بدر حيي
01-06-2010, 06:16 PM
بمناسـبـة مــزح النسـيـم بشعـرهـا=والشمـس معزومـه علـى حفلـة الغنـج
والعطـر سـادر فـي بيـادر زهـرهـا=مـن غـرة محـرم الـى نهايـة الحـج
والقلـب مرهـي ميـر كـانـه أرهــا=مادلـهـا لـفـح الجديـلـه ولا ســـج
عصـريـة ٍ خـالـط نـداهـا خـدرهـا=نسناسـهـا غـربـي ومزناتـهـا بـلـج
لديـت ابـروي ناظـري مـن نظـرهـا=والشـوق يــدوي بالمعالـيـق ويـلـج
واشيـب عينـي مـن تكسـر اعبـرهـا=يـوم اتمقلهـا وانــا موقـفـي حــرج
كـن الحمَـار اللـي يـشـع بنحـرهـا=حبـات رمـان ٍ تساقـط عـلـى ثـلـج
كـم ونـة ٍ بالصـدر جـابـت خبـرهـا=وكم سهـرت نجمـه وكـم ذوبـت مهـج
مانـي لحالـي ذابـل ٍ مــن سفـرهـا=ويصيـح مـن فرقـا المظاليـل محـتـج
حتـى المـرايـا واحشتـهـا صـورهـا=تـرزم عليهـا مثـل مـاتـرزم الخـلـج
حـوريـة ٍ قــل الـكـلام بثـغـرهـا=يكفيـك عشـر سنيـن ماتسمـع الهـرج
ينبـت بصـدري مـن تهـذرف مطرهـا=روض ٍ ورا.. روض ٍ ..ومرج ٍ ورى مرج
جتنـي وانـا قبـل الـوعـد منتظـرهـا=شوقي لهـا صهـوة وشوفـي لهـا سـرج
استغفـر الله مــن خطـايـا سهـرهـا=والـعـذر لله ثــم لعيونـهـا الـدعـج
والعطـر سـادر فـي بيـادر زهـرهـا=مـن غـرة محـرم الـى نهايـة الحـج
والقلـب مرهـي ميـر كـانـه أرهــا=مادلـهـا لـفـح الجديـلـه ولا ســـج
عصـريـة ٍ خـالـط نـداهـا خـدرهـا=نسناسـهـا غـربـي ومزناتـهـا بـلـج
لديـت ابـروي ناظـري مـن نظـرهـا=والشـوق يــدوي بالمعالـيـق ويـلـج
واشيـب عينـي مـن تكسـر اعبـرهـا=يـوم اتمقلهـا وانــا موقـفـي حــرج
كـن الحمَـار اللـي يـشـع بنحـرهـا=حبـات رمـان ٍ تساقـط عـلـى ثـلـج
كـم ونـة ٍ بالصـدر جـابـت خبـرهـا=وكم سهـرت نجمـه وكـم ذوبـت مهـج
مانـي لحالـي ذابـل ٍ مــن سفـرهـا=ويصيـح مـن فرقـا المظاليـل محـتـج
حتـى المـرايـا واحشتـهـا صـورهـا=تـرزم عليهـا مثـل مـاتـرزم الخـلـج
حـوريـة ٍ قــل الـكـلام بثـغـرهـا=يكفيـك عشـر سنيـن ماتسمـع الهـرج
ينبـت بصـدري مـن تهـذرف مطرهـا=روض ٍ ورا.. روض ٍ ..ومرج ٍ ورى مرج
جتنـي وانـا قبـل الـوعـد منتظـرهـا=شوقي لهـا صهـوة وشوفـي لهـا سـرج
استغفـر الله مــن خطـايـا سهـرهـا=والـعـذر لله ثــم لعيونـهـا الـدعـج