجد لاباس
ما دام فعل الطيب فينا جبله
ما عاد فالدنيا مسرات واوناس
عله تقفي عنك وتجيك عله
ما كل كيف يسبب لراسك عماس
والكيف ما تلقاه في كل دله
اعوذ بالرحمن من كل وسواس
ومن كل حاسد شال فالقلب غله
اخذتلي في شبة العمر مرواس
وجربت فالاصحاب من كل شله
ولقيت من ممشى الرديين الأفلاس
ولا كل رجال يناسبك دله
لي فالملا نضره ومبدا ومقياس
ولا اقول اخذت العرف والعمل كله
لكن لي قدوه عزيزه ونبراس
والجيد اصله للمكارم يتله
والبيت يبقى دام مبني على ساس
وإن كان ماله ساس ما دام ظله
والأ دمي عمره محدد بالأنفاس
رحال في دنيـاه والقبر حله
*
يحيا العزيز بعزته شامخ الراس
والا الذليل يموت في عز ذله
ومن عاش شاف في دنيته كل الأجناس
من كل جنس وكل مذهب ومله
ومن عاند الدنيا توريه الأتعاس
يلقى القهر ويموت في وسط غله
راع الوفا ممشاه مع خيرة الناس
وراع الردى راع الردى صاحب له
ومال الردي في مجلس العز مجلاس
اصلآ ولا حتى يجيله ويوصله
بعض الرجال اغلى من كنوز الألماس
سيف ليا جات اللوازم تسله
له فزعة تضهر ليا صرت محتاس
ودرب الوفا ما كل رجلٍ يدله
وبعض العرب من تحت الاقدام ينداس
وبعض العرب من فوق راسك محله
وبعض العرب صداقته دوم نوماس
وبعض العرب صداقته لك مذله
وبعض العرب لامات تجزع له الناس
وبعض العرب لو مات محدن فطن له
لاباس يا قلب يبي المجد لاباس
ما دام فعل الطيب فينا جبله
ما عاد فالدنيا مسرات واوناس
عله تقفي عنك وتجيك عله
ما كل كيف يسبب لراسك عماس
والكيف ما تلقاه في كل دله
اعوذ بالرحمن من كل وسواس
ومن كل حاسد شال فالقلب غله
اخذتلي في شبة العمر مرواس
وجربت فالاصحاب من كل شله
ولقيت من ممشى الرديين الأفلاس
ولا كل رجال يناسبك دله
لي فالملا نضره ومبدا ومقياس
ولا اقول اخذت العرف والعمل كله
لكن لي قدوه عزيزه ونبراس
والجيد اصله للمكارم يتله
والبيت يبقى دام مبني على ساس
وإن كان ماله ساس ما دام ظله
والأ دمي عمره محدد بالأنفاس
رحال في دنيـاه والقبر حله