طيب الساس

[فوازمريزيق]

أخواني وأحبائي في منتدانا الراقي والذي تجاوز الكبار بمراحل كثيرة حسب التصنيفات الكثيره بفضل رجالاته
السلام عليكم ورحمة الله وبركاته
أقدم لكم هذا النص بعد غياب عام عن الشعر والساحه وكالعادة جديدي عبر صفحاتكم
دمتم سالمين وأسأل الله العظيم أن يصلح أحوال المسلمين آمين




انهض رعاك الله ياطيب الساس=مثلك حرام يكون هذا مصيره!
أنصحك لاتيأس ترى ماورا الياس=إلا المآسي والحياة المريره
يابنك كيف اصبحت موطن للإفلاس؟=وانت الممول للبنوك الكثيره
وش جاك في تالي زمانك من الناس=وانت معروف ولك سمعه وسيره
جتك السهوم تعوم من عوج الأقواس=واليوم الأسود حام فوقك نذيره
وبعد استقرت ضربة الفأس بالراس=أطلقت صرخة للملأ تستجيره
وجاك الجفا ضاوي مثل لون الأدماس=يطلعك من حيره ويدخلك حيره
بدل بدل حراس خزنتك حراس=وصارت جميع معاملاتك خطيره
حبلك معقد ومتلولس تلولاس=ومنحاس وضعك مثل حوس المريره
أصبحت بعد الباس ماعاد بك باس=سيف توارت سلته في جفيره
لو لاح صوبك برق ماجاك عساس=يمرك الطرقي مانوخ بعيره
ماعاد بك طمعه ولا فيك مجلاس=لكن عسى بالأمر خير وخيره
أصبح كلام اليل حبر بقرطاس=يعيد للأذهان قصة شهيره
طق الغبا جمهاة عباس فرناس=واصبح هلاكه من سبايب مطيره
غامر طناخة راس ماهي على ساس=شجاعة ياجعل ماهي نويره
ياوجد حالي كل ماهب نسناس=طالت بعد كانت علينا قصيره
غارت عيون الماء والأشجار يباس=كل رمى دلوه على جال بيره
وتبدلت كل المفاهيم بالناس=وتعسرت كل الأموراليسيره
هان العزيز وطالت يدين الأنجاس=وتوالت النكبات في كل ديره
ماينفع المكسور لو قلت لاباس=لاصار كسره ماتضمه جبيره
والكسر ماهو كسر واحد وينلاس=ياما وياما من عظام كسيره
موت النفوس يهون مع موت الإحساس=الموت بالإنسان موتت ضميره
روس الرجال تغمغم بحمر الأكياس=وبالدين كل شوي تهدم شعيره
واصبح يشكك في حديث ابن عباس=وحديث ابن مسعود وابي هريره
من خايس يتبع له لشلة خياس=يبيع دينه لأجل يرضي دشيره
طول اللحى والشكل ماهو بمقياس=وفعل الصغيره موصل للكبيره
يوجد نصوص ويوجد إجماع وقياس=ومنصوب للفتيا وجيه سفيره
الخافيات تبين والعرق دساس=عشنا وشفنا بالسنين الأخيره
أضحت صنوف الناس ثلاثة أجناس=مبصر ومستبصر وضايع بصيره
صنف يعيش بوضع شايك وحساس=صامد ولا يقدر يواصل مسيره
أشبه بحر عاد بالوكر قرناس=سقوط ريشه يعذره من مطيره
وصنف لبس له لبس ماهو له لباس=وإذا صعد يصعد على اكتاف غيره
عاش الحياة بلا كرامه ونوماس=مافيه لاشيمه ولا فيه غيره
وصنف يفيق ليالقى رز أبو كاس=مافيه غير الأكل شيء يثيره
الضلع الأسود شامخ بين الأطعاس=وكل يقول الضلع ماحد يديره
من داس لابده بالأيام ينداس=ويامنا مثل الرحى مستديره
طرقت بالمسحوب قافية ادباس=من هاجسً ينفخ بلاضلاع كيره
سبحان من لايأخذه نوم ونعاس=علام مابالبينه والسريره
باسمه وذكره ينخزي كل وسواس=مايخذل المسلم وربي نصيره
يامقدر الأقدار يامذهب البأس=يالله بحسن العاقبه والستيره

[برق الشمال]

صح السانكــ يأبو مريزيق قصيدة مميَزة عن غيرها

[مهدي الخضيري]

شاعرنا القدير / فواز مريزيق

اهلا بك والحمدلله على السلامه وعوداً حميداً ان شاء الله

صح لسانك واعتلى شانك على هذه المؤشحه الرائعه والجميله جداً

اعجبني الكثير مما تحمل بارك الله فيك

ونسال الله سبحانه ان يصلح للجميع حالهم

اخي اقل مااقدمه لهذه الرائعه التثبيت

ولك فائق تحياتي وتقديري

[المميز]

جتك السهوم تعوم من عوج الأقـواسواليوم الأسـود حـام فوقـك نذيـره
وبعد استقرت ضربة الفـأس بالـراسأطلقـت صرخـة للمـلأ تستجـيـره



بارك الله فيك وعوده حميدـه اتمنى لك دوام الصحه والعافيه..


تحياتي..

[عطيب الضرايب]

صح لسانك وننتظر الجديد

[نواف بن مفضي]

وجاك الجفا ضاوي مثل لون الأدمـاس = يطلعك مـن حيـره ويدخلـك حيـره
ياسلااااااام




موت النفوس يهون مع موت الإحساس == المـوت بالإنسـان موتـت ضميـره





صح الله السانك يافوازبنتظار جديدك:idea:

[مفلح الخضيري]

الحقيقه اقف احتراماً لهذا النزف الجميل وكاعادتك يابو ايوب ابداعك مبهر دائم صح السانك واعتلا شانك
قصيدة حسب مافهمته الله يكون بعون امتنا الأسلامية عامه وحال علمائنا خاصهواصلح الله امرهم وبارك الله فيك ودامك في الابداع المتقدم كاعادتك تحياتي لك وتقديري

[ساق الجواء]

صح لسانك واعتلا شانك

[رشيديه وافتخر]

صح لسانك وننتظر الجديد

[خالدالقصاني]

شاعرنا القدير / فواز مريزيق

اهلا بك والحمدلله على السلامه وعوداً حميداً ان شاء الله

صح لسانك واعتلى شانك على هذه المؤشحه الرائعه والجميله جداً

اعجبني الكثير مما تحمل بارك الله فيك

ونسال الله سبحانه ان يصلح للجميع حالهم

اخي اقل مااقدمه لهذه الرائعه

ولك فائق تحياتي وتقديري

[ابن حوقان]

فواز مريزيق شاعر السهل الممتنع

شهادتي فيك مجروحة , ياصاحب الأخلاق الرفيعة والمقام السامي

فلله درك على هذه القصيدة , ورحم الله حال أمتنا

[ابن شاقي]

الحقيقه اقف احتراماً لهذا النزف الجميل وكاعادتك يابو ايوب ابداعك مبهر
دائم صح السانك واعتلا شانك قصيدة حسب مافهمته الله يكون بعون امتنا الأسلامية عامه وحال علمائنا خاصه واصلح الله امرهم
وبارك الله فيك ودامك في الابداع المتقدم كاعادتك تحياتي لك وتقديري

[ابن قعبوب]

شاعرنا القدير / فواز مريزيق

اهلا بك والحمدلله على السلامه وعوداً حميداً ان شاء الله

صح لسانك واعتلى شانك على هذه المؤشحه الرائعه والجميله جداً

اعجبني الكثير مما تحمل بارك الله فيك

ونسال الله سبحانه ان يصلح للجميع حالهم

[خالدالقصاني]

يامقـدر الأقـدار يامذهـب الـبـأسيالله بحسـن العاقـبـه والستـيـره
صح السانك قصيده قمة الجزاله في المعنى

[ابن هادي]

أنا أشهد إنك شاعر جزل ووافي

[الأميرة]

قصيدة بالصميم

خيي سلمت على الدرر

:: ::
:: ::

تحياتي العاطرة لك

[إلى الأمام سر]

الحقيقه اقف احتراماً لهذا النزف الجميل

[باسل الوهيداني]

صح لسانك واعتلى شانك على هذه المؤشحه الرائعه والجميله جداً

اعجبني الكثير مما تحمل بارك الله فيك

[بدور]

يسلمووو خيي ع هيك حكم

منورر

[بنت السعوديه]

ابداع فووق

تسلم

[خالد الربيع]

صح لسانك واعتلى شانك على هذه المؤشحه الرائعه والجميله جداً

تصنيف صاب كبد الحقيقة

[سفــــ الشمال ــــــــير]

صح الله لسانك مليار ولا يسدون
نزف شعري مميز
تحيااااااااااااااااااتي لك

[خالد المشعلي]

الشاعر القدير ابن مريزيق


أنت شاعر علم من أعلام القبيلة والحقيقة تشرفت بمعرفتك عن طريق هذا المنتدى الشامخ بما يقدم ويحفظ لابناء القبيلة موروثهم المجيد

[عبدالرحمن القعبوبي]

الحقيقه اقف احتراماً لهذا النزف الجميل

وكاعادتك ابداعك مبهر دائم

صح السانك واعتلا شانك

[علي الشمري]

الحق يقال ابداع شعري لايماثله شعر

[محتمي العاني]

صح الله لسانك مليار ولا يسدون
نزف شعري مميز
تحيااااااااااااااااااتي لك

[محمدالبغيلي]

شعرك هو طيب الساس وعريب المجاذيب

درر وتصنيف مقنع

صح السانك يالشاعر المبدع

[مطلق العجوني]

الله يبيض وجهك على ماقلت

شكر وتقدير لك

حكيم يابن مريزيق

[موردالهييب]

بارك الله فيك

ودائم مبدع

تحياتي وتقديري لك

[خليف الوهيداني]

اقتباس:
المشاركة الأصلية كتبت بواسطة فوازمريزيق http://slayl-abs.com/vb/slaaael/buttons/viewpost.gif (http://slayl-abs.com/vb/showthread.php?p=184626#post184626)
أخواني وأحبائي في منتدانا الراقي والذي تجاوز الكبار بمراحل كثيرة حسب التصنيفات الكثيره بفضل رجالاته

السلام عليكم ورحمة الله وبركاته
أقدم لكم هذا النص بعد غياب عام عن الشعر والساحه وكالعادة جديدي عبر صفحاتكم
دمتم سالمين وأسأل الله العظيم أن يصلح أحوال المسلمين آمين




انهض رعاك الله ياطيب الساس=مثلك حرام يكون هذا مصيره!
أنصحك لاتيأس ترى ماورا الياس=إلا المآسي والحياة المريره
يابنك كيف اصبحت موطن للإفلاس؟=وانت الممول للبنوك الكثيره
وش جاك في تالي زمانك من الناس=وانت معروف ولك سمعه وسيره
جتك السهوم تعوم من عوج الأقواس=واليوم الأسود حام فوقك نذيره
وبعد استقرت ضربة الفأس بالراس=أطلقت صرخة للملأ تستجيره
وجاك الجفا ضاوي مثل لون الأدماس=يطلعك من حيره ويدخلك حيره
بدل بدل حراس خزنتك حراس=وصارت جميع معاملاتك خطيره
حبلك معقد ومتلولس تلولاس=ومنحاس وضعك مثل حوس المريره
أصبحت بعد الباس ماعاد بك باس=سيف توارت سلته في جفيره
لو لاح صوبك برق ماجاك عساس=يمرك الطرقي مانوخ بعيره
ماعاد بك طمعه ولا فيك مجلاس=لكن عسى بالأمر خير وخيره
أصبح كلام اليل حبر بقرطاس=يعيد للأذهان قصة شهيره
طق الغبا جمهاة عباس فرناس=واصبح هلاكه من سبايب مطيره
غامر طناخة راس ماهي على ساس=شجاعة ياجعل ماهي نويره
ياوجد حالي كل ماهب نسناس=طالت بعد كانت علينا قصيره
غارت عيون الماء والأشجار يباس=كل رمى دلوه على جال بيره
وتبدلت كل المفاهيم بالناس=وتعسرت كل الأموراليسيره
هان العزيز وطالت يدين الأنجاس=وتوالت النكبات في كل ديره
ماينفع المكسور لو قلت لاباس=لاصار كسره ماتضمه جبيره
والكسر ماهو كسر واحد وينلاس=ياما وياما من عظام كسيره
موت النفوس يهون مع موت الإحساس=الموت بالإنسان موتت ضميره
روس الرجال تغمغم بحمر الأكياس=وبالدين كل شوي تهدم شعيره
واصبح يشكك في حديث ابن عباس=وحديث ابن مسعود وابي هريره
من خايس يتبع له لشلة خياس=يبيع دينه لأجل يرضي دشيره
طول اللحى والشكل ماهو بمقياس=وفعل الصغيره موصل للكبيره
يوجد نصوص ويوجد إجماع وقياس=ومنصوب للفتيا وجيه سفيره
الخافيات تبين والعرق دساس=عشنا وشفنا بالسنين الأخيره
أضحت صنوف الناس ثلاثة أجناس=مبصر ومستبصر وضايع بصيره
صنف يعيش بوضع شايك وحساس=صامد ولا يقدر يواصل مسيره
أشبه بحر عاد بالوكر قرناس=سقوط ريشه يعذره من مطيره
وصنف لبس له لبس ماهو له لباس=وإذا صعد يصعد على اكتاف غيره
عاش الحياة بلا كرامه ونوماس=مافيه لاشيمه ولا فيه غيره
وصنف يفيق ليالقى رز أبو كاس=مافيه غير الأكل شيء يثيره
الضلع الأسود شامخ بين الأطعاس=وكل يقول الضلع ماحد يديره
من داس لابده بالأيام ينداس=ويامنا مثل الرحى مستديره
طرقت بالمسحوب قافية ادباس=من هاجسً ينفخ بلاضلاع كيره
سبحان من لايأخذه نوم ونعاس=علام مابالبينه والسريره
باسمه وذكره ينخزي كل وسواس=مايخذل المسلم وربي نصيره
يامقدر الأقدار يامذهب البأس=يالله بحسن العاقبه والستيره




الله الله

هنا مايكفي مرور

واحد لله درك ولي عوده وعوده

يابن مريزيق

لك احترامي

[ولد ابوه]

صح الله لسانك شعر بالصميم

[سموالأحساس]

فواز أبيات رائعه وجميله وصح لسانك
ولك تحياتي وتقديري

[فوازمريزيق]

السلام عليكم ورحمة الله وبركاته
عودة جديدة لأشكركم أخواني في منتدانا الرائع وأقول بارك الله فيكم على ردودكم الرائعة والحفاوة الكبيرة
وفقني الله وإياكم لكل خير وإلى الأمام ودمتم سالمين

[سالم البراك]

توصيف عجيب تشكر يالشاعر البطل

[فهد الفالح]

طيب الساس والمجذب شعرك عريب المعاني والأبيات

لله درك

[محمد الحماد]

شاعرنا القدير / فواز مريزيق

اهلا بك والحمدلله على السلامه وعوداً حميداً ان شاء الله

صح لسانك واعتلى شانك على هذه المؤشحه الرائعه والجميله جداً

اعجبني الكثير مما تحمل بارك الله فيك

ونسال الله سبحانه ان يصلح للجميع حالهم

[الابداع]

صــح الســآنك